Олыласаң олыны... Октябрьнең беренче ункөнлеге өлкәннәр декадасы буларак билгеләп үтелә. Әлеге уңайдан гимназиядә дә төрле чаралар планлаштырылды. Шуларның берсе: Пучы авылында урнашкан картлар йортына хәйрия визиты ясау. Гимназиянең волонтерлар төркеме укучылары, педагог-оештыручы Саттарова Гөлгенә Глүс кызы җитәкчелегендә, бу чараны бик матур итеп оештырдылар: өлкәннәрне җырлы-биюле, уен-көлкеле концерт программасы, укытучылар коллективы, укучылар һәм аларның әти-әниләре җибәргән чәй тәмнәре белән сыйлап, күңелләрен күтәрделәр. Изгелек җирдә ятмас, һәркөнне яхшы гамәлләр генә кылыйк!