“Хәрәкәт куркынычсызлыгы айлыгы” кысаларында гимназиянең “ Юл хәрәкәте иминлеген саклаучы яшь инспекторлар” отряды вәкилләре, педагог-оештыручы Саттарова Гөлгенә Глүс кызы җитәкчелегендә  “Светофорны беләсеңме?” акциясен үткәрделәр. Акция барышында ЮХИДИ район фонды җитәкчесе Лена Фазлиева һәм юл иминлеге сакчылары белән очраштылар, Актаныш 1 санлы мәктәбенең 1в сыйныфы укучыларына светофор турында аңлаттылар, район халкы белән аралаштылар.

Гимназиядә милләтебезнең үсешенә өлеш кертүче, актив тормыш позициясенә ия булган яшьләр, фән, мәдәният, сәнгать һәм җәмәгать эшлеклеләре белән очрашулар башланып китте. 11 сентябрьдә укучылар каллиграф, Истанбулда Мимар Синан исемендәге гүзәл сәнгатьләр университеты студенты Айзат Минһаҗев белән очрашты.

Гимназиякүләм “Экстремизмга – юк!” айлыгы игълан ителде. 

Исәнме, мәктәп, белем учагы! Гимназиядә белем бәйрәме билгеләп үтелде. Бәйрәм тантанасында Актаныш муниципаль районы башлыгы Фаттахов Энгель Нәвап улы, Татарстан Республикасы Министрлар кабинетының баш ветеринария идарәсе җитәкчесенең беренче урынбасары Гәрәев Айрат Рәшит улы катнашты һәм котлауларын җиткерде. Яңа уку елы яңа уңышлар белән килсен! 

Гимназиянең уку-тәрбия рейтингында иң югары балл җыйган 9 укучысы Чехия республикасының Прага шәһәрендә ял итә. Биредә алар өчен шәһәр буйлап экскурсияләр һәм тел өйрәнү курслары каралган.

Бүген физика фәненнән бердәм дәүләт имтиханы нәтиҗәләре билгеле булды. Гимназиядән әлеге фәнннән бер укучы имтихан тотты. Рахманов Азамат (укытучысы Багаутдинова Римма Гранитовна)  97 балл җыюга иреште. Азаматны һәм аның остазын әлеге югары нәтиҗәгә ирешүләре белән котлыйбыз, киләчәктә уңышлар телибез!

Гимназиягә укырга керергә теләүче укучылар өчен 03 июнь көнне сәгать 09.00  сайлап алу турлары үткәрелә. Түбәндәге фәннәрдән тест эшләү көтелә:

- 5 класс: математика, рус теле, логика;

- 6-8, 10 классларга: математика, рус теле, инглиз теле

 Гимназия базасында район мәктәпләренең ата-аналары өчен укулар булды. Чаллы мэрының мәгарифне үстерү буенча киңәшчесе, якташыбыз Фәйрүзә Зөфәр кызы Мостафина, психологик фәннәр кандидаты Ольга Константиновна Репина әти-әниләргә бала тәрбияләүдәге нечкәлекләр, хәзерге буынның психологик үзенчәлекләре турында чыгыш ясадылар. Очрашуда катнашучылар үзләрен кызыксындырган сорауларга җаваплар алдылар.