Бүген 03 декабрь көнне безнең балалар бакчасына Шаян ТВ балалар каналы килде. Алар “Бергәләп өйрәник” һәм “Кичке әкиятләр” тапшыруы өчен репортаж төшерделәр, балаларга төрледән-төрле кызыклы сораулар бирделәр. Ә нинди сораулар биргәннәрен, Шаян ТВ каналынан карап белерсез.

"Әниләр көне"- иң матур бәйрәмнәрнең берседер, мөгаен. Бүген безнең бакчабызда әниләргә багышланган бәйрәм уздырылды. Бәйрәм белән котлап балалар шигырьләр сөйләделәр, җырлар, биюләр башкардылар. Әниләребез белән кызыклы уеннар да оештырдылар. Үз куллары белән эшләнгән бүләкләр тапшырдылар. "Әни һәм ул" биюе әниләләребезнең күзләрен чылатты. Бәйрәмебез бик күңелле үтте.

Бүген мәктәпкәчә әзерлек төркеме тәрбиячесе Фатыхова Алсу Данил кызы, мөгаллимнәр арасында "Пластилинография" дип аталган мастер - класс күрсәтте. Аның максаты: традицион булмаган  рәсем  белән таныштыру, пластилиннан шприц ярдәмендә жгутиклар ясау, жгутиклардан апликацияләр ясарга өйрәнү.

Бүген безнең балалар бакчасында, төркемнәр арасында, УМК-татар теле почмагына бәйге оештырылды. Бәйгедә "Алан" мәктәпкәчә әзерлек төркеме җиңү яулады. Тәрбиячеләре Самигуллина Гөлчәчәк Нәкыйп кызы һәм Мартемьянова Регина Алексей кызы. 

Котлыйбыз!

Бүген безнең балалар бакчасында, ФДБС шартларында “Физик үсеш буенча эшчәнлекне оештыру үзенчәлекләре” дигән темага метод сәгать үткәрелде. Организмның терәк-хәрәкәт системасын дөрес формалаштыруда, кул чукларының төгәл хәрәкәтләр ясау (эре һәм вак предметлар белән эш итү) күнекмәләрен ныгытуга, төп хәрәкәтләрне (йөрү, йөгерү, сикерү, як-якка борылуны) организмга зыян килмәслек итеп дөрес башкаруга юнәлтелгән күнегүләр ясауда тәҗрибә туплау турында арлаштык. 

Бүген безнең балалар бакчасында “ФДБСна нигезләнеп, хәзерге заман балалар бакчасы  шартларында ата-аналар белән эш” дигән темага метод җыелыш үткәрелде. Әти-әниләр, гаиләдә сакланган төрле милләт горыф-гадәтләрен, уеннар, җырлар, биюләр аша таныштырдылар. Балалар бакчасындагы яшәеш, гаилә институтыннан башка күзаллап булмавын ачык сизелде. Мөгаллимнәр һәм гаилә бердәм булырга тиеш, бу бакча тормышында иң мөһим саналган эш. Тәрбиячеләр һәм мөгаллимнәрнең профессиональ эше, еллар буе үз куллары белән ясалган лепбуклар аша, театраль тасфирламалар аша, җыр –биюләр белән үрелеп барган чыгышлар аша исбатланды. Моны җыелышка килгән кунаклар үз күзләре белән күрә алдылар. Без үз эшебез белән, бедәм гаилә булуыбыз белән һәм бакчабыз белән горурланабыз.

Юл-транспорт һәлакәте корбаннарын искә алу атналыгы кысаларында , бүген безнең бакчабызда мөгалимнәр һәм тәрбиячеләр арасында ГБУ БДДГның алдынгы белгече Музаффарова Зөлфия Вагиз кызы, әңгәмә алып барды.

Бүген бездә кунакта ГБУ БДДГның алдынгы белгече Музаффарова Зөлфия Вагиз кызы булды.Ул балаларга юл хәләкәте иминлеге турында әңгәмә алып барды. Балалар “Сфетофор”, “Җәяүле кичү” дигән анимацион сюжет карадылар. Әлеге очрашудан балалар да, тәрбиячеләр дә кәнәгать калдылар.

15нче ноябрь көнне безнең балалар бакчасында,"Логопед шөгыльләрендә татар телен укыту процессын оештыру"дигән темага, Казан Федераль Университетында белем алучы укытучы-логопедлар арасында семинар-практикум үтте. Семинарның җитәкчесе , ГАОУ ДПО "ИРО РТ" ның коррекция һәм инклюзив белем бирү лабораториясе мөдире , Морозова Алла Наил кызы.