Гимназиябездә Наркоманияне беренчел профилактикалау, сәламәт яшәү рәвешен формалаштыру атналыгына багышланган китаплар күргәзмәсе оештырылды. Укучылар бу күргәзмәдә файдалы һәм кызыклы китаплар белән таныштылар.

5 А сыйныфы укучылары М.Җәлил музеенда экскурсиядә булдылар.

Казанда Горький урамы 17 йорт адресы буенча урнашкан торак йортның дүртенче катында Муса Җәлилнең музей-фатиры урнашкан. Җәлил бу фатирга 1940 елның сентябрь ахырларында күченә. Ул ике гаиләгә уртак кухнялы коммуналь торак була. Җәлилнең музей-фатиры биредә 1983 елны ачыла.

Шунысы бик мөһим, музей-фатир төп нөсхә экспонатларга бай. Аларның барысын да шагыйрьнең хатыны Әминә апа саклап калган һәм музейга тапшырган.

 Илебездә тагын бер яңа бәйрәм барлыкка килде. 

Ул- Әтиләр көне.  Календарьдагы яңа дата Россия Президенты Указы нигезендә гамәлгә куелды. Әтиләр көне, ноябрь аенда билгеләп үтелүче  Әниләр көнен тулыландырачак. Аның датасы октябрь аеның өченче якшәмбесе итеп билгеләнде, быел ул 20 октябрьгә туры килә. 

Шул уңайдан башлангыч сыйныф укучылары әтиләренә матур открыткалар ясадылар.

Гимназиябездә  “Экстремизмга — юк!” дип әйтик айлыгы кысаларында үткәрелә торган рәсемнәр һәм плакатлар бәйгесе үтте.

Бәйгенең төп максаты – яшүсмерләрдә толерантлык, тынычлык сөючәнлек, башка кешеләрне кабул итү һәм аңлау, алар белән уңай хезмәттәшлек итә белү.

Ай дәвамында укучылар экстремизм һәм терроризм күренешләренә үз карашларын ясадылар.

Китапханәләр кешене белем, әдәбият, сәнгать, тарих, мәдәният һәм тылсым дөньясына алып керә.

Югары технологияләр дә, заманча мәгълүмат чаралары да китапны алыштыра алмый. Китапханәче хезмәте тыйнак һәм күркәм хезмәт.

РФ Президенты Указы белән 1995 елдан 27нче май – Бөтенроссия китапханәләр көне буларак билгеләп үтелә.

Китаплар... Кемнәр генә алардан рухи ләззәт алмаган да, кайсы бөек шагыйрь, даһи философ аларга дан җырламаган! Дөнья хикмәтләренең мәгьнәсен яңа гына капшап карый башлаган бала да, мең дә беренче соравына җавап эзләп, китапка үрелә. Китапны сайлый.

Шул уңайдан гимназиябез укучылары китаплар өчен матур китап кыстыргычлары ясадылар, аларны матур итеп бизәделәр.

Бүген, 17 нче ноябрь көнне, гимназиядә сулы объектларда куркынычсызлык булдыру айлыгы башланып китте. Ул 17 нче октябрьдән 20 нче ноябрьгә кадәр дәвам итә. Сыйныф сәгатьләрендә укытучылар профилактик аңлату эшләре алып барды. Ата-аналар җыелышларында балалар артыннан тикшерүне көчәйтү турында лекцияләр сөйләнде.
Әлеге айлык кысыларында, 1-4 нче сыйныфлар арасында “Боз өстендә сак бул!” исемле рәсем бәйгесе оештырылды.

Бүген, 14 нче октябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес зур булу серләре һәм җаваплылык турында иде һәм «Зур булу нәрсә ул?» дип аталды.

Бүген гимназиябезнең 6 а сыйныфы укучылары Г.Тукай әдәби музеена экскурсигә бардылар.

Музей хезмәткәрләре укучыларны бик җылы каршы алдылар.  Музейның беренче бүлеге - шагыйрьнең балачагы турында. Әлеге бүлектә экскурсияне Апуш – робот алып барды.

Экскурсовод һәр экспозиция, экспонат турында бик тәфсилләп җайлы итеп аңлатты, укучыларның сорауларына җавап бирде, бик күп кызыклы фактлар, истәлекләр турында сөйләде. 

Г.Тукай музеен барып күрү һәркем өчен зур истәлек булып хәтердә калыр.

Бүген, 7 нче октябрь көнне, гимназиядә дүшәмбе иртәсе традицион рәвештә РФ һәм ТР Дәүләт флагын күтәрү һәм гимнны башкару белән башланды. Тантанадан соң барлык сыйныфларда "Мөһим әйберләр турында сөйләшүләр" узды. Бүген дәрес илебез турында уйлап чыгарылган уйдырмалар турында иде һәм «Россия турында легендалар» дип аталды.

4 нче октябрь – Халыкара хайваннарны яклау көне.

Кызганычка каршы, планетабыздагы хайваннарның кайбер төрләренә юкка чыгу куркынычы яный һәм аларны коткарып калу өчен Кызыл китап төзелгән. Балалар инде кайбер хайваннарның юкка чыккан төрләре барлыгын, тыюлыкның нәрсә икәнен һәм аның милли парктан нәрсә белән аерылуын беләләр.

Балалар белән бу көнне сирәк очырый торган җәнлекләр рәсемнәрен ясадык, табышмакларга җаваплар таптык, китаплар укыдык, энциклопедияләр карадык.