Бүген 26нчы октябрь көнне Вахитов районы балалар бакчалары арасында, рус язучысы Л.Н.Толстойның тууына 190 ел тулу уңаеннан,  концерт оештырылды. Әлеге концертта, безнең балалар бакчасының мәктәпкәчә әзерлек төркемендә тәрбияләнүче Гудкова Виктория “Воробей” (“Чыпчык”) әкияте белән уңышлы гына чыгыш ясады. 

24нче октярь көнне безнең балалар бакчасында көз иртәләре башланып китте. Аның максаты - балаларда табигатькә, хезмәткә хөрмәт һәм мәхәббәт тәрбияләү. Алаларны көзге уӊыш нигъмәтләре белән тирәнтен таныштыру, күзәтүчәнлелек, игътибарлылык, сөйләм телләрен, иҗади мөмкинлекләрен үстерү иде. Зал бәйрәмчә бизәлгән. Балалар көзге уңыш бәйрәмен бик көтеп алдылар, чөнки алар бик күп шигырьләр, җырлар, биюләр өйрәнделәр. Әти-әниләр белән берлектә “Көзге күргәзмәгә” кул эшләре ясап алып килделәр. Һәркайсы бирелгән роленә карата матур костюмнар барлады, ә залда утырган әти-әниләр горурлык белән балалары әзерләгән бәйрәмне күзәттеләр. Матур көй яңгырады. Балалар мәрҗәннәр сыман залга тезелделәр. Озак тормады алтын көз килеп керде. Балаларга көз күчтәнәчләре алып килде. Балалар белән бергәләп табышмаклар чиштеләр, уеннар уйнадылар. Бакча карачкысының тавышы ишетелде. Аны бәйрәмгә ни өчен кертмәгәннәрен ачыкладык. Ул да безнең белән бәйрәм итте. Балалар белән әзерләнгән театраль чыгышлар да читтә калмады. Әти-әниләребезне дә тик утыртмадык. Алар белән кызыклы уеннар оештырдык. Бәйрәмебез ахырында көзге күргәзмәдә катнашкан балаларга дипломнар тапшырылды. Көзге уңыш бәйрәме бик кызыклы үтте.

Безнең балалар бакчасындагы тәрбиячеләр һәм мөгаллимнәр сәнгать өлкәсенә битараф калмыйлар. Чөнки бакчабызда һәрдаим бик күп төрле бәйрәмнәр, күңелле чаралар уткәрәбез, әлбәттә бу бәйрәмнәрдә без үзебез актерлар булабыз. Шул уңайдан, бүген  23нче октябрь көнне музыка җитәкчесе Зияутдинова Илзирә Фәнис кызы, тәрбиячеләрнең һәм мөгаллимнәрнең актерлык осталыкларын арттырыр өчен мастер – класс үткәрде. Аның максаты – иҗади мөмкинлекләрне ачу һәм формалаштыру. Моның өчен берничә күнегүләр үтәргә кирәк иде. Мәсъәлән, “Көзге” күнегүе, ул игътибарны үстереп кенә калмый, яхшы хәрәкәт итәргә дә өйрәтә. Күп кенә тизәйткечләр һәм башка күнегүләр утәдек.  Әлбәттә, кыска вакыт  эчендә генә «актерлык осталыгы» буенча бөтен күнегүләрне дә эшләп  бетереп булмый. Шуңа күрә бу очрашулар даими булыр дигән уйлар белән таралдык.

Бүген 19 октябрь көнне безнең балалар бакчасында танылган рус язучысы Лев Николай улы Толстойның тууына 190 ел тулу уңаеннан квест-уен  оештырылды. Бакчабызга Вахитов районының үзәк китапханәсе белгече Гаязова Сария Равил кызы,  күп кенә укытучы-логопедлар һәм Казан шәһәре Вахитов районының татар телендә белем бирүче 27нче номерлы гимназиясенең 4а сыйныф укучылары – Хафизова Зәлия белән Лукин Адель дә, Л.Н.Толстойның “Арслан белән тычкан” мәсәлен сәхнәләштереп алып килгәннәр иде. Сыйныф җитәкчеләре – Йосыпова Зөһрә Рәшит кызы. Квест - уен укытучы-логопед Чироева Ольга Николай кызы тарафыннан мәктәпкәчә әзерлек төркемнәре арасында үтте. Балалар белән язучы яшәгән чорга әйләнеп кайттык. Кинәттән Л.Н. Толстой залда үзе пәйда булды. Без аның музыка уен коралларында уйнарга яратканын белә идек инде, һәм ул балалар белән кызыклы уеннар оештырды. Квест-уен төрле биремнәрдән торды. Биремнәр слайд ярдәмендә экранда ачылып барды. Мәктәпкәчә әзерлек төркем балалары Л.Н.Толстойның күп кенә әсәрләре белән чыгыш ясадылар. Пазллардан рәсемнәр җыеп кайсы әкиятеннән икәнен ачыкладылар. Тәрбиячеләр балаларны язучының иҗаты белән алдан ук таныштырганнар иде. Китаханәдән килгән кунаклар да кызыклы презентация ярдәмендә башваткычлар алып килгәннәр иде. Балалар анда да сынатмадылар. Ә укытучы логопедлар Л.Н.Толстой әсәрләренә әдәби күзәтү үткәрделәр.Соңыннан без үзебез яшәгән дәвергә кайттык. Ә балаларны бакчабыз мәйданында "библиобус" көтеп тора иде. Бу китапханә тарафыннан әзерләнгән тагын бер кызыклы экскурсия иде. Квест-уен бик кызыклы һәм үзенчәлекле булды. Без килгән кунакларга рәхмәт әйтеп, тагын очрашулар теләп калдык. 

Бездә бүген кунакта Казан шәһәренең территориаль җитәкчелегенең алдынгы белгече Музаффарова Зөлфия Вәгыйз кызы, пропоганда инспекторры Кабирова Ландыш Әсхәт кызы, муниципаль хезмәткәрләр юл хәләкәте иминлеген тәэмин итү бүлегенең баш белгече Низамиев Марат Мөдәрис улы һәм шул ук бүлекнең алдынгы белгече Иванова Кристина Олег кызы булдылар. Алар балаларга юл йөрү кагыйдәләре, юл билгеләре һәм юлда йөргәндә үз-үзеңне тоту кагыйдәләре турында әңгәмә алып бардылар. Шулай ук яктылык кире кайтаручы элементларны киемнәрдә ни өчен кирәклеген аңлаттылар.Балаларның да белемнәрен тикшереп карадылар. Балалар сынатмадылар, сорауларга дөрес җавап кайтардылар. Әңгәмә бик кызыклы һәм үзенчәлекле үтте. Кунакларыбыз буш кул белән килмәгәннәр иде, алар безнең ЮХИ почмагына плакатлар бүләк иттеләр. Без кунакларыбызга рәхмәт әйтеп, кабаттан алар  белән очрашулар көтеп калабыз.

11нче октябрь көнне 358нче балалар бакчасында яшь специалистлар өчен чара үткәрелде. Әлеге чарага безнең балалар бакчасының уртанчылар төркеме тәрбиячесе Мартемьянова Регина Алексей кызы барды. Аңа профсоюз билеты тапшырылды. 

8 октябрь көнне зурлар төркеме тәрбиячесе Еремина Гузәл Гашик кызы, бирелгән вазыйфасына туры килү (СЗД) мөмкинлеген уңышлы үтте.

1нче октябрь көнне безнең балалар бакчасында өлкәннәр көне билгеләп үтелде. “Минем дәү әни” дип аталган бәйге – бәйрәм чарасында  әбиләребез оныклары белән бергә көч сынаштылар. Әлеге бәйгедә катнашыр өчен, Башкортыстаннан да килгәннәр. Бәйге бик күп төрле ярышлардан торды.  Балалар да олыларга багышлап җырлар, биюләр дә бүләк иттеләр. Әбиләребез бәйгеләрдә бер дә югалып калмадылар, чөнки бу бәйгедә һәммәсенең дә җиңү яулыйсы килде. Алар кул эшләрен дә, җитезлек буенча да, бик күп төрле сәлатләрен күрсәттеләр. Жюри әгзалалрына җиңүчене билгеләү җиңел булмады. Шуңа күрә өч төрле номинация җиңүчеләре билгеләнде.Аларга чәчәкләр һәм дипломнар бирелде. Өлкәннәребезне чын күңелдән олы бәйрәмнәре белән котлыйбыз. Тагын шундый күңелле очрашулар көтеп калабыз.

Һәр ел саен безнең балалар бакчасында "Көзге күргәзмә" оештырыла. Ул быел 1нче октябрь көненә билгеләнде. Барлык төркем балалары әти-әниләре белән берлектә төрле-төрле кул эшләре ясап алып киләләр. Алар арасында ниндие генә юк: яфраклардан ясалган сүрәтләр, төрле ярмалардан бизәкләр, яшелчәләрдән ясалган хайваннар, әкияти корылмалар , һәм бик күп төрле башка кул эшләре бар. Тиздән үткәреләчәк көзге иртәләрдә , төркемнәр арасында акив катнашкан әти -әниләргә рәхмәт хатлары биреләчәк.

Бүген 28 нче сентябрь көнне безнең балалар бакчасында,Чироева Ольга Николай кызы җитәкчелгендә, Вахитов районы балалар бакчасы логопедлары җыелышы үтте. Аларны бакчабызның мәктәпкәчә әзерлек төркеме балалары “Сәламләү вальсы” белән каршы алды. Җыелышта өлкән тәрбиячебез Гыйлметдинова Роза Алексей кызы, презентация ярдәмендә, гамәлгә кертеләчәк педагогик профстандарт таләпләре турында чыгыш ясады.