1 февральдән беренче сыйныфка укырга керүче балаларның ата-аналарыннан гаризалар кабул итү башланды.Әлеге уңайдан,уку-укыту эшләре буенча директор урынбасары Шәйхетдинова Алсу,балаларны кабул итеп алачак класс җитәкчесе Вилданова Л.ата-аналар белән очрашып сөйләштеләр,киңәш-табыш иттеләр , гаризалар калдырдылар.Үзләрен борчыган барлык сорауларга да җаваплар алдылар.

Беренче сыйныф укучыларының  күптән көткән Әлифба белән саубуллашу бәйрәме булды.Балалар ,укытучылар,әти-әниләр һәм иптәшләре  алдында  беренче “имтихан”нарын тоттылар, уңышлары белән уртаклаштылар ,һөнәрләрен күрсәттеләр.Укытучылары Гөлфинә Кәфил кызы укучыларыннан канәгать булуын әйтте,ата-аналарга рәхмәтен белдерде.Бу бәйрәм балалар күңелендә матур хатирә булып калыр.К иләчәктә дә уңышлар сезгә,балалар!

6-8 февраль көннәрендә  «Созвездие-Йолдызлык-2018»  фестиваленең сайлап алу турлары үтте.Сәләтле укучыларыбыз Фатыйхова Р.,Амануллина И.,Мубаракшина К.”Вокал-соло” номинациясендә,Ситдиков А.  һәм Абдуллина З.”Конферанс” номинациясендә чыгыш ясадылар.

Уңышлар сезгә,укучылар!

Мәктәбебезнең хоккей мәйданчыгында ,авылдашыбыз  эшмәкәр Марат Валиуллин призына хоккей ярышлары бара.Алты  команда үзара көч сынаша. Хоккейчы егетләребезгә уңышлар телибез!

Бүген республикакүләм “Воспитать человека” конкурсының муниципаль этабы үтте.Әлеге конкурс кысаларында “Иң яхшы класс җитәкчесе” конкурсында 10 класс җитәкчесе Дәүләтҗанова Мәүлеҗиһан катнашты. Таныш булмаган класс укучылары белән “Холокост-помнить или забыть?» темасына  класс сәгате күрсәтте.Актив,үз эшенә бирелгән укытучының эшен жюри аерым билгеләп үтте.

Сталинград янындагы сугышка 75 ел тулу уңаеннан ,”Мамаев курган” дип исемләнгән вебинар булды.Тарих укытучысы Дәүләтҗанова М.9-11 класс укучылары өчен әлеге вебинарны карау һәм соңыннан фикер алышу оештырды.

Тарих һәм җәмгыять белеме укытучысы Дәүләтҗанова М. ,“Халыкара холокост корбаннарын искә алу көне уңаеннан ,10 класс укучылары белән информацион дәрес үткәрде һәм презентация әзерләделәр.Холокостның тарихы,аның сәнгатьтә чагылышы,холокостка багышланган һәйкәлләр турында бай мәгълумат тупланды.

“Россия Федерациясендә мәгарф турында” ФЗ-273 нче Федераль закон, Россия Федерациясе Мәгариф министрлыгының 22.01.2014 ел 32 нче номерлы приказы , Апас муниципаль районы башкарма комитетының 15.01.2018 елның 8 нче номерлы карары нигезендә, 2018 елның 1 февраленнән Борнаш, Әҗем, Әлмәндәр, Зур Болгаер, Кече Болгаер җирлекләренә беркетелгән балалар,  2018/2019 уку елына 1 сыйныфка кабул ителә. Сыйныфта буш урыннар калган очракта, 1 июльдән, әлеге җирлеккә кермәгән балалар да   2018/2019 уку елына 1 сыйныфка кабул ителә.

Кильдураз  мәктәбендә үткән семинар-киңәшмәдә “Ел ОБЖ укытучысы-2018” конкурсына йомгак ясалды һәм җиңүчеләр бүләкләнде.Иң сәләтле һәм иң оста фәнче булып ОБЖ укытучыбыз Хәйруллин Айдар Әнвәр улы танылды.Ул конкурсның зона этабында район данын яклаячак.Уңышлар,сина, мөгаллим!

9,11 класс укучылары һәм аларның  ата-аналары катнашында ,чираттагы җыелыш булды.Укучыларның имтиханнарга әзерлеге,барлык фәннәрдән дә биреп караган сынауларның сыйфаты,балаларның әзерлекләргә йөреше ,шулай ук әзерлекләр барышындагы җитешсезлекләр хакында уртага салып сөйләшенде,киңәш-табыш ителде.