Район “Сәләт” балалар иҗат йортында республикакүләм “Замечательный вожатый» конкурсының район этабы бара .Безнең мәктәп данын 11 класс укучысы Мингалиева Динара яклый.Уңышлар сиңа, Динара!!!

Беренче класс укучылары тиздән Әлифба  белән хушлашачаклар.Озынайтылган көн төркемендә балалар,Хәмидуллина Гөлнара апалары белән ,Әлифбаны озату бәйрәменә зур әзерлек алып баралар.Әниләренә бүләккә кул эшләрен әзерләп тә куйдылар инде.

Кыз  укучыларга  технология дәресләрендә тегү машиналары белән эшләү технологияләрен   үзләштерергә бөтен мөмкинлекләр дә бар.Нурия Әнвәр кызы төрле машина җөйләрен ясарга өйрәтә,өлгеләр әзерләп күрсәтә,һәр балага индивидуал якын килеп,җентекләп аңлата,ә соңыннан ,укучылар әзерләгән үрәкләрдән, күргәзмәләр ясап куялар.Дәресләрдә алган элеге күнекмәләрнең,әлбәттә, тормышта кирәге чыгачак.

Ир укучыларны хезмәт дәресләреннән алтын куллы,һәр эшнең мәлен-җаен белүче Сөләйманов И.Г.укыта.Егетләребез көнкүреш приборлары белән эш итәргә,аларны кирәк булганда төзекләндерергә өйрәнәләр,агачны нәфис эшкәртү,төрле типтагы станокларда металларны эшкәртү серләренә төшенәләр.Тормышта әлеге күнекмәләр ,әлбәттә,кирәк булачак.Еегет кешегә җитмеш төрле һөнәр дә аз,-диләр.

Буген ата-аналар өчен “Виртуальная жизнь ребенка:Интернет  друг или  враг?» темасына ,интернет -конференция формасында  җыелыш булды.Тема үтә дә актуаль,чөнки интернет белән эш иткәндә баласың иминлеген тәэмин итү өчен,ата-ана үзе интернет ресурсларны һәм интернет челтәренең куркыныч якларын үзе яхшы белергә тиеш.Әлеге җыелышта фән һәм мәгариф министры урынбасары Л.Сулима ,Казан инновацион институттының ректоры А.Тимирясова һ.б. чыгыш ясады.

Укучылар физкультура дәресләрен көтеп алалар.,чөнки һәр дәрес саф һавада үтә.Менә дигән чаңгы юлыбыз бар.Дәресләрдә генә түгел,буш вакытларында да укучылар чаңгыга басалар,сәламәтлекләрен ныгыталар.Хәзерге вакытта укучылар,Сөләйманов И.Г.җитәкчелегендә ГТО нормативлары тапшыру өчен әзерлек алып баралар. 

Укучыларыбыз  буш вакытларын күңелле дә файдалы да үткәрәләр.Кичләрен боз мәйданчыгы тынып тормый.Күмәк шуулар,дусларча хоккей уеннары оештырыла.Әлеге мәйданчык әти-әниләрне, спортка битараф булмаган һәркемне үзенә җыя.

Сәлимуллина Г.К.җитәкләгән “Мин -җәяүле,мин –пассажир” дип исемләнгән түгәрәктә 1 класс укучылары шөгыльләнә.Юл-транспорт фаҗигаларын кисәтү максатыннан,юлда йөрү кагыйдәләрен,юл билгеләрен өйрәнәләр,шулай ук төрле ситуацияләрдә,конкрет мисаллар өстендә үз-үзеңне ничек тотарга икәнлегенә төшенәләр.

3-4 класс укучыларын берләштергән Фәйзуллина Л.М. җитәкчелегендәге “Оста куллар” түгәрәгендә балалар яратып шөгыльләнәләр.Кәгазьдән ниләр генә ясап куймый алар.Хәзерге вакытта оригами ысулы белән эшләү серләренә төшенәләр.Әти-әниләр ярдәме белән ,балаларның кул астында, барлык кирәкле материаллары да бар.