Бакчабызның зурлар төркеме тәрбиячесе Еремина Гүзәл Гашыйк кызы, 28нче гыйнвардан алып, 9нчы февральгә кадәр "Интелектуальное развитие детей дошкольного возраста средствами цифровизации, математики, роботоконструирования" дигән темага квалификация күтәрү курслары үтте.

һәр елны кышкы каникуллардан соң , безнең балалар бакчасында яңа ел чыршысы белән хушлашу,  “Сау бул, чыршыкай”  дигән музыкаль күңел ачу чарасы үткәрелә. Менә бүген дә без балалар белән музыка залына җыелдык. Балалар әйлән-бәйлән уйнадылар, яңа ел иртәсендәге җырларны, биюләрне, шигырьләрне искә төшерделәр. Чара ахырында балалар  чыршы белән саубуллаштылар. Бер яктан, балаларга һәм өлкәннәргә иң тылсымлы бәйрәмнең төп символы белән аерылышу моңсу да булды кебек. Ләкин тормыш безне алга дәшә,  безне әле күп төрле матур бәйрәмнәр, чаралар көтә.

Балаларның иң яраткан бәйрәме,әлбәттә,Яңа ел.26-27нче декабрь көннәрендә безнең балалар бакчасында яңа ел иртәләре узды.Бәйрәм чыршы тирәли әйлән-бәйлән җыры белән башланып китте,балалар шигырьләр сөйләделәр,биюләр башкардылар, аннан геройлар белән уеннар уйналды.Төрле - төстәге, утлар һәм матур итеп бизәлгән чыршы балаларга могҗиза хисе китерде.Тамаша башыннан алып әкият геройлары балаларны тылсымлы әкият дөньясына алып килделәр.Балалар бәйрәм атмосферасында маҗараларга чумдылар.Кыш бабай килүен түземсезлек белән көттеләр.Ә “Кыш бабай” ролендә, бакчабызның уртанчылар төркемендә тәрбияләнүче кызыбызның әтисе булуын беркем дә белмәде.Бәйрәм ахырында “Кышкы мизгелләр” күргәзмәсендә катнашучыларга дипламнар тапшырылды.Ә инде иң дулкынландыргыч вакыт – Кыш бабай кулыннан бүләк алу иде.Яңа ел иртәләре бик кызыклы һәм күңелле үтте.

Безнең балалар бакчасында "Кышкы мизгелләр" дип аталган кул эшләре күргәзмәсе - бәйге оештырылды. Әлеге күргәзмәгә балалар әти-әниләре белән берлектә ясалган төрле-төрле кул эшләре ясап алып киләләр. Һәр кул эше үзенчә кызыклы, мавыктыргыч итеп эшләнгән. Алар арасыннан җиңүчене сайлап алу бик кыенга туры киләчәк. Күргәзмәдә катнашкан балалар, яңа ел иртәләрендә дипломнар белән бүләкләнәчәкләр.

Бакчабызда, төркемнәр арасында, почмакларга бәйге дәвам итә. Буген исә шуларның тагын берсенә нәтиҗә ясалды. "Иң яхшы музыка һәм театр почмагы" җиңүчесе дип, "Кояшкай" мәктәпкәчә әзерлек төркеме билгеләнде. Тәрбиячеләре Устимова Аида Александр кызы һәм Фатыхова Алсу Данил кызы. 

Котлыйбыз!

Бүген безнең балалар бакчасының өлкән тәрбиячесе Гыйлметдинова Роза Алексей кызы, тәрбиячеләр һәм мөгаллимнәр арасында , өч төрле билгеләү " коучинг", "менторинг" һәм " остазлык" аңлатмалары белән  белән таныштырды. Презентация ярдәмендә, бу өч төрле аңлатманы ачыклап бирде.

Бүген безнең балалар бакчасында, уртанчылар төркеме тәрбиячесе Мартемьянова Регина Алексей кызы тарафыннан, мөгаллимнәр арасында "Тиеннең кәрҗинен тап" дигән квест уен оештырылды. Уенның максаты: балаларның кыргый хайваннар турында белемнәрен арттыру, уйлау, фикерләү сәләтләрен камилләштерү, шулай ук биш саны ешлыгында саный белүне арттыру. Күп  төрле атрибутлар һәм предметлар ярдәмендә әлеге уен берничә биремнән торды. Биремнәрне чишеп, тиеннең кәрҗине табылды. Уен узенчәлекле һәм кызыклы үтте.

Бүген безнең балалар бакчасында, укытучы-логопед Чироева Ольга Николай кызы, ФДБС шартларында “Сөйләм үсеше буенча эшчәнлекне оештыру үзенчәлекләре” дигән темага метод сәгать үткәрде. Ул, телне культуралылык күрсәткече һәм аралашу чарасы буларак үзләштерүне, актив сүзлек запасының даими баетылып торуны, грамматик яктан дөрес диалогик һәм монологик бәйләнешле сөйләм күнекмәләрен үстерүне, авазларны дөрес ишетү, әйтү күнекмәләрен камилләштерүне ассызыклады.

Бүген зурлар төркеме тәрбиячесе Еремина Гүзәл Гашыйк кызы, мөгаллимнәр арасында "Математика иленә сәяхать" дигән КВН үткәрде.Аның максаты: геометрик фигураларны таный һәм дөрес итеп әйтә белергә өйрәтү, логик фикерләүне ныгыту, игътибарлылыкны арттыру. КВН барышынды мөгаллимнәр төрле биремнәр чиштеләр. Һәр дөрес җавап саен йолдызчыклар алдылар. Күп йолдызчыклар җыйган команда җиңүче булды. КВН бик кызык үтте. 

Бүген безнең балалар бакчасында, икенче кечкенәләр төркеме бинабыз буенча экскурсиягә чыкты. Алар, тәрбиячеләре Мингазова Элмира Зөфәр кызы белән мөдир бүлмәсе, табиб бүлмәсе, аш пешерү бүлмәсе һәм дә анда эшләүче апалар белән танышып чыктылар. Шулай ук бакчабызның һәр катында урнаштырылган төрле почмаклар буйлап сәяхать иттеләр. Стеналарга ясалган сүрәтләргә туры китереп магнитлы рәсемнәр урнаштырдылар.Балаларга экскурсия бик ошады. Шулай итеп, икенче кечкенәләр төркемендә балаларның адаптация чоры уттеп китте дип әйтергә була.