Сарман районы кызы, 7а классы укучысы Яруллина Чулпанның әнисе полимер глинадан бизәкләр ясау буенча мастер-класс күрсәтте. Укучылар бик кызыксынып, бизәк төшерү серләрен өйрәнделәр, әниләр бәйрәме уңаеннан матур бүләкләр ясадылар.

Сәфәр  мәктәбе базасында, 5-6 класс укучылары арасында математикадан мәсьәләләр чишү буенча ярыш булып узды. Гимназиянең бер командасы -  Тимеров Ислам, Вәлиев Вильдан, Султанов Самат (6 класс укучылары) – җиңүче, икенче команда – Чекалин Гадел, Саттаров Самат, Газизов Әмир  (6 класс укучылары) - призер исеменә лаек булдылар. Укучыларны һәм остазлары Хазиева Рәмилә Әдип кызын, Вәлиева Земфия Гыйлфан кызын чын күңелдән котлыйбыз!

Бүген тормыш иминлеге нигезләре фәненнән Бөтенроссия олимпиадасының муниципаль этабы нәтиҗәләре билгеле булды. Исламов Айзат (8 класс) – җиңүче, Габдрахманов Айнур (8 класс) – призер, Гиздатуллин Ралиф (9 класс) - җиңүче, Вазетдинов Булат (10 класс) – призер исеменә лаек булдылар. Укучыларны һәм остазлары Сибгатуллин Ришат Тимершаех улын уңышлары белән котлыйбыз! Әфәрин!

Гимназия классларында әниләр көненә багышланган бәйрәмнәр циклы дәвам итә. Бүген 6а сыйныфы укучылары, класс җитәкчеләре Хазиева Рәмилә Әдип кызы һәм тәрбиячеләре Әхмәдгалиева Айгөл Ралиф кызы җитәкчелегендә, әниләр көненә багышлап, гаилә бәйрәме үткәрделәр. Бәйрәмдә әтиләр һәм дәү әтиләр дә теләп катнашты. Укучылар үзләренең концерт номерларын, сәхнәләштерелгән спектакльләрен тәкъдим иттелләр. Бәйрәм кичәсе чәй табыны артында, уен-көлке һәм әти-әниләрдән, дәү әни, дәү әтиләр тарафыннан җиткерелгән җыр-теләкләр белән үрелеп дәвам итте.

Бүген биология фәненнән Бөтенроссия олимпиадасының муниципаль этабы нәтиҗәләре билгеле булды. Вәлиева Мәдинә (7 класс) – призер, Әмирханова Алсу (8 класс) – призер, Салихов Таһир (9 класс) - призер, Исхаков Сәйдәш (9 класс) – призер, Хаев Альберт (10 класс) – җиңүче, Вәлиева Алина (10 класс) –призер исеменә лаек булдылар. Укучыларны һәм остазлары Исламова Зөлфия Әскать кызын уңышлары белән котлыйбыз!

“Татаркино” кинокомпаниясенең Яр Чаллыдагы филиалы тарафыннан, гимназия укучыларына “Солдатик” дип исемләнгән, Бөек Ватан сугышы елларын чагылдырган кинофильм күрсәтелде. 

Экология фәненнән Бөтенроссия фән олимпиадасының муниципаль этабында 9 класс укучысы Исхаков Сәйдәш җиңүче булып танылды.  Сәйдәшне һәм остазы  Исламова Зөлфия Әскать кызын котлыйбыз! Әфәрин!

Бүген 7б, 8а, 8б классы коллективлары әниләрен чакырып хөрмәтләделәр. 7б сыйныфы, әниләренә биремнәр әзерләп, квест ясасалар, 8а, 8б класс укучылары концерт номерлары белән сөендерделәр. Бәйрәм чарасы ашханәдә, чәй янында җанлы әңгәмә белән дәвам итте.

5а, 5б класс коллективлары Әниләр көне уңаеннан бәйрәм кичәсе үткәрделәр. Гимназия ашханәсендә класс җитәкчеләре Фәрдиева Регина Равиль кызы, Саматова Гөлнар Дилфас кызы, Кәримова Луиза Марсель кызлары җитәкчелегендә оештырылган әлеге бәйрәм театр күренеше, җыр-биюләр, уеннар белән үрелеп барды. Бәйрәм кичәсе барлык әниләрнең дә күңеленә хуш килде.