Бу көн яз символы булып тора, төрле һөнәр һәм буынны берләштерә, хезмәт кешесенә ихтирам уята. Сезгә бәхет, сәламәтлек, барлык башлангычларыгызда уңышлар һәм, әлбәттә, бу көнне, Гаилә елы кебек үк, туганнарыгыз һәм якыннарыгыз арасында үткәрегез.

            Татар халкы үзенең бөек шагыйре Габдулла Тукайны онытмый. Ел саен 26 апрельдә аның туган көнен билгеләп үтә. Безнең "Ләйсән" балалар бакчасында да, сабыйларда Г.Тукайның иҗатына кызыксыну тәрбияләү максатыннан, төрле чаралар оештырылды. Балалар белән атна дәвамында аның иҗатын өйрәндек, рәсемнәр ясадык, әсәрләрен укыдык, уеннар уйнадык. Алар бигрәк тә, “Әсәрне таны”, “Герой кайсы әкияттән?” һ.б. уеннарны яратып уйнадык, җавап эзләдек. Йомгак ясап, "Тукай - безнең күңелләрдә" дигән әдәби - музыкаль кичә узды. Кичә барышында шагыйрьнең тормыш юлы искә төшерелде, "Кызыклы шәкерт", "Бала белән күбәләк", "Гали белән кәҗә" әсәрләре сәхнәләштерелде, Тукайга багышланган шигырьләр укылды, җырлар җырланды

          25 апрель көнне, безнең балалар бакчасында, «Табигатьне Эколяталар белән таныйбыз» дигән исем астында, мәктәпкәчә яшьтәге балаларда туган җир язмышы өчен җаваплылык тәрбияләү, экологик культура формалаштыру максатыннан, «Бөтенроссия Эколяталар көне» үткәрелде. Мәктәпкәчә яшьтәге балаларны табигать белән таныштыру-балалар белән эшләүдә мөһим бурычларның берсе.

   Язгы чисталык икеайлыгы кысаларында өмәләр дәвам итә.  Икеайлык башланганнан бирле авыл җирлегендә шактый эшләр башкарылды. Акциягә без дә , балалар бакчасы хезмәткәрләре , актив рәвештә кушылдык.

   22 апрельдә Халыкара Җир-Ана көне билгеләп үтелә. Бу чиста җир, чиста һава һәм су бәйрәме. Ул безгә тагын бер тапкыр уйланырга ярдәм итә.Һәр гамәл зәгыйфь табигатьне җимерә дә, аның моңарчы булмаган матурлыгын саклый да ала. Безнең балалар бакчасында Җир көненә багышланган тематик көн узды.
Балалар «Җир – безнең уртак йортыбыз» презентациясен карадылар, анда безнең планетаның, хайваннар һәм үсемлекләр дөньясының ничек матур булуын, шулай ук планетабызның ничек пычрануын, ни өчен барлык тереклекнең һәлак булуын һәм кешеләрнең җирнең матурлыгын саклап калырга ничек ярдәм итә алуларын ачык күрделәр.

   Юл йөрү кагыйдәләрен белү безгә һәр көнне кирәк. Юлда,урамда,транспортта уз узеңне тоту кагыйдәләрендә истән чыгармау зарур.Юл уяуларны ярата.Безнең балалар бакчасында балаларга юл йөрү кагыйдәләрен өйрәткәндә төрле алымнар һәм методлар кулланыла. Әңгәмәләр, күзәтү, экскурсия, шигырьләр, матур әдәбият, өстәл уеннары, төрле сюжетлы уеннар Юл йөрү хәрәкәте кагыйдәләрен төгәл үтәү кәнекмәләрен тиз генә формалаштырып булмый. Бу – шактый катлаулы һәм зур түземлек сорый торган хезмәт.

     Без татар халык әкиятләре белән һәрвакыт танышып, укып барабыз. Бүген бездә Лашман урта гомумбелем мәктәбеннән кунаклар килде. Лиана Сруртдинова "Зөһрә кыз" әкиятен сәхнәләштерде. Ул әкиятне зур осталык белән башкарды. Аны башлангыч сыйныф укытучысы Резеда Минзакир кызы әзерләгән. Балалар әкиятне бик кызыксынып, аңлап карады, сорауларга да төгәл аңлаешлы итеп җавап бирде. Әкият мәрхәмәтле, шәфкатьле, ярдәмчел булырга кирәклеген аңларга этәргеч бирә. халык авыз иҗаты әсәрләренә мәхәббәт тәрбияли.
Алга таба да яшь артисткабызга һәм остазыбызга һәрвакыт иҗади уңышларга ирешүләрен телибез, Безгә шундый кызыклы, шул ук вакытта, уйландырырлык әкият күрсәтүегез өчен рәхмәт, Сезгә!

Санитар экологик айлыкны дәвам итеп бакчабызның уен  мәйданын гына җыештырып калмадык,тышкы территорияне дә тәртипкә китердек.Эш нәтиҗәсен күрү рәхәт,һәркем бу эшкә үз өлешен кертте.

     Космонавтика көне 12 апрельдә билгеләп үтелә торган истәлекле дата.
Балалар бакчаларында гадәттәгечә бу көнне "Космос" көне уза.Бездә тәрбияләнүчеләр дә атна дәвамында космос, космонавтлар, йолдызлар, планеталар турында мәгълүмат белән таныштылар, мультфильм карадылар. Балалар рәсемнәр, әти-әниләре белән кул эшләре ясадылар.

    Кояш ныграк җылыта барган саен җир кардан ачыла бара. Бездә уен мәйданчыгын чистарту эшләре дәвам итә.