«Беренчеләр хәрәкәте» - традицион гаилә кыйммәтләре нигезендә үскән шәхесне, үз иленең патриоты итеп тәрбияләү өчен шартлар тудыручы хәрәкәт. Анда катнашучылар безнең балалар бакчасында булдылар, балалар өчен сәламәтләндерү чарасы үткәрделәр. Чара азагында алар дәфтәрләрдә эшне дәвам итте. Әкиятләр һәм төрле биремнәр аша балалар яңалык беләләр, файдалы гадәтләр алалар

    21 сентябрьдә Халыкара тынычлык көне билгеләп үтелә. Без бакчабызда балалар белән дус булуның нәрсә икәнлеге, ни өчен бер-береңне хөрмәт итү мөһим булуы һәм безнең дөньяны ничек яхшырак һәм дустанә итәргә мөмкин булуы турында фикер алыштык. Балалар арасындагы мөнәсәбәтләрне якынайтуга һәм ныгытуга юнәлдерелгән төрле уеннар уйнадык, балаларның бер-берсен ишетә, игътибарлы һәм дуслары турында кайгырта белүләрен формалаштырдык. Тынычлык символы – күгәрчен турында сөйләштек.

     Бүген фән белән галимнәр генә түгел, мәктәпкәчә яшьтәге балалар да шөгыльләнә һәм фәннәр турындагы иң беренче белемнәрне балалар бакчасында беләләр . Хәзерге җәмгыятьтә фән кешеләр тормышының күп тармакларында һәм өлкәләрендә мөһим роль уйный. Бүген без "Фән нәрсә ул? "Кемнәр ул галимнәр?" дигән сорауга җавап эзләдек. Балалар тәрбияче белән берлектә тәҗрибә-тикшеренү эшчәнлеге белән шөгыльләнделәр, статик электр барлыкка килүнең сәбәбен ачыкладылар.Тәҗрибә барышында танып белү активлыгы, кызыксынучанлык һәм мөстәкыйль танып белүгә омтылыш үсә.

     Безнең балалар бакчасында әхлакый-патриотик тәрбиягә зур урын бирелә. Бүген Бөек Ватан сугышында әсирлектә җәзалап үтерелгән шагыйрь һәм язучы Абдулла Алишның тууына 115 ел. Ул балалар өчен бик күп әкиятләр иҗат итеп, татар әдәбиятында әкиятләр остасы булып танылган А.Алишны белмәгән кеше юктыр. Һәм ничә буын аның шифалы әкиятләрен укып сабак ала, әдәпле булырга омтыла, файдалы киңәшләр ала. Абдулла Алиш – балалар әдәбиятын үстерүдә зур хезмәт күрсәткән язучыларның берсе. Бүген бакчада “Алиш әкиятләрен яратып тыңлыйбыз” дип аталган әдәби-уенлы иртә - мавыктыргыч, күңелле үтте.

     Сәяхәтләр картасы «Игелекле уеннар» проектының сентябрьдәге икенче тәрбия практикасы. Практиканың мәгънәсе-карта, маршрут һәм уртак сәяхәт аша туган илгә кызыксыну, аның төрлелегенә хөрмәт, табигатькә сакчыл мөнәсәбәт һәм бер команда булып эш итү сәләтен үстерү. Без бүген гади схемага таянып аралашу үткәрдек. Берничә уен ситуациясе аша сәяхәт турында күзаллау булдырдык. Балалар өчен бу – кызыклы ял гына түгел, ә Россия һәм аның тарихы, гаилә, туган як һәм башка нәрсәләр турында күбрәк белергә этәргеч , бердәм булу асылына тәшенү булыр .Алга таба эшебезне шул юнәлештә дәвам итәрбез.

    2026 елның 1 сентябреннән безнең балалар бакчасында «Игелекле уеннар» федераль проекты старт алды Без дә проектта актив катнашабыз. Проект төрле яшьтәге балаларны уен эшчәнлеге һәм мәдәниятләргә тарту аша берләштерү мөмкинлеге бирә. Бу атнада алар «Минем яраткан балалар бакчам» темасы белән таныштылар. Тәрбияче белән бергә балалар: «Балалар бакчасында без нәрсә белән шөгыльләнәбез? " - дигән сорауларга җавап бирделәр. Балалар үзләренең барлык шөгыльләрен: уеннар, рәсем ясау, зарядка ясау, туклану, йокы, йөрү, тәрбиячеләргә ярдәм итү, төркем буенча кизү тору һәм башкаларны ышаныч белән санап чыктылар.

   Безнең балалар бакчасында Халыкара грамоталылык көнен дә искә алдык. Бу көн безгә укый-яза белүнең мөһимлеген һәм грамоталылыкның безнең алда нинди мөмкинлекләр ачуын искә төшерә. Ни өчен грамоталылык шулкадәр мөһим? Грамоталылык-белемгә, уңышка һәм үз-үзеңне тормышка ашыруга ачкыч ул. Ул безгә аралашырга, бер-беребезне аңларга һәм үсәргә ярдәм итә. Менә ни өчен кечкенәдән үк укуга һәм язуга мәхәббәт тәрбияләү мөһим. Безнең мәктәпкәчә яшьтәге балалар грамоталы булу өчен мавыктыргыч шөгыльләрдә һәм уеннарда катнашалар, әкиятләрне яратып тыңлыйлар, укырга, хәрефләр танырга өйрәнәләр.

    8 сентябрь — Россия Федерациясе халыклары телләре көне. Бу истәлекле көн илебездә туган телләрне саклау, үстерү һәм хуплау максатыннан булдырылды. Бу уңайдан Татарстан Республикасында "Балалар бакчасында әкияти көн" проекты башланып китте.Әлеге проект кысаларында балалар бакчасында бүгенге көнебез "Тукай әкиятләре буйлап" узды. Әкиятләрне без биләүдә вакытта ук ишетеп үсәбез. Бүген дә балалар белән Тукай әкиятләре буйлап сәяхәт иттек, рәсемнәрен карадык, буядык, үзебез дә әкият геройлары булып уйнап карадык.

    Бүген безнең балалар бакчасында «Белем көне»бәйрәме узды.Белем көне гаҗәеп матур бәйрәм. Мәктәптәге кебек тантаналы булмаса да, балалар өчен бик әһәмиятле. Чөнки балалар тормышында үзгәрешләр башлана: шөгыльләр үткәрү, әңгәмәләр, бәйрәмнәр һ.б.Бүген дә балалар бәйгеләрдә, уеннарда катнаштылар, табышмакларга җаваплар таптылар, шаярттылар һәм көлделәр. Безнең балалар бакчасында яңа уку елы менә шулай күңелле, кызыклы һәм бәйрәмчә башланды.

   Бүген җәйнең соңгы көне. Без дә балалар белән җәйге табигатькә экскурсия оештырдык, аның белән саубуллаштык. Башта инструктаж үткәрдек, экскурсиянең максатын аңлаттык. Аларга туган ягыбыз табигатенең матурлыгы турында сөйләдек. Җәйге гүзәллекне, туган якның матурлыгын балаларның күңелләренә сеңдерү, балаларны табигать белән кызыксынучанлыкларын арттыру максатыннан оештырылган экскурсия барыбызга да ошады. Югары очның "Дегет чишмәсе"ндә булдык. Балаларга чишмәләрне, сулыкларны чиста тотуның мөһимлеге турында сөйләдек