Укучыларның социаль активлыкларын да югалтмас өчен, дәресләр белән беррәттән тәрбия чаралары да онлайн платформалар аша оештырыла. Бүген, мәсьәлән, “Косманавтика” көненә багышлап, тәрбиячеләр тарафыннан викторина эшләү, кинофильмнар карау, фикер алышу оештырылды.

2019-2020 уку елының дүртенче чиреге уку-укыту системасында үзгә төрдә башланып китте. Илдә барган вәзгыятькә бәйле рәвештә, белем бирү дистант формасында оештырыла. Әйтергә кирәк, гимназиянең педагоглар, укучылар һәм әти-әниләр контингенты әлеге формага язгы каникуллар вакытында әзерлекләр үттеләр: дистанцион белем алуның төрле формалары сынап каралды, интернет платформалар өйрәнелде. Техник яктан төрле кытыршылыклар килеп чыкса да, укытучылар дәрес материалын максималь дәрәҗәдә укучыларга тапшыру юлларын эзлиләр, ә укучылардан үз чиратларында, мөстәкыйль һәм аңлы рәвештә белем үзләштерүгә тырышлык куюлары сорала. 

Шимбә һәм якшәмбе көннәрендә “Яшьлек” милли-мәдәни үзәге шаян һәм тапкыр егет-кызлар тавышыннан гөрләп торды. Чөнки бу көннәрдә “ШаяРТ” клубының редакторы Наил Салахов Актанышның 1 санлы, 2 санлы мәктәпләре һәм гимназия укучыларына ШТК серләрен төшендерде. Дусларча ярыш нәтиҗәләре буенча гимназия командасы (“Тәбикмәк” исеме астында) II   урынга лаек дип табылды, Хөҗҗәтов Газизгә  “Иң яхшы актер” номинациясе бирелде. Педагог-оештыручы Гөлгенә Глүсовна җитәкчелегендәге әлеге команда алга таба да бу юнәлештә эшне туктатмаска уйлый.

Гимназиянең “Хәзинә” бию ансамбле коллективы “Йолдызлык – 2020” фестиваль-конкурсының зона этабында уңышлы чыгыш ясап,  II урынга лаек булды һәм Казанда үтәчәк финал бәйгесенә чакыру алды. Ансамбльнең егет-кызларын, һәм җитәкчеләре Хатмуллин Илдар Булат улын җиңүләре белән котлыйбыз, алга таба да уңышлар телибез!

 Бүген, халыкара хатын-кызлар бәйрәме алдыннан, гимназиянең “яшь инспекторлары” гадәти булмаган рейдка чыктылар: район ЮХИДИ хезмәткәрләре белән берлектә руль артында утырган гүзәл затларны бәйрәм белән котлау өчен туктаттылар. Әлеге акция Актаныш районы ЮХИДИ бүлегенең пропаганда  бүлекчәсе җитәкчесе тарафыннан, юл инспекторлары һәм аларның 1 санлы, 2 санлы мәктәпләрдәге, гимназиядәге яшь ярдәмчеләре белән берлектә оештырылды. Акция барышында туктатылган автоледилар да, укучылар үзләре дә әлеге чарадан бик канәгать калдылар. Барыбызга да имин юллар булсын! 

14 февраля прошли дебаты между командами 7-8 классов. От каждого класса выступила одна команда из 3 спикеров.  Тема дебатов: Geniuses are born, not made. (Гениями рождаются, не становятся).

В рамках декады английского языка 12 февраля в гимназии прошел конкурс - тестирование среди учащихся 8,9 и 10 классов по страноведению англоязычных стран. Поздравляем победителя конкурса Валиеву Нафису (9а), и призеров - Асадуллину Алсу (8 класс) и Хаева Альберта(10б)!