Бүген мәктәптә бердәм мәдәният дәресе үткәрелде. Укучыларга мәдәниятлы кеше нинди сыйфатларга ия булу турында әңгәмә оештырылды.. Өлкәннәргә хөрмәт, кечеләрне яклау буенча сорауларга җавап алынды.

    Талантлы укучыларны барлау йөзеннән, районда, республикада күп төрле ярышлар уза. Шундый ярышларда катнашып, укучыларыбыз призлы урыннар яулый. Татарча көрәш буенча район ярышларында 8 класс укучысы Д.Гатиятуллин үз яшьтәшләре арасында 3 нче урын яулады. 4 класс укучысы Д.Ибатуллина нәфис гимнастика буенча узган республикакүләм ярышта 2 нче урын алды. Котлыйбыз!

   "Укучының иминлек көндәлеге" н тормышка ашыру йөзеннән, 5 класс укучылары белән юлда йөрү кагыйдәләрен үтәү буенча чара үткзрелде. Бүгенче чара "Тәртипле җәяүле ул!" дип аталды. Җәяү йөргәндә куркынычсызлык кагыйдәләре өйрәнелде, көндәлек белән эш тәртибе аңлатылды.

   Әтнә районы мәктәпләре профсоюә комитеты рәисләре бүген безнең мәктәптә кунакта булдылар. Алар мәктәпнең һәм районның профсоюз эшчәнлеге тәҗрибәсе, Ташкичү төп мәктәбе тарихы., ирешкән уңышлары белән таныштылар. Ш.Мәрҗани музеенда булдылар, Мәрҗанинең ташкичү авылындагы тормышы,иҗаты белән таныштылар. Кунакларга Ташкичү авылында туган, татар әдәбиятына зур өлеш керткән М.Галәү иҗаты һәм тормышы турында информация бирелде. Кунакларның күп төрле сорауларына мәктәп администрациясе һәм профком рәисе җавап бирделәр. Очрашу бик эшлекле төстә узды.

   "Арчалыларның тормыш кодексы" ның бер пункты  "Туган ягыңның тарихын бел, халкыңа хезмәт ит!" дип атала. Бүген шушы пунктны тормышка ашыру буенча эш башладык. Бөек мәгърифәтче Ш.Мәрҗанинең тормыш юлын өйрәнү белән башладык бу проектны тормышка ашыруны. Мондый очрашулар атна саен узачак.

  Бүген иртәнге линейкада "Арчалыларның тормыш кодексы" белән таныштык. Кодекстагы һәрбер пункт укучыларга ныклап аңлатылды.

   Ташкичү төбәге татар әдәбиятында зур урын алып тора. Ташкичүдә тәрҗемәче, сатирик, тарихи роман авторы М.Галәүнең туган төбәге. Сентябрь аенда мәктәптә М.Галәүне искә алу оештырыла. Бүген дә язучының якты истәлеген кабат яңарттык, М.Галәү укулары оештырдык.

   Иртә яздан мәктәп яны тәҗрибә участогында эш кайнады. Көз җитте. Уңышларны җыяр чак җитте. Тырыш хезмэт нәтиҗәсе бушка булмаган: чөгендер,кишер мул үсте, саклануга куелды. Соңгы сорт кәбестәләр генә участокта үсүләрен дәвам итәләр.

   Бүген башлангыч класс укучыларына мәдәни көндәлек тапшыру оештырылды. Очрашу Ш.Мәрҗани исемендәге музейда узды. Музей җитәкчесе М.З.Гарифжанов һәм тәрбия эшләре буенча директор урынбасары Ф.Ф.Хабибуллина мәдәни көндәлек, аның укучыларның белемен арттыруда роле турында сөйләделәр, көндәлек белән якыннан таныштылар, ничек алып барырга, тулыландырырга кирәклегенә төшенделәр.  Беренче тамга Ш.Мәрҗани исемендәге музей белән танышкач куелды.

   Мәктәп укучылары арасында төрле конкурслар оештырыла. Уку елы башында Бесландагы вакыйгаларга багышлап, класстан тыш чара оештырылды. Шушы чарада укучыларга "Без тынычлык телибез!" темасына рәсем конкурсы игълан ителде. Укучылар бу конкурста теләп катнаштылар. Ин яхшы дип табылган эшләр стендта урын алды.  Өлкән класс укучылары мондый стендлар янында башлангыч класс укучылары өчен төрле чаралар оештыралар.