“Язгы мәрхәмәтлелек атналыгы – изге эшләр эстафетасы”ның  бишенче  көне республикабызда “Спорт “көне  дип игълан ителде.Төп бурычы-сәламәт яшәү рәвешен пропагандалау,халыкны спорт чараларына тарту.Әлеге акциягә кушылып,физик хәзерлек укытучылары Сөләйманов И.Г. һәм Хәйруллин А.А.,башлангыч класс укучылары белән “Күңелле стартлар” бәйгесе үткәрделәр.Балалар ихластан ярыштылар,көч сынаштылар.

“Язгы мәрхәмәтлелек атналыгы – изге эшләр эстафетасы”ның дүртенче көне республикабызда “Изге эшләр  көне “ дип игълан ителде.Төп максаты-киң җәмәгатьчелекне мәрхәмәтле эшләргә тарту.” ЮНАРМИЯ”хәрәкәте әгъзалары,“Дорога в обелиску” акциясендә катнашып, яу кырында башларын салган авылдашларыбыз хөрмәтенә куелган һәйкәлгә шефлык иттеләр,тирә юнен кардан арындырдылар.

Тарих укытучысы Дәүләтҗанова М. 11 класс укучылары белән президент сайлаулары хакында әңгәмә үткәрде.Сайлауларның асылын,тарихи әһәмиятен,сайлау хокуклары турында аңлатты.Шулай ук Татарстан президентының стратегик инициативалары,аларныңтөп нәтиҗәләре белән таныштырды.

Язгы мәрхәмәтле эшләр атналыгының өченче көне-халыкара  елгалар көне буларак билгеләп үтелде.География укытучысы  Сибгатуллина Л. 7-8 класс укучылары арасында “Сез беләсезме?”дигән викторина әзерләп үткәрде.Укучылар физик география фәненнән алган белемнәрен яңарттылар,күп кенә яңа мәгълумат тупладылар.

8 класс укучысы Хузина Гөлия (җитәкчесе Бикмурзина Ф.И.)“Дулкыннар” фестиваленең район этабында,”Нәфис сүз” номинациясендэ  чыгыш ясап,1 урынны яулаган иде.14 март көне фестивальнең Казан шәһәрендә үткәрелгән республика этабында катнашып ,сертификат белән кайтты.

“Язгы мәрхәмәтлелек атналыгы – изге эшләр эстафетасы” акциясенең икенче көне-Л.Н.Толстойның тормыш һәм иҗат юлына багышлана һәм җәмәгатьчелекнең игътибарын тел үсешенә,мәдәният үсешенә юнәлтү,бөек рус язучысы Толстойның  иҗатын тулырак өйрәнү максатыннан үткәрелә.Әлеге уңайдан рус теле һәм әдәбияты укытучылары Музаффарова С .һәм Насретдинова Т.”Л.Толстой-бөек фикер иясе” темасына ,югары класс укучылары өчен,дәрес презентация  күрсәттеләр.

Республикабызда , шул исәптәнмәктәбебездә “Язгы мәрхәмәтлелек атналыгы – изге эшләр эстафетасы”старт алды. Аның төп максаты Татарстанда яшәүче халыкларны,аеруча яшьләрне, әһәмиятле социаль проблемаларны чишүгә юнәлтелгән позитив чараларны тормышка ашыруда,мәрхәмәтле  башлангычлар  акцияләрендә катнашуларына ирешү.

Беренче көн #Мывместе #Безбергә  темасы астында  “Милләтләр дуслыгы көне”итеп билгеләп үтелде.Сыйныф җитәкчеләре Валиахметова Г. һәм Замалиева А.5-6 класс укучылары белән  дуслык кадеренә багышланган тәрбия сәгате әзерләп үткәрделәр.Хәмидуллина Г.үзенең 1-2 класс укучылары белән “Дуслыкка ни җитә” темасына әңгәмә оештырды.

Халыкара-хатын кызлар көне уңаеннан 8 класс укучылары (җитәкчесе Гыйниятуллина Н.Ә.) бәйрәм кичәсе әзерләп үткәрделәр.Шигырьләр,җырлар һәм биюләр белән үрелеп барган әлеге матур  чарага укучыларның әниләреләре  дә килде.

Гыйниятуллина Н., үзенең 8 класс укучылары белән  “Алкогольнең зарары” темасына үтемле чыгыш ясадылар.Алкогольле эчемлекләр,шул исәптән пиво һәм энергетикларның зарары турында сөйләделәр ,гыйбрәтле мисаллар китерделәр,ә соңыннан әлеге темага видеоролик тәкъдим иттеләр.