Биология-химия укытучыбыз  Сибгатуллина Лилия «Ел укытучысы» конкурсының муниципаль этабында катнашты.Ул Апас  урта мәктәбенең 5 класс укучылары белән “Бактерияләрнең төзелеше һәм  тереклек эшчәнлеге”темасына ачык дәрес  күрсәтте .Әлеге дәрескә жюри әгъзалары бары тик уңай бәя бирделәр. Уңышлар сиңа, Лилия!

Мәктәп янында хоккей мәйданчыгыбыз булуга бик шатланабыз,чөнки буш вакытларны күңелле һәм файдалы үткәрү өчен менә дигән мөмкинлегебез бар.Боз катыру,мәйданчыкны тәртиптә тоту балалар,аларның әтиләре һәм физик-хәзерлек укытучылары көче белән башкарыла.

Китапханәче Ф.Сәлимуллина Гөлшат Зәйнәшевага 90 яшь тулу уңаеннан “Җырга багышланган гомер” дип исемләнгән  кичә әзерләп үткәрде.Укучылар Г.Зәйнәшеваның шигырьләрен сөйләделәр,аның сүзләренә язылган җырлар җырладылар,язмада тыңладылар.Гөлшат апаның С.Садыйкова белән иҗатташ дуслыгы,аның турындагы китаплары һәм сайланма әсәрләре белән якыннан таныштылар.

Балаларны һәм өлкәннәрне берләштерү,дуслыкның асылын аңлату,бабаларыбызның традициялрен һәм йолаларын югалтмау максатыннан үткәрелгән әлеге чарага беренчеләрдән булып башлангыч сыйныф укучыларыбыз кушылдылар һәм барлык укучыларның актив катнашуы өчен тырыштылар,шулай ук “Дустың кем?” темасына үткәрелгән әңгәмә дә җанлы һәм файдалы үтте.

Әлеге уңайдан Зарифуллина М.9 класс укучылары белән әңгәмә –дәрес үткәрде.1916 елның 11 январендә патша Россиясендә беренче  тыюлык-Бурятиядәге “Баргузинский “тыюлыгы оешкан.Хәзерге вакытта илебездә 100 дән артык тыюлык,35 милли парк исәпләнә.Укучылар иң зур тыюлыкларга читтән торып сәяхәт кылдылар,белемнәрен дә сынадылар.

Халыкара кеше хокуклары көне һәм “Об Уполномоченном по правам человека в РФ” ФЗ ның 20 еллыгы уңаеннан тарих һәм җәмгыять белеме укытучысы Дәүләтҗанова М. югары класс укучылары арасында “Мин һәм минем хокукларым” темасына тест үткәрде.

Хәйрллин Айдар җитәкләгән “Патриот” түгәрәгенә 8-9 класс укучылары теләп йөриләр,чөнки һәр  дәрес кызыклы ,мавыктыргыч һәм файдалы үтә.Җитәкче  занятияләрнең практик өлешенә зур әһәмият бирә, укучыларда Ватанга карата мәхәббәт, төгәллек, тизберлек, максатчанлык кебек сыйфатлар тәрбияләүне ,һәм әлбәттә, егетләрне армия хезмәтенә әзерләнүне максат итеп куя.

 Халыкара кеше хокуклары көне һәм “Об Уполномоченном по правам человека в РФ” ФЗ ның 20 еллыгын билгеләп үтүгә багышлап Бердәм кеше хокуклары дәресе үтте.Тарих һәм җәмгыять белеме укытучысы Дәүләтҗанова М.Кеше хокукларына багышлап эчтәлекле чыгыш ясады,соңыннан югары класс укучылары өчен эшлекле уен оештырды.

Китапханәче Сәлимуллина Фирая 4 сыйныф укучылары өчен,күрше кешесенә,дуска карата ихтирам,изгелек хисләре тәрбияләү максатыннан “Яхшы күрше-ярты дус” темасына информация сәгате әзерләп үткәрде.Тәрбияви әһәмияткә ия  әлеге дәрестә балалар файдалы ситуацияләр чиштеләр,мәкальләрне искә төшерделәр,дуслары турында фикерләре белән уртаклаштылар.Иң мөһиме дуслыкның,күршелекнең асылына төшенделәр,кадерен  белергә дигән фикергә килделәр.

Район башлыгы елкасында катнаштык

5 январь көне Апасның мәдәният йортында отличниклар,төрле конкурсларда җиңүче балалар өчен Глава елкасы булды.Безнең мәктәптән дә Валиахметова Г.җитәкчелегендә “5” ле билгесенә генә өлгергән укучыларыбыз Кыш бабай бүләге,ә һәм  актив укучыларыбыз Мингалиева Д.һәм Ситдиков А.акчалата бүләк алдылар.Каратун мәктәбе укучылары оештырган яңа ел тамашасы да балалар күңеленә хуш килде.