Әниләр иң назлы, яратучан, игелекле, бөтен дөньяда бердәнбер. Балалар бакчасында Әниләр көнен бәйрәм итү инде яхшы традициягә әверелде.Нәкъ менә шуңа күрә «Ләйсән» балалар бакчасында Әниләр көненә бөтен бала да ныклап әзерләнде. Балалар үз куллары белән әниләренә бүләкләр әзерләделәр. Алар яраткан әниләрен күңелгә үтеп керерлек шигырьләре белән котладылар, назлы һәм игелекле җырлар җырладылар, күңелле биюләр башкардылар. Ә әниләр яраткан кызлары һәм уллары белән төрле кызыклы конкурсларда бик теләп катнаштылар. Бәйрәмгә килгән барлык әниләрдән яктылык, мәхәббәт, бәхет һәм наз яктысы балкып торды.

           Безнең балалар бакчасында бүген Кыш Бабайның туган көнен билгеләп үттеләр. 18 ноябрьдә Россиядә рәсми рәвештә Кыш бабай туган көнен бәйрәм итәләр. Бу искиткеч бәйрәм, балачакка кайтара, һәркемгә шатлык бүләк итә — кечедән алып олысына кадәр, хыялланырга һәм теләкләрнең тормышка ашуына ышанырга мәҗбүр итә.

   Фәнни-технологик үсеш елы кысаларында "Бөек уйлап табучылар!" дигән тематик белем чарасы үткәрелде. Бу чарада яшь тикшеренүчеләр белән “Һава - иң зур байлык» дигән темага тәҗрибә үткәрдек. Кечкенә катнашучыларыбыз үзләрен яшь тикшеренүчеләр ролендә сынап карады.
Мондый чара балаларга бик ошады һәм күңелле итеп үтте.

  Бүген 12 ноябрь - Песнәкләр көне булып санала. Шул көн кысаларында балалар бакчасында экологик сәгать узды. Ул кешеләрнең кышлаучы канатлы дусларны каршы алырга әзерлек буларак билгеләп үтелә.Балаларны табигатьне хөрмәт итәргә, яратырга һәм сакларга, канатлы дусларына исән калырга ярдәм итүләрен аңларга өйрәтү бик мөһим, шул рәвешле алар әйләнә-тирә дөньяны коткарырга, табигатьне сакларга өйрәнәләр.

   4 нче ноябрь - Халыклар бердәмлеге көне . Бәйрәм уңаеннан бүген балалар бакчасында  “Бердәмлектә - безнең көч!” исемле патриотик тәрбия чарасы үткәрелде. Бәйрәм барышында балалар дәүләтебезнең никадәр зур, матур һәм бай булуын белделәр. Дәүләт символлары турында белемнәрен ныгыттылар, халыкларның үзара ничек дус яшәүләре турында сөйләделәр.

   Баланың фәнни-техник үсеше-хәзерге мәгариф системасының мөһим өлеше. Техник иҗат – балалар мавыгуының иң күпкырлы һәм кызыклы өлкәсе, романтика, эзләнүләр һәм фантазия дөньясы. Конструкцияләү-катлаулы, күпкырлы, иҗади процесс. Бу хакта даими истә тотарга кирәк. Балаларга авыр биремнәр бирергә ярамый, эшләр яшь үзенчәлекләрен исәпкә алып сайланырга тиеш. Иң мөһиме, балалар мөстәкыйль рәвештә уйласыннар һәм, яңа эшләнмәләр ясаганда, аның конструкциясенә ниндидер яңалык кертсеннәр. Балалар хыяллансыннар, танып белү, хезмәт шатлыгын тоеп яшәсеннәр.

    Быел да 25 нче октябрьдә бакчабызда «Көз сылуы – Сөмбелә» исемле бәйрәм кичәсе булып узды. Кунаклар якты һәм матур, төрле төстәге яфраклар белән бизәлгән залга җыелды.Бәйрәмнең максаты балаларның кәефләрен күтәрү, аларга бу бәйрәм аша шатлык бүләк итү, аларны иптәшләре арасында үз-үзләрен тота белергә өйрәтүне дәвам иттерү, дуслык, бердәмлек хисләре, көз бәйрәменә, хезмәткә мәхәббәт хисләре тәрбияләү иде.

   Бүген безнең “Ләйсән” балалар бакчасында мәктәп коллективы Гөлүсә Кашапованың “Кызыл алмалар” спектаклен сәхнәләштерде. Резеда Закировна җитәкчелегендәге театр түгәрәгенә йөрүче яшь артистлар спектакльдән бик матур өзек күрсәтеп, бакчада тәрбияләнүчеләргә, хезмәткәрләргә бәйрәм кәефе бүләк иттеләр. Гади һәм серле булган «Кызыл алма» хикәясе һәрвакыт актуаль. Сугышның салкын кулы һәр йортка, һәр гаиләгә барып җитә. 70 елдан артык элек китерелгән авырту бүгенгесе көндә дә тынмый. Спектакльдә яшь кызлар, хатын-кызлар үзләренең кияүләрен, ирләрен сугышка озата. Ышаныч, өмет һәм мәхәббәт аларга авыр сугыш һәм сугыштан соңгы елларны кичерергә көч бирә.
Театр эчтәлеге белән катлаулы сюжетка корылган булса да, балалар тыннарын да алмыйча бик кызыксынып, яшь артистларны күзәтте.

   22 октябрь - городец бизәге көне. Шуны истә тотып без бүген рус бизәге белән таныштык. Балалар «Городецкий бизәге» темасыннан уңай эмоцияләр алдылар. Балалар презентация карадылар, халык осталары эшләнмәләре белән таныштылар, әлеге картинага хас элементларны өйрәнделәр.

   2021 нче елдан башлап, октябрьнең өченче якшәмбесендә әтиләр көне билгеләп үтелә. Безнең «Ләйсән» балалар бакчасында «Әтиләр көне»нә багышланган чаралар узды: кызыклы тематик дәресләр үткәрелде, балалар әтиләренә котлау открыткалары әзерләделәр.       

Бүген синең бәйрәмең
Кадерле әтиебез!
Исәнлек-саулык сиңа
Бәхет-шатлык телибез