Башкортстан республикасында Татарстан көннәре кысаларындагы очрашуда Актаныш районыннан да эшлекле делегация катнашты. “Сәләтле балалалар өчен гуманитар    гимназия-интернат”ы  белән Уфа шәһәренең 84 һәм 65 номерлы гимназияләре арасында хезмәттәшлек килешүе төзелде. 

Гимназиянең 7 класс укучысы Габдрахманов Айнур (җитәкчесе Сибгатуллин Ришат Тимершаех улы), Казан дәүләт аграр университеты үткәргән “Минем кече Ватаным” республика яшь уйлап табучылар олимпиадасында катнашып, уңышлы чыгыш ясап кайтты. 

15-16 апреля на базе Центра детского творчества прошел районный конкурс театральных постановок на английском языке. Команда гимназии под руководством Валиевой Р. Ф. и Саттаровой Г. Г. заняла в этом конкурсе 1 место. Поздравляем ребят и их наставников с заслуженной победой!

Гимназиядә бүген әти-әниләр өчен ачык ишекләр көне үтте. Килгән кунаклар укучыларның укыту-тәрбия, интернатта яшәү шартлары, проектлар, дәрестән тыш шөгыльләр системасы белән таныштылар. Очрашу ахырында “Без яшь, без сәләтле...” олимпиадасында уңышлы чыгыш ясаган 26 укучының әти-әниләренә, Актаныш муниципаль районы башлыгы Фаттахов Энгель Нәвап улы тарафыннан, рәхмәт хатлары тапшырылды. 

Районкүләм үткәрелгән волейбол ярышында кызлар командасы – I, егетләр командасы II урыннарга лаек булды. Укучыларны һәм остазлары Харрасова Алсу Рәскать кызын җиңүләре белән котлыйбыз. Афәрин!

Чебешләрне көзен санасалар да, фән олимпиадаларында җиңүчеләрне хөрмәтләү тантанасы Актаныш районында традицион рәвештә, апрель аенда үткәрелә. Бу уку елында фән олимпиадаларының республика этабында гимназия укучыларының 52 призлы һәм җиңүче урыннары бар. Әлеге укучылар арасында ике яки аннан да күбрәк призлы урын алучылар да булды. Мәсәлән, 8 класс укучысы Вәлиева Нәфисә 6 фәннән республика дәрәҗәсендә урын алып, “Ел укучысы” исеменә лаек дип табылды. Район мәктәпләре арасында  гимназия I урынга ия булды. Олимпиадада югары нәтиҗәләр күрсәткән укучы һәм аларның остазларын җиңүләре белән котлыйбыз, киләчәктә дә уңышлар телибез!

12 апрель – авиация һәм космонавтика көне. Гимназиядә дә әлеге истәлекле көн уңаеннан төрле чаралар оештырылды: класслар арасында рәсем конкурслары,  Гагарин дәресләре, видеофильм карау, викториналар үткәрелде.

Гимназия кызлар баскетбол командасы районкүләм уздырылган ярышта мактаулы I урынга лаек булдылар. Кызларны һәм остазлары Харрасова Алсу Рәскать кызын җиңүләре белән котлыйбыз. Афәрин!

Бүген гимназия үзенә Актаныш 2 нче санлы мәктәбенең 4 сыйныф укучыларын кунакка кабул итте. Килгән укучылар гимназиядә тормышы, анда башкарылып килүче прроектлар, интернат бинасы белән таныштылар, гимназиянең өлкән сыйныфларында белем алучы абый-апаларыннан төрле кызыклы мәгълүматлар алдылар, фәнни экспериментларда катнаштылар.

Гимназиядә #эковесна2019 акциясенә старт бирелде. Укучылар, җылы яктан кайтучы сыерчыкларны матур оялар белән каршылыйлар.