6 май көнне 9а сыйныфы укучылары Хуҗиев К., Фатрахманов И., Бикчәнтәев Д., Сатарбеков А., Яруллин Р., тарих укытучысы Мөхәммәтгалиева Н.М. җитәкчелегендә, “Нәрсә? Кайда? Ничек?” уенында дистанцион рәвештә катнаштылар. Чара Бөек Җиңүнең 80 еллыгына багышланды.

Михаил Девятаев (1917 — 2002) — Бөек Ватан сугышы елларында немец самолетын кулга төшереп, әсирләр белән бергә концлагерьдан кача алган каһарман. Тумышы белән хәзерге Мордовия Республикасының Тәрби бистәсеннән. 1938 елда Казанда Елга техникумын тәмамлаган. Сугыштан соңгы елларда да Казанда яшәгән.

Гимназиябез укучылары ел саен Елга порты янында М.Девятаев истәлегенә куелган элмә такта янына барып, Советлар Союзы героен искә алалар.

Быел  5 нче А сыйныфы укучылары батырның тормыш юлы турында сөйләделәр. Алдынгылар советына йөрүче укучылар ялкынлы шигырьләр белән Девятаевны искә алдылар. Советлар Союзы герое хөрмәтенә куелган элмә такта янына укучылар чәчәкләр салдылар.

7 нче май көнне 5б сыйныфы укучылары, Радионың 130 еллыгы һәм Бөек Җиңүнең 80 еллыгы кысаларында үткәрелгән, “Җиңү” Радио фестивалендә булдылар. Укучылар күргәзмәләр карадылар, мастер-классларда катнаштылар, фәнни лекция тыңладылар, фильмнар карадылар һәм интерактив рәсемнәр ясадылар.

7 нче май көнне гимназиябезнең экскурсоводлар командасы «Памяти вашей будем достойны» исемле шәһәркүләм музейлар бәйгесендә катнашып, 1 нче урынга лаек булдылар. Җитәкчеләре Лилия Марат кызын һәм катнашучыларны котлыйбыз, иҗади уңышлар телибез!

7 нче май көнне гимназиябезнең футбол командасы Казан шәһәре Вахитов районы гомум белем бирү мәктәпләре арасында үткәрелгән Мәктәп футбол лигасында катнаштылар. Әлеге чара “Кожаный мяч” Бөтенроссия футбол ярышлары кысаларында уза. Егетләребез турнирда катнашып 2 нче урынга лаек булдылар.

Укучы егетләребезне котлыйбыз, уңышлар телибез!

Гимназиябездә Бөек Җиңүнең 80 еллыгына багышланган күргәзмә оештырылды. Анда Ватан сугышы, җиңү турында кул эшләре, хатлар, рәсемнәр, китаплар урын алды.

Бүген гимназиябезнең 8б сыйныфы укучылары Кәримова А., Мадышев А., Минһаҗева Д., Маннапов И. “Җиңү вальсы” исемле патриотик акциядә катнаштылар. Чара Бөек Җиңүнең 80 еллыгына багышланган иде. Ул Игенчеләр йорты янында узды.

Бүген, 5 нче май көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим мәсъәләләр турында сөйләшүләр" узды. Бүген дәрес Бөек Җиңүнең 80 еллыгы, илебез тарихындагы әһәмияте турында иде «Бөек Ватан сугышында Җиңүнең 80 еллыгы» дип аталды.

Бүген гимназиябездә Бөек Җиңүнең 80 еллыгына багышланган “Күңелле стартлар – Җиңү варислары: 80 еллык дан” дип аталган ярышлар үтте. Чара 4 нче сыйныфлар арасында оештырылды.

Чараның максаты : ватанпәрвәрлек хисләре уяту, команда рухы булдыру, физик мөмкинлекләрне ныгыту.

Нәтиҗәләр түбәндәгечә билгеләнде:

1 урын – 4А сыйныфы – “Светлячки” командасы;

2 урын – 4Б сыйныфы – “Победа” командасы;

3 урын – 4В сыйныфы – “Танк” командасы.

Катнашучыларга грамоталар һәм “Бердәм Россия” партиясе бүләкләре тапшырылды.

Бүген гимназиябездә “Бөек Ватан сугынының 80 еллыгында балалар белән нәрсә турында сөйләшергә” исемле ата-аналар җыелышы узды.

Җыелышта 80 еллык уңаеннан оештырылган чаралар турында, сугышта хәбәрсез югалган туганнарны табу буенча җаваплар, акцияләр, кушымталар белән таныштырдылар. Чара ахырында ата-аналар QR-код аша кичерешләре белән уртаклаштылар.