1941 елның 22 июне – ил тарихына кара хәрефләр белән язылган кайгылы көн. Моннан 84 ел элек, нәкъ шушы көннең таңында, фашистлар Германиясе, сугыш игълан итмичә, Советлар Союзына бәреп керә.Бу дата сугыш афәтен кичергәннәрнең яраларын кузгата, хатирәләрне яңарта... Җиңүгә юл бик озын һәм авыр булды. Фронтта да, тылда да һәр кешедән гаятъ зур рухи киеренкелек һәм фидакарьлек таләп ителде. Җиңү исәпсез-хисапсыз корбаннар бәрабәренә яуланды. Сугышның утлы өермәсе бөтен илне айкап үтте, һәр йортка, һәр гаиләгә гомерлек кайгы-хәсрәт, зур михнәтләр китерде, берничә буын кешеләренең бәгырен көйдереп, язмышларын җимереп узды. Сугыш кырларында, фронтларга тиң тылда меңләгән кешеләрнең чәчәк кебек яшь гомерләре өзелде.

   12 июньдә илебездә Россия көне билгеләп үтелә. Россия көне алдыннан безнең балалар бакчасында әлеге вакыйгага багышланган чара узды. Әлеге чараның максаты балаларда Россияне дәүләт, Туган ил буларак күзаллау формалаштыру, Ватанга мәхәббәт хисе тәрбияләү иде. Чара барышында дәүләт гимнын тыңлау оештырылды, тәрбияләнүчеләр Россиянең рәсми һәм рәсми булмаган символларын искә төшерделәр, «Россия флагы», «Россия гербы» темаларына әңгәмәләр үткәрделәр табышмакларга җаваплар таптылар, җырлы-биюле уеннар уйнадылар

   Балаларның бөҗәкләр дөньясы турындагы танып белү кызыксынучанлыгын, логик фикерләү сәләтен, интеллектларын үстерү максатынан бүгенге көн балалар бакчасында бөҗәкләр дөньясына багышланды. Алар белән “Файдалы һәм зарарлы бөҗәкләр”, «Күбәләк ничек барлыкка килә”, “Табигатьтә бөҗәкләрнең роле" дигән тематик әңгәмәләр үткәрелде

    1 июнь - кояшлы җәйнең беренче көнендә, балачакның иң матур бәйрәме – Балаларны яклау көне. Шушы матур бәйрәм белән һәммәбезне дә, дусларым! Бәйрәм уңаеннан кечкенә дусларга без авыл мәдәният йорты һәм китапханәсе белән берлектә " Бәхетле балачак" исемле бәйрәм уздырдык.Бәйрәм бик күңелле узды. Ярышлар, уеннар белән үрелеп барган бу бәйрәм, балалар күңелендә озак сакланыр әле. Нәни дусларга бәйрәм бик ошады, аларның күзләрендә нур, шатлык, куаныч, бәхет чаткылары уйнады.Бәйрәмгә килгән әниләргә дә вакыт табып килгәннәре өчен зур рәхмәт.

Бакча белән саубуллашу көне,
Ул гаҗәеп моңсу, сагышлы.
Шундый көн бу — олы бәйрәм үзе,
Үзгәртә дә куя язмышны.

   Ел саен 28 майда Чик сакчылары көне билгеләп үтелә. Бу чикләрне саклаучыларның һөнәри бәйрәме, алар гомерләрен куркыныч астына куеп дәүләтнең бөтенлеген саклыйлар. «Ләйсән» балалар бакчасында чик сакчылары көненә багышланган тематик көн узды. Көн дәвамында түбәндәге чаралар үткәрелде: чик сакчылары турында әңгәмә, презентацияләр карау, нәфис әсәрләр уку.

  Бүген мәктәпкәчә белем бирү учреждениеләре арасында юл хәрәкәте кагыйдәләре буенча бәйгегә йомгак ясалды. Балаларның юл -транспорт травматизмын профилактикалау максатында "Юл хәрәкәте иминлеге" ДБУнең Нурлат шәһәрендәге территориаль идарәсенең Чирмешән районындагы бүлекчәсе һәм Россия эчке эшләр министрлыгының Чирмешән районы буенча ЮХИДИ идарәсе белән берлектә "Без юл хәрәкәте кагыйдәләрен беләбез һәм үтибез» дип аталган гаилә рәсем конкурсы үткәрелде. Мәктәпкәчә белем бирү буенча методист Д.Х. Максумова , Нурлат шәһәрендә Татарстан Республикасы "Юл хәрәкәте иминлеге" ДБУ территориаль идарәсенең Чирмешән профилактика бүлеге башлыгы Г. Ф. Кәбирова җиңүчеләрне бүләкләде.
Безнең балалар бакчасыннан “Юл билгеләре-безнең дуслар” номинациясендәБайкеев Даян Рәмис улы 1 нче урынны яулады.

   «Чиста чишмә» акциясе чишмәләрне чиста суның мөһим чыганагы буларак сакларга чакыра. Ул һәр кешенең табигатьне саклау өчен җаваплылыгын аңлавына һәм су ресурсларына сакчыл каравына юнәлдерелгән. Без дә, язның матур кояшлы көнендә “Чишмә чистарту” көне уздырдык. Чишмә буйларын чистарттык, аның сихәтле суын карадык.
Су чыганакларын чиста тотыйк, чүп-чардан арындырыйк!

   Безнең “Ләйсән” балалар бакчасында экспериментлар үткәрү еш кулланылына, хәзерге вакытта ФГОС таләп иткәнчә группада экспериментлар үзәге бар. Бүген без «Серле су» дигән тәҗрибә үткәрдек. Тәҗрибә үткәрү барышында балалар суның үзлекләре (төсе, исе, тәме) һәм аның торышы (сыек, каты, пар) белән таныштылар. Практик эшчәнлек барышында кар һәм бозның суга ничек әйләнүен, суда эрүен һәм суның нинди формага әйләнүен күрделәр. Төрле уеннар аша аны ныгыттылар.

    20 май зур елгабыз-Идел елгасы көне. Бу искиткеч матур, зур, гаҗәеп табигать үрнәге. Ул – өч тармактан тора. Безнең Республикабыз аша аның Урта Идел тармагы ага. Ел саен Иделне кар сулары белән вак елгалар туендырып торалар. Иделдә 76 төрдәге балыкларны очратырга мөмкин. Шулай ук Идел – су юлы да. Анда төрле төрдәге су транспорты хәрәкәт итә. Идел – халкыбыз тарихында, мәдәниятендә зур урын алып тора. Аның исеме җырларга да салынган, рәссамнар иҗатында урын алган. Әлеге көн уңаеннан, тәрбияләнүчеләр белән “Идел – бөек елга”, “Иделнең табигый байлыклары” дигән әңгәмә үткәрелде, төрле презентация аша елганың матурлыгын күрделәр, аның белән сокландылар