Гимназиядә театр атналыгы дәвам итә. Бүген 7а классы укучылары  Туфан Миңнуллинның "Кайда хаклык, кайда дөреслек?" исемле драма әсәрен сәхнәләштерделәр.

Район мәктәпләре арасында үткәрелгән волейбол ярышында гимназия егетләре командасы III урынга лаек булды. Остазлары Харрасова Алсу Рәскать кызы. Котлыйбыз!   

Бүген, гимназия базасында, Актаныш районы мәктәпләре директорлары һәм аларның укыту-тәрбия буенча урынбасарлары катнашында семинар узды. Семинарда, гимназия укытучылары тарафыннан, мастер-класслар, үрнәк дәресләр күрсәтелде, гимназиянең укыту-тәрбия тәҗрибәсе өйрәнелде. Соңыннан район башлыгы Фаттахов Энгель Нәвап улы катнашында киңәшмә узды.   

1992 елның 6 ноябрендә Татарстан Республикасы Конституциясе кабул ителде. Әлеге Конституция, Татарстан Республикасының күпмилләтле халкы һәм татар халкы ихтыярын чагылдырып, кеше һәм граждан хокукларының һәм ирекләренең өстенлеген гамәлгә ашыра, халыкларның гомумтанылган үзбилгеләнү хокукына, аларның тигез хокуклылыгы, ихтыяр белдерүнең иреклелеге һәм бәйсезлеге принципларына нигезләнә, тарихи, милли һәм рухи традицияләрнең, мәдәниятләрнең, телләрнең сакланып калуына һәм үсешенә, гражданнар татулыгын һәм милләтара килешүне тәэмин итүгә ярдәм итә, федерализм принципларында демократиянең ныгуы, Татарстан Республикасының социаль-икътисадый үсеше, Россия Федерациясе халыкларының тарихи барлыкка килгән бердәмлеген саклап калу өчен шартлар тудыра.

Халыклар бердәмлеге көне белән! 

Гимназия-интернатның ике тәрбиячесе (Бакирова Фәнилә Фирдәвис кызы һәм Хөҗҗәтова Гөлназ Илгизәр кызы) Казан шәһәренең “Лицей Иннополис”ы һәм Казан федераль университетының Алабуга институты белән берлектә оештырылган “Интернат шартларында сәләтле балалар белән эш оештыру үзенчәлекләре” темасына багышланган семинарда  катнаштылар. 

КФУ базасында үкәрелгән III  Россиякүләм Л. Н. Толстой исемендәге фәнни конкурс-конференциядә 11 сыйныф укучысы Вахитов Ринат (фәнни җитәкчесе Шәйхин Айдар Рәсим улы) I дәрәҗә дипломга лаек булды. Котлыйбыз!

Беренче чирек нәтиҗәләре буенча классларда ата-аналар җыелышлары үткәрелде. Җыелышларны класс җитәкчеләре һәм тәрбиячеләр төрле формаларда оештырдылар: форсайт-сессия, эшлекле уен, түгәрәк өстәл һ.б. төрләр кулланылды. Соңыннан, теләгән әти-әниләр, фән укытучыларыннан консультацияләр алдылар.

Һөнәр сайлау – киләчәкне сайлау. Әлеге мәкаль зур класс укучылары өчен бигрәк тә актуаль. Шул нисбәттән, гимназиядә төрле югары уку йорты вәкилләре белән очрашулар булып тора. Бүген Казан кооператив институты укытучылары 9-11 класс укучыларына әлеге уку йорты турындагы мәгълүматларын җиткерделәр.

Гимназия дөньякүләм географик диктант язу акциясенә кушылды, барлыгы 75 укучы катнашты.