Белгәнебезчә, мөселман динендәге кардәшләребез өчен бик тә мөһим булган ай бара. Бу айда, без барыбыз да әдәп-әхлак, үзара толерантлы мөнәсәбәт, бер-береңне хөрмәт итү, изге гамәлләр кылу турында күбрәк уйланабыз. Һәм шул нисбәттән чыгып, гимназиядә хәзрәт белән очрашу, ифтар мәҗлесе үткәрелде. Дәниф хәзрәт Гарипов укучыларга әти-әни, туганнар хакын хаклау, мәктәптә алган белемнәрнең файдасы, үзара дустанә мөнәсәбәтләрдә гомер итү турында мәгънәле сүзләр сөйләде, тыңлаучыларның күңеленә иман нуры иңдерде.

Гимназиягә укырга керергә теләүче укучылар өчен 18 май көнне сәгать 08.00, 26 май көнне сәг 09.00дә сайлап алу турлары үткәрелә. Түбәндәге фәннәрдән тест эшләү көтелә:

- 5 класс: математика, рус теле, логика;

- 6-8, 10 классларга: математика, рус теле, инглиз теле

 Быелгы җәйге спартакиада гаилә көне белән туры килде. Төп дәресләр тәмамлангач, барлык укучылар да Актаныш үзәк стадионына җыелдылар. Биредә, физик тәрбия укытучылары Алсу Рәскать кызы һәм Раил Хәләф улы җитәкчелегендә,    һәр класс укучылары 100 м, 200 м, 400 м, биеклеккә, озынлыкка сикерү, эстафета ярышларында катнашты. Һәр төрдә иң-иң җитез укучылар ачыкланды. Гомумән әлеге чара коллектив рухы тудыруда, укучыларда позитив кәеф булдыруда этәргеч ролен башкарды. Барлык катнашучылар да зур канәгатьлек хисе белән таралдылар. 

«В здоровом теле – здоровый дух» ученики гимназии-интерната придерживаются этой пословицы. Каждое утро  в гимназии начинается с утренней зарядки, где воспитанники интерната получают бодрость и природную энергию на целый день.  На этой недели зарядка была посвящена акции «Здоровое утро с РДШ».  В рамках данной акции наши ученики провели флешмоб в поддержку движения школьников, провели разъяснительную работу о важности здорового образа жизни и, конечно же, сделали хорошие селфи и групповые фото.

 Мәктәпне тәмамлау чоры якынлашкан саен, укучыларны, киләчәктә нинди һөнәр сайларга дигән сораулар ешрак борчый. Тормыштагы профессияләр белән таныштыру максатыннан, еш кына район җирлегендәге оешма-предприятиеләргә, җәмәгать урыннарына экскурсияләр оештырыла, төрле һөнәр ияләре гимназиягә килеп  укучылар белән очрашалар. 29 апрель көнне 10 сыйныф укучылары Актаныш районы суды эшчәнлеге белән танышып кайттылар. Алар анда суд барышын күзәттеләр, бинага экскурсия ясадылар, гомумән, хөкем йортының эш үзенчәлекләрен өйрәнделәр.

 Бу уку елында татар теленнән халыкара олипиадага гимназиянең 11 укучысы катнашты. Шулар арасыннан 11 класс укучысы Исламова Алия, 10 класс укучысы Язилә Шәрипҗанова – призер, Галләмова Эльвина җиңүче исеменә лаек булдылар. Барлык катнашкан, җиңүгә ирешкән укучыларны һәм остазлары Әминова Ләйсән Галиәкбәр кызын, Әһлетдинова Ландыш Филүс кызын, Шәрипова Чулпан Рәмзил кызын уңышлары белән чын күңелдән котлыйбыз!

Традицион рәвештә Габдулла Тукай туган көне алдыннан, Казан шәһәрендә, “Илһам” яшь язучылар иҗат бәйгесенә йомгак ясалды. Әйтергә кирәк, бу елгы нәтиҗәләр гимназия өчен аеруча сөенечле: 11нче класс укучысы Хәбибуллина Алинә (укытучысы Әминова Ләйсән Галиәкбәр кызы)  гран-при дәрәҗәсен алуга иреште, шулай ук, 8 класс укучысы Вәлиева Нәфисә   - II урын (укытучысы Әһлетдинова Ландыш Филүс кызы), 6 класс укучысы Шәмсиева Әдилә (укытучысы Шәрипова Чулпан Рәмзил кызы) актив катнашучы дипломнарына ия булдылар. Укучыларны һәм остазларын җиңүләре белән котлыйбыз! 

Алабуга шәһәрендә узган "Цифровое будущее Татарстана" регионара фәнни-эзләнү конференциясендә  8 сыйныф укучылары Вәлиева Нәфисә I урын, Ганеева Эльвира - II урын, Мухаметдинова Лиана - III урын яуладылар. Укучыларны һәм  җитәкчеләре Фәрдиева Регина Равиль кызы, Хөснетдинова Гүзәл Фәрит кызын котлыйбыз!

Традицион рәвештә, районкүләм җәйге спорт сезонын ачу уңаеннан Фирая Солтанова-Жданова кубогына җиңел атлетика ярышлары булып узды. Гимназия йөгерешчеләре җыелма командасы III урынга лаек булды. Укучыларны һәм остазлары Харрасова Алсу Рәскат кызын чын күңелдән котлыйбыз!