Санитар-экологик икеайлык кысаларында өмәләр дәвам итә..«Чиста су» (яр буе территорияләрен чистарту) дип аталган «ЭкоВесна-2024» республика конкурсының 8 нче атнасы кысаларында безнең бакча хезмәткәрләре сулыкның яр буе территориясен чүп-чардан һәм коры үләннән чистартуда катнашты. Ә балаларга “Суның файдасы” турында әңгәмә үткәрелде һәм алар үзләре үстергән үсентеләргә суның кирәклегенә ышандылар.

  Балалар бакчасында ата- аналар җыелышы булып үтте. Җыелышта балалар бакчасы мөдире Зуфарова Р.Ш. , тәрбияче Хасаншина Г.А. катнашты. Ата-аналарга бакча тормышы, белән таныштырылды һәм ата-аналарны кызыксындырган сорауларга җавап бирелде. Бакча мөдире ата-аналарны балалар бакчасы тормышында актив катнашырга өндәде һәм килеп туган авырлыкларны һәрвакыт бергәләшеп чишеп булуы турында әйтеп үтте.Узган уку елының нәтиҗәләре беләндә ата аналарны таныштырылды.Шулай ук, балалар бакчасы тормышында, төрле конкурсларда актив катнашкан ата-аналар грамоталар белән бүләкләнде.

    "Хайваннарны саклау» атнасы кысаларында балалар бакчасында тәрбияләнүчеләр белән «Хайваннарга ярдәм итәбез» дигән темага әңгәмә үткәрелде, дидактик уеннар уйналды. Аннан балалар хайваннар дөньясының күптөрлелеге турында белделәр. Без барыбыз да аларны сакларга һәм якларга тиеш.

15 май- Халыкара гаилә көне.
ГАИЛӘ-ул дөньяда яшәүче парларга бердәнбер, кабатланмый торган ышаныч, терәк урыны. Кош канаты-пар белән, ир канаты-яр белән.
ГАИЛӘ- ул җан тынычлыгы таба торган урын.
ГАИЛӘ- ул бик нык яраткан эшеңне эшләп арыганнан соң, йөрәгеңә тынычлык, шифа бирә торган бик изге бер урын.
ГАИЛӘ- ул менә шушы дөнья мәшәкатьләреннән, борчуларыннан, дөнья тигезсезлеге, гаделсезлек, хәсрәтләнүләрдән ял итә торган урын.

  "Ат- аның юлдашы", диләр андый кешеләр турында. Безнең төркемдә дә шундый гаиләләр бар. Аерым Газизов Сирин турынла сөйлисе килә. Бүгенгесе көндә махсус хәрби операциядә булса да, яшьтән үк атларны үз итеп, аларны кайгыртып үскәнгәме, ул атларны ташламый. Якын дуслары һәрвакыт ярдәмнәреннән ташламыйлар. Сирин яшь вакыттан ук Сабантуй бәйрәмнәрендә ат ярышларында беренчелек сафыннан төшмәде. Хәзер дә үзенең сабыйларын атларны яратырга, хөрмәт итәргә өнди.Атлар яратучы егет максатчан, үҗәт, тынгысыз булуы белән иптәшләреннән аерылып тора. Сириндәге максатчанлык, үҗәтлек, тынгысызлык сыйфатлары киләчәктә дә зур уңышлар китерер, дип ышанабыз. Исән-сау кайт, Сирин!

   ЭКОяз" марафонының “Хайваннарны кайгырту" атнасына да килеп җиттек. Йорт хайваннарына мәхәббәт-бөек хис. Ул олыга да, балага да киң күңелле, гаделрәк, җаваплырак булырга ярдәм итә. Хайваннарга карата кайгырту, яхшылык, кызгану балачактан ук салына. Әгәр кечкенә бала кайгыртырга, яратырга, кызганырга өйрәтелмәгән икән, аңарда бу сыйфатларны үсмер чакта, бигрәк тә олы яшьтә тәрбияләү кыен булачак. Шуңа да әти-әниләр белән безнең максат-балаларда хайваннарга карата яхшы мөнәсәбәт тәрбияләү, балаларда кайгыру, мохтаҗларга ярдәм итү теләген үстерү.
Балалар бакчасында тәрбияләнүчеләр арасында "Минем яратканым" дип исемләнгән фотоконкурс оештырдык.

   Лашман авылы мәдәният йорты каршындагы яңартылган Билгесез солдат һәйкәле һәм Бөек Ватан сугышында һәлак булганнар һәм исән кайтып вафат булган батыр авылдашларыбыз исемлеге язылган мемориаь такта янында Бөек Җиңүнең 80 еллыгына багышланган тантаналы митинг узды. Без дә, балалар бакчасында тәрбияләнүчеләр һәм бакча хезмәткәрләре, бу чарадан читтә калмадык .9 Май-Җиңү көне-безнең һәрберебез өчен изге бәйрәм һәм без, илебезнең бүгенге гражданнары, Җиңү турында хәтерне киләчәк буыннарга тапшырырга тиеш.Бәйрәмнәр мөбәрәк, ил-көннәребез тыныч , күкләребез аяз булсын, йорт-җиребездән бәрәкәт китмәсен.

"Чүпләмә-табигатьне яшеллеккә төрендер" акциясе. Балалар бакчасы чиста, матур булсын дип, чүптән дә арындырдык, яшеллеккә күмәргә булдык. Күләгәсендә рәхәтләнеп ял итәрбез.

Бөек Җиңүгә 80 ел! Җиңүнең 80 еллыгына багышлап.

  Санитар-экологик икеайлык кысаларында өмәләр дәвам итә. Без дә “Чишмәләрне төзекләндерү” марафоныннан читтә калмадык. “Калай” чишмә буен чистарттык. Чишмәнең саф суы сусауны гына басып калмый, тәнгә сихәт бирә, көч кертә. Аның янына туктап, бит - кулыңны юсаң, уч тутырып су эчсәң, өстән йөк төшкәндәй була, җиңеләеп каласың. Күрәсең, шуңадыр кешелек дөньясы элек-электән чишмәләргә игътибарлы булган. Аларны чистарту, төзекләндерү һәм тәрбияләп тору изге эш, әҗер-савап саналган.