Гимназиябезнең башлангыч сыйныф укучылары Халыклар бердәмлеге көненә багышланган рәсемнәр ясадылар. Соңыннан бергәләп әлеге истәлекле көн турында фикер алыштылар.

4 ноябрь – Халыклар бердәмлеге көне. Халыклар бердәмлеге көне тирән рухи мәгънәгә ия. Ул безне бердәм булырга, ата-бабаларыбызның каһарманлыгын хөрмәт итәргә өйрәтә.
Бу көн – илебез тарихына хөрмәт белдерү һәм аның данлыклы традицияләрен дәвам иттерүнең бер күркәм билгесе. Дәүләт күләмендәге бу бәйрәм 1612 елгы тарихи вакыйгаларга барып тоташа. Халыкара бердәмлек көне буларак, 2005 елдан билгеләп үтелә.
Тарихта эз калдырган бу көннәрдә безнең ата-бабаларыбыз – төрле милләт, дин һәм төрле катлам вәкилләре – бер булып, уртак Ватаныбызны чит илбасарлардан азат иткән. Төрле милләт кешеләренең иң югары максатларга ирешү өчен берләшүе, Ватанга карата чиксез мәхәббәте һәм ватанпәрвәрлеге илебезгә тарих сынауларын җиңеп чыгарга ярдәм иткән.

Гимназиябез укучылары Татарстан Республикасы Конституциясе көненә багышланган “Это все мое родное” исемле акциягә кушылдылар.

Безнең футбол командабыз яңа, матур формага ия булдылар. Спортчы егетләребезне котлыйбыз, алга таба да уңышлар телибез!

1 нче ноябрь көнне 6 нчы сыйныфларда “Тарих тәгәрмәче” исемле интеллектуаль уен узды. Укучылар илебез тарихы һәм аның язмышында төрле халыкларның роле, мәдәният, сәнгать берлеге турында сөйләштеләр, үзара көч сынаштылар.

31 октябрь көнне “Россия - минем горизонтларым” сыйныфтан тыш эшчәнлек курсы кысаларында “Сәламәт Россия: биотехнология, экология” дәресе узды. Укучылар төрле тестлар, биремнәр ярдәмендә илебез экологиясе һәм анда булган проблемалар, кирәкле һөнәрләр белән таныштылар.

Дәреснең максаты: укучыларны төрле һөнәрләр дөньясы белән таныштыру, һөнәр сайлау процессына әзерләү. Соңыннан укучылар бергәләп каралган видеороликлар турында фикер алыштылар, сорауларга җавап бирделәр.

Гимназиябезнең 9 нчы сыйныф укучылары Кече бизнес һәм эшмәкәрлек көллиятендә «Киләчәккә билет” проекты буенча төрле һөнәрләрдә үзләрен сынап карадылар. Безнең укучыларыбызга сатучы-кассир, пешекче-кондитер һөнәрләре туры килде. Әлеге мастер-класс укучыларга аеруча ошады.

30 нчы октябрь көнне “Көз сылуы - Сөмбелә” шәһәр бәйгесенең район этабы узды. Гимназиябез данын 5 нче сыйныф укучысы  Галимуллина Әминә яклады. 

Катнашучылар “Бөтен җирне нурга күмә кояш кебек Сөмбелә”, “Без талантлар эзлибез”, “Алтын куллар”, “Костюм көз сылуы Сөмбелә” бәйгеләрендә көч сынаштылар. Нәтиҗәләр соңрак билгеле булачак.