Белгәнебезчә, мөселман динендәге кардәшләребез өчен бик тә мөһим булган ай бара. Бу айда, без барыбыз да әдәп-әхлак, үзара толерантлы мөнәсәбәт, бер-береңне хөрмәт итү, изге гамәлләр кылу турында күбрәк уйланабыз. Һәм шул нисбәттән чыгып, гимназиядә хәзрәт белән очрашу, ифтар мәҗлесе үткәрелде. Дәниф хәзрәт Гарипов укучыларга әти-әни, туганнар хакын хаклау, мәктәптә алган белемнәрнең файдасы, үзара дустанә мөнәсәбәтләрдә гомер итү турында мәгънәле сүзләр сөйләде, тыңлаучыларның күңеленә иман нуры иңдерде.