Туган җирнең һәрбер почмагында
Каршылыйлар белем бәйрәмен.
Яңгырый сабыйларның шат авазы,
Кулларында чәчәк бәйләме.

   30 август - Татарстан Республикасы көне уңаеннан, бүген балалар бакчасында "Республикам минем Татарстан!" исеме астында әңгәмә үткәрелде. Балаларга Татарстанның үз дәүләт символикасы - әләме, гербы, гимны бар икәнен аңлаттык, әләмне нәни кулларыбыз белән ясадык, истә калдырдык..
Татарстан — туган ягым!
Көрәштә ирек алдың.
Данлы хезмәт җырына күмеп
Алкышлый сине халкым.

   Ел саен 22 августта Россиядә Дәүләт флагы көне билгеләп үтелә. 1991 елның нәкъ менә бу көнендә Мәскәүнең Ак йортында беренче тапкыр өч төсле Россия флагы күтәрелә. Безнең балалар бакчасында да Россия флагы көненә багышланган чаралар узды. Бәйрәм көне уңаеннан балалар белән “Ак, зәңгәр, кызыл”, “Мин – Россия өлеше” дип аталган әңгәмәләр, “Безнең флагны танып бел”, “Флагны җый”, “Россия Федерациясе флагын тап” дигән дидактик уеннар узды

   22 июнь-тарихыбызның иң фаҗигале даталарының берсе. Бу көнне Бөек Ватан сугышы – Россия һәм кешелек тарихында канкойгыч сугыш башланды. Ул дәһшәтле еллар турындагы хәтер безнең ватандашларыбыз күңелендә мәңгегә сакланыр. 1418 көн һәм төн дәвам иткән канкойгыч сугышта СССР 27 миллионлап кешесен югалткан. Безнең корбаннар саннар белән генә үлчәнми. Сугыш дәһшәтенә карамастан, җиңү яулаган әти - бабаларыбызның батырлыгы, киләчәк буыннарга үрнәк булып тора.
Бу көнне без фашист лагерьларында ятып калган һәм тылда вафат булган сугышчыларны бер минут тынлык белән искә алабыз. Ветераннарыбыз алдында баш иябез һәм аларның батырлыгы, ныклыгы һәм каһарманлыгы өчен рәхмәт белдерәбез.
Без дә әлеге истәлекле датага битараф калмадык. Мемориал такта янына килеп чәчәкләр куйдык. Балалар бакчасында да Бөек Ватан сугышы башланган көнне мәктәпкәчә яшьтәге төркем балаларына “Тарих битләре. Беркем дә онытылмаган” дигән тирән эчтәлекле әңгәмә уздырдык.

Тезеләбез, бөгеләбез,
Шаярабыз, көләбез.
Физкультура – сәламәтлек,
Аны яхшы беләбез.

    12 июньдә илебез үз тарихында иң " яшь " бәйрәмнәрнең берсе - Россия көнен билгеләп үтә. Россия көне - патриотик көчкә ия булган милли бәйрәм. Безнең балалар бакчасында патриотик тәрбия бирүгә зур игътибар бирелә. Үз илеңә карата мәхәббәт һәм горурлык тәрбияләүдә, үз халкыңның гореф-гадәтләренә һәм символларына хөрмәт тәрбияләүдә бәйрәмнәр зур роль уйный. Россия көнен бәйрәм итү уңаеннан балалар бакчасында түбәндәге чаралар үткәрелде: төркемнәрдә тәрбиячеләр «Россия флагы», «Россия гербы» темаларына әңгәмәләр үткәрделәр, Россия флагы, герб рәсемнәре төшерелгән иллюстрацияләр карадылар, «Россия флагы» темасына сәнгати-эстетик үсеш буенча шөгыльләр үткәрелде.

     Ел саен 6 июньдә Россиядә Пушкин көне билгеләп үтелә, ул шулай ук рус теле көне буларак билгеле.
Бөек рус шагыйре Александр Сергеевичның әдәби иҗаты бик кыйммәтле. Аның әсәрләре төрле яшьтәге, төрле дин, милләт кешеләрен берләштерә, дөньяның дистәләгән телләренә тәрҗемә ителә, иҗаты турында белмәгән, үз тормышында аның әсәрен укымаган кеше юк, әдәби әсәрләре безне гомер буе озата.

Без бүген бала вакытларыбызны искә алып кояш куяннары һәм резин үрдәкләр белән уйнап алдык. Бу юкка түгел. Чөнки 5 нче июнь - кояш куяннары һәм ванна өчен резин үрдәкләр көне бит. Рәсми булмаган "Кояш куяннары" бәйрәме кояш яктысының матурлыгына һәм аның ялтырап торган өслектән ничек шаян чагылыш табуына игътибар итәргә чакыра.Кояш куяннары-кояш нурлары ялтырап торган яки шома нәрсәгә эләккәндә барлыкка килгән якты ялтыравыклар. Кечкенә балалар һәм йорт хайваннары бу күренешне «ауларга» яраталар, бу әйләнә-тирә мохитне шатлыклы һәм күңелле итә. Кояш куяннары елның үз көненә лаек, чөнки алар чиксез шатлык һәм эчкерсез уңай эмоцияләр бирәләр.

Җәй килде безгә хуш исле
Чәчәкләр, гөлләр белән.
Җәй килде, безгә бәхетле
Шатлыклы көннәр белән.

Шатлыклар – күңелебездә.
Ал кояш – күгебездә.
Килегез, дуслар, кунакка,
Сабантуй бүген бездә!