Бездә буген кунакта Казан шәһәренең территориаль җитәкчелегенең алдынгы специалисты Музафарова Зөлфия Вәгыз кызы булды.  Ул балаларга юл йөру кагыйдәләре, юл билгеләре һэм юлда йөргэндэ үз-үзеңне тоту турында әнгәмә алып барды. Җэй көне бигрәк тә сак булырга кирэк диде ул, чөнки балаларның күбесендә самокатлар, велосипедлар, роликлар һэм башка бик куп төрле балалар транспортлары. Светофорны күзәтергә онытмаска өндәде ул. Һәм шулай ук балаларның да белемен тикшереп карады.Балалар сынатмадылар, сорауларга дөрес җавап бирделәр. Әңгәмә бик мавыктыргыч һәм күңелле атмосферада утте. Зөлфия Вәгыз кызына бик зур рәхмәт әйтеп, яңадан очрашулар көтеп калабыз.

Безнен балалар бакчасы юл хэлэкэте иминлеге атналыгыннан читтэ калмады.Атналык кысаларында торкемнэрдэ кYп торле чаралар уздырылды.Балалар энгэмэлэр, шогыльлэр, уеннар, ярышлар аша белемнэрен арттырдылар. Алар светофорлы юл чатында булдылар, светофорнын эшлэу тэртибе, кагыйдэлэре hэм юл билгелэре бн таныштылар. Тэрбияче биргэн биремнэр, сораулар каршында да югалып калмадылар, дорес итеп жавап кайтардылар. ЮХИ атналыгы бик кызык hэмYзенчэлекле Yтте.

18 май көнне безнең балалар бакчасында үткәрелгән чыгарылыш кичәсе, тәрбиячеләр, мөгаллимнә, әти-әниләр күңелендә матур мизгелләр калдырды. Балалар үзләрен уңган, зирәк, акыллы итеп таныттылар. Белмәмеш белән төрле уеннарда катнашып, беренче имтихан тоттылар. Ә инде клоун әзерләгән фокуслардан һәммәсе дә шаккатты. Кызларның әтиләре белән әзерләнгән “Әти һәм кыз” биюе әти-әниләрнең күзәрен чылатты.Кунакка 27нче гиназиянең 3 нче А сыйныф укучысы Хафизова Зәлия дә чакырулы иде, ул балаларга белем иленә ачкыч һәм җыр бүләк итте. Икенче кечкенәләр төркеме дә бәйрәмгә ашыкты, алалар шигырьләр сөйләп , узләренең әзелгәгән бүләкләрен дә тапшырдылар. Чыгарылыш төркеме балалары да алаларга истәлекле бүләкләр әзерләгән иде. Сөенечле, моңсу мизгелләр күп булды бәйрәмдә. Бәйрәм ахырында бакча мөдире Алсу Раиф кызы балаларга һәм әти-әниләргә матур теләкләр җиткерде.

11 май көнне безнең балалар бакчасында метод җыелыш булды. Анда Вахитов районы балалар бакчасы тәрбиячеләре һәм чакырылган кунаклар җыелды. Җыелышны бакчабыз мөдире Хафизова Алсу Раиф кызы башлап җибәрде. Бакчабызның әхлакый-патриотик тәрбия эшенең системасы һәм эзлеклелеге яктыртылды. Әхлакый-патриотик тәрбиядә өлкәннәрнең, бигрәк тә якын кешеләрнең үрнәге зур роль уйный. Балага безнең Җиңү үз Ватаныбызны яратканлыктан булуын аңлату мөһим. Кешеләрнең бәхете өчен үз гомерләрен кызганмаган батырларны туган ил онытмый, аларның исемнәре шәһәрләргә, урамнарга, мәйданнарга бирелә, алар хөрмәтенә һәйкәлләр барлыкка килә. Шул уңайдан Бөек Ватан Сугышы ветераннары әлеге җыелышның төп кунаклары иде. Шулай ук Казан транспорт линия идарәсенең балигъ булмаган балалар бүлекчэсе эшләре буенча өлкән инспектор Фасхутдинова Фәния Рафаил кызының һәм Казан шәҺәренең территориаль җитәкчелегенең алдынгы специалистлары Музафарова Зөлфия Вәгиз кызы белән Гайнуллина Гөлгенә Гәбделхәк кызының чыгышлары аеруча әһәмиятле булды. Алар белән тыгыз бәйләнешле эшебезне өлкән тәрбияче Гыйлметдинова Роза Алексей кызы презентация ярдәмендә исбатлап бирде.Ә инде тәрбиячеләребез, әхлакый-патриотик тәрбия максатларын үтәгәндә, тиешле шартларда һәм балаларның үзенчәлекләренә туры китерү принципларын истә тотып чыгыш ясадылар. Балалар чыгышы кунакларны таң калдырды: вальс биюләре дә, саф татар телендә шигырьләр сөйләүләре дә, җыр җырлаулары да, хәтта театраль күренеш тә патриотик хискә бирелеп роль башкарулары да. Җыелыш ахырында ветераннарга да сүз биреледе, аларга һәм килгән кунакларга истәлекле бүләкләр тапшырылды.

26 апрель көнне “Язгы салалават күпере” дип исемләнгән фестиваль үткәрелде. Әлеге фестиваль Вахитов районы балалар бакчалары арасында, балалар иҗаты үзәгендә оештырылды. Фестивальдә бакчабызның мәктәпкәчә әзерлек төркемендә тәрбияләнүче кызыбыз Юлдашева Алина “Добрая, милая мама”(Е.Астахова сүз. К.Дерр көе) җыры белән уңышлы гына чыгыш ясады.

26нчы апрель көнне без бакчабыз белән халык язучысы Габдулла Тукайны искә алдык. Төркемнәр арасында “Без Тукай оныклары” дип аталган шигырь бәйгесе үткәрдек, ә татар теле тәрбиячесе – Гыйлметдинова Роза Алексей кызы мәктәпкәчә әзерлек төркеме белән ачык шөгыль күрсәтте. Балалар бедән бергә Г.Тукай әкиятләре геройларына карата башваткыч чиштек, “Түбәтәй” уены уйнадык, шигырьләрен сөйләдек. Ә инде шөгыль ахырында барыбыз бергә “И тугал тел” җырын җырладык.

20 апрель көнне безнең балалар бакчасында Татарстанның һәм Башкортыстанның халык шагыйре Р.Миңнуллинның 70 яшьлек юбилеена багышланган очрашу булды. Әлеге очрашуга Казан шәһәренең үзәк китапханәсе белгечләре- Гаязова Сария Равилевна белән Москалева Клара Фаизовна һәм 27нче татар гимназиясенең 3нче сыйныф укучылары белән сыйныф җитәкчеләре Зухра Рашидовна килде. Әлеге очрашуда без үзебез төзегән һәм сәхнәләштергән “Серле бер көн” дип исемләнгән спектакль курсәттек. Соңыннан китапханә белгечләренә һәм гимназия укучыларына сүз бирелде. Алар Р.Миңнуллинның шигырьләрен сөйләделәр.Очрашуыбызны гимназиянең “Ләйсән” вокал ансамбле җыр белән йомгаклады. Җитәкчеләре Гатауллина Венера Дамировна. Бакчабыз гимназия һәм китапханә белән бәйле эшләрен киләчәктә дә дәвам итәчәк. Әлеге очрашудан һәммәбез дә канәгать калдык.

Конференция Казан шәһәре Идел буе районының 88нче урта мәктәбендә уздырылды. Әлеге конференциянең ачылу тантанасында “Әни кирәк” җыры белән бакчабыз мөдире Хафизова Алсу Раиф кызы һәм музыка җитәкчесе Илзирә Фәнис кызы, бакабызда тәрбияләнүче балалар белән уңышлы гына чыгыш ясады – залда утыручыларның күзләре чыланды...Чыгышыбызны бик югары бәяләделәр, алкышларга күмделәр... Балалар Роберт Миңнуллинга чәк-чәк бүләк иттеләр.Бакчабызда балалар Роберт Миңнуллин иҗаты белән һәрдаим танышып торалар. Иртәләрдә аның шигырьләрен сөйлиләр, җырларын башкаралар. Татарстанның халык шагыйре Роберт Миңнуллин иҗаты белән кызыксыну бакчабызда дәвам итәчәк.

21 март көнне безнең балалар бакчасында “Нәүрүз” күнел ачу чарасы үткәрелде. Балаларны татар халкының милли бәйрәме – Нәүрүз бәйрәме белән таныштыруны дәвам итү, халкыбызның борынгы уеннары аша балаларда йола-бәйрәмнәргә карата кызыксыну, хөрмәт хисләре тәрбияләү, әлеге чараның төп максаты иде. Елмаюлар чәчеп, шатлыклы күз карашлары белән балалар залга кереп тулды. Бәйрәм барышында җырлар җырлана, биюләр башкарыла, балалар белән күңелле уеннар уйнала, шигырьләр сөйләнә. Һәм әлбәттә инде бәйрәмнең төп хуҗасы – Нәүрүз килә, бәйрәм ахырында балаларга күчтәнәчләр өләшә. Ә Нәүруз ролендә 6нчы “Алтын ачкыч” төркемендә тәрбияләнүче Хисметова Кәримәнең әнисе - Динара Айратовна чыгыш ясады. Шулай ук бакчабыз мөгаллиме, өлкән тәрбияче Роза Гыйлметдинова бүре ролендә иде. Күнел ачу чарасы бик күнелле үтте.

21 март көнне, безнең балалар бакчасына «Рубин» футболчысы килде. Ул 3нче төркем балаларын алды. Аларга төрле күнегүләр, уеннар күрсәтте. Кызыклы уеннар уйналды. Ул беренче, балаларның үз-үзләрен ничек тотуларына игътибар итте. Күнегүләр башкарганда кайсы малар җитезрәк, күнегүләрне җитезрәк, төгәл башкаруларын исәпкә алып, малайларны сайлап алды һәм «Рубин» стадионына килергә кирәклеген әйтте.

Балалар күнегүләр, уеннар уйнаганнан соң бик кәнәгать калдылар.