19 май -  Рәсәйдә балалар иҗтимагый оешмалары көне, совет чорында ул Пионерия көне дип атала иде. 

Бүген укучылар гимназия тарихында булган оешмалар, шул чор укучылары оештырган чаралар белән таныштылар. Фотосурәтләр аша үткән белән килүчәкнең бәйләнешенә төшенделәр, лаеклы гимназистлар булырга сүз бирделәр.

15 нче май көнне 3 нче А сыйныфы укучылары Казан (Идел буе) федераль университетына экскурсиягә бардылар. Укучылар зоология һәм этнография музейларында булдылар. Кызыклы экспонатлар белән таныштылар.

Гимназиябездә Бөек җиңү көненә багышланган чаралар дәвам итә. Бүген 1-8 сыйныфлар арасында “Бу көнне без булдыра алганча якынайттык” ватанпәрвәр җырлар бәйгесе үтте. Укучылар эчтәлекле, мәгънәле җырлар башкарып, үзара көч сынаштылар.

13 майдан Язгы игелеклелек атналыгы башланып китте. Гимназиябездә бик күп чаралар уза. Бүген башлангыч сыйныфлар арасында эстафета үтте. Укучылар сәламәтлекне ныгыту өчен кызыклы һәм файдалы биремнәр башкардылар.

Алдынгылар хәрәкәте үз эшен дәвам  итә. Игелеклелек атналыгы кысаларында Волонтерлык юнәлеше кураторы Сибгатуллина Сабина 9 нчы сыйныф укучыларын волонтерлык эше белән таныштырды.

Волонтер» - инглиз теленнән «үз теләге белән ярдәм итүче» дип тәрҗемә ителә. Алар элеккеге тимурчыларны хәтерләтә. Нинди генә чаралар үткәрелгәндә дә алар актив катнашырга омтылып торалар. Укучылар яки яшьләр арасында тырыш, уңганнар гына волонтерлык эшен җиренә җиткереп башкара ала. Алар ихластан хәйрия эшләрендә дә катнашалар, ялгыз картларга, өлкәннәргә, ятимнәргә ярдәм итәргә ашыгалар.

Язгы игелеклелек атналыгы кысаларында, башлангыч сыйныфларда кинокич уздырылды. Укучылар волонтерлык турында мультфильм карадылар, фикер алыштылар.

Бүген, 13 нче май көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес А.С.Пушкин тормыш юлы һәм иҗаты, рус теле көненә багышланган иде һәм «Рус теле. Бөек һәм көчле. А.С.Пушкинның тууына 225 ел» дип аталды.

Казан шәһәренең ЮХИДИ бүлекчәсе  юл хәрәкәтен профилактикалау буенча  әйдәп баручы белгече Мозафарова З.В. башлангыч сыйныф укучылары белән профилактик әңгәмә үткәрде.

Нәни укучыларга зур юлларда йөрү, үз-үзеңне тоту кагыйдәләре турында сөйләде.

Әңгәмәнең максаты- язгы чорда балаларның юл-транспорт травматизмын кисәтү. Юл хәрәкәте иминлеген пропагандалау инспекторы укучыларга юлда йөрү өлешендә үз-үзеңне дөрес тоту турында сөйләде. Полиция инспекторы билгеләп үткәнчә, иртә яшьтән үк юл хәрәкәте кагыйдәләрен тайпылышсыз үтәргә һәм  кире йогынтыга бирелмәскә кирәк.

Инспектор белән бергә балалар юлда куркынычсызлык кагыйдәләрен һәм юл билгеләрен кабатладылар. 

Гимназиябез укучылары 9 май бәйрәменә багышланган “Җиңү тәрәзәләре” исемле акциядә катнаштылар. Сыйныф тәрәзәләрен бизәделәр.

Михаил Девятаев (1917 — 2002) — Бөек Ватан сугышы елларында немец самолетын кулга төшереп, әсирләр белән бергә концлагерьдан кача алган каһарман. Тумышы белән хәзерге Мордовия Республикасының Тәрби бистәсеннән. 1938 елда Казанда Елга техникумын тәмамлаган. Сугыштан соңгы елларда да Казанда яшәгән.

Гимназиябез укучылары ел саен Елга порты янында М.Девятаев истәлегенә куелган элмә такта янына барып, Советлар Союзы героен искә алалар.

Быел “Юнармия” отрядына йөрүче 5 нче В сыйныфы укучылары батырның тормыш юлы турында сөйләделәр. Алдынгылар советына йөрүче өлкән сыйныф укучылары ялкынлы шигырьләр белән Девятаевны искә алдылар. Советлар Союзы герое хөрмәтенә куелган элмә такта янына укучылар чәчәкләр салдылар.