Без алар белән горуланабыз! Алар батырлыгы мәңгелек!

    Бәйрәм дигәч, күбебезнең күз алдына дәртле җыр-биюле, шат авазларга күмелгән мизгелләр килеп баса. Әмма шул күпсанлы бәйрәмнәр арасында күз яшьләре белән искә алына торганы бар. Ул – 9 Май – Бөек Җиңү көне.Без, сугыштан соңгы буын вәкилләре, бу Җир йөзендә яшәвебез өчен илебез бәйсезлеге өчен көрәшкән кыю фронтовикларыбызга, фронтка дип корал койган, үзләрен аямыйча көн-төн эшләгән тыл хезмәтчәннәренә мең-мең кат бурычлыбыз.

     9 Май – Бөек Җиңү көне. Бүген Лашман авыл мәдәният йортында Бөек Җиңү көне уңаеннан бәйрәм чарасы, тыл ветераннары, сугыш ветераннары катнашында митинг узды. Аларда патриотик җырлар, шигырьләр дә күп яңгырады.Без дә бу чарадан читтә калмадык.

    Халыкның рухи мирасы, күңел җәүһәрләре балага дөрес, нәтиҗәле тәрбия бирүдә бай хәзинә.Табигать тарафыннан кешегә сәләтләр төрлечә бирелә, ләкин даими күнегүләр ярдәмендә һәр баланың сәләтен үстерергә мөмкин. Театраль чара аша бала яңа хисләр, белемнәр, күнекмәләр, матур әдәбиятка кызыксыну, сүз байлыгы, сөйләм телен үстерү зәвык һәм әхлак тәрбиясе алалар.
    А.Алишның "Койрыклар" әкиятен сәхнәләштереп без театр эшчәнлеге белән таныштык. Театр –ул бәйрәм. Кешеләр театрга ял итергә, күңел ачарга, спектакль карар өчен киләләр. Ә кайбер кешеләр өчен ул эш урыны. Әле без әкиятне сәхнәләштереп артист һөнәре, театр тормышы турында да белдек.

    Санитар-экологик икеайлык кысаларында табигатьне матурлау чистарту эшләре дәвам итә. Без дә, мәйданчыкны яшеллеккә күмү өчен, чәчәк орлыклары утырттык. Җылы көннәр килгәнче, балалар балалар бакчасы бинасында үсемлекләрне карыйлар. Тиздән бу чәчәкләр безнең мәйданчыкны бизәячәк

   1 – 9 нчы май көннәрендә «Җиңү тәрәзәләре» Бөтенроссия патриотик акциясе үткәрелә. Безнең балалар бакчасы да «Җиңү тәрәзәләре» Бөтенроссия патриотик акциясенә кушылды.
«Җиңү тәрәзәләре» Бөтенроссия патриотик акциясенең максаты - Россиядә иң мөһим бәйрәмнәрнең берсе атмосферасын булдыру, яшь буынга традицияләрне тапшыру, Бөек Ватан сугышы геройларына рәхмәт белдерү, вафат булган ветераннарны искә алу.

     Бу көн яз символы булып тора, төрле һөнәр һәм буынны берләштерә, хезмәт кешесенә ихтирам уята. Сезгә бәхет, сәламәтлек, барлык башлангычларыгызда уңышлар һәм, әлбәттә, бу көнне, Гаилә елы кебек үк, туганнарыгыз һәм якыннарыгыз арасында үткәрегез.

            Татар халкы үзенең бөек шагыйре Габдулла Тукайны онытмый. Ел саен 26 апрельдә аның туган көнен билгеләп үтә. Безнең "Ләйсән" балалар бакчасында да, сабыйларда Г.Тукайның иҗатына кызыксыну тәрбияләү максатыннан, төрле чаралар оештырылды. Балалар белән атна дәвамында аның иҗатын өйрәндек, рәсемнәр ясадык, әсәрләрен укыдык, уеннар уйнадык. Алар бигрәк тә, “Әсәрне таны”, “Герой кайсы әкияттән?” һ.б. уеннарны яратып уйнадык, җавап эзләдек. Йомгак ясап, "Тукай - безнең күңелләрдә" дигән әдәби - музыкаль кичә узды. Кичә барышында шагыйрьнең тормыш юлы искә төшерелде, "Кызыклы шәкерт", "Бала белән күбәләк", "Гали белән кәҗә" әсәрләре сәхнәләштерелде, Тукайга багышланган шигырьләр укылды, җырлар җырланды

          25 апрель көнне, безнең балалар бакчасында, «Табигатьне Эколяталар белән таныйбыз» дигән исем астында, мәктәпкәчә яшьтәге балаларда туган җир язмышы өчен җаваплылык тәрбияләү, экологик культура формалаштыру максатыннан, «Бөтенроссия Эколяталар көне» үткәрелде. Мәктәпкәчә яшьтәге балаларны табигать белән таныштыру-балалар белән эшләүдә мөһим бурычларның берсе.

   Язгы чисталык икеайлыгы кысаларында өмәләр дәвам итә.  Икеайлык башланганнан бирле авыл җирлегендә шактый эшләр башкарылды. Акциягә без дә , балалар бакчасы хезмәткәрләре , актив рәвештә кушылдык.