Бүген Ашытбаш урта мәктәбе базасында төбәкара шашка ярышлары булып узды. Бу ярышларда Арча, Әтнә, Балтач районы мәктәпләре кече яшьтәге укучылар катнашты.  Безнең мәктәптән бу ярышларда  4 нче класс укучылары Л.Сабирова, Д.Ибатуллина, И.Галяветдинов һәм И.Хакимовлар катнашты. 10 команда арасында укучылар 5 нче урын яуладылар. Олимпия девизы да "Иң мөһиме - җиңү түгел,  катнашу!" дип атала. Шушындый ярышларда үзеңне чарлау киләчәктә зур җиңүләргә китерәчәк. Бу ярышта катнашуыгыз өчен рәхмзт, укучылар.

   "Арчалылырның тормыш кодексы"ның өченче бүлеге "Якташларыңбелән горурлан!" дип атала. Хезмәттә, тормышта зур уңышларга ирешкән кешеләр белән таныштыру гел оештырылып торыла. Бүген данлыклы якташыбыз Ш.Мәрҗанинең Казандагы тормышы, эшчәнлеге турында сөйләштек. Укучыларга лектор, 8 класс укучысы А.Галимзянова галимнең КАзан тормышы, ул күргән каршылыклар турында сөйләде.

 Төрки халыклар әдәбиятында зур урын тоткан Мостай Кәримгә 100 ел тулды. Шушы уңайдан мәктәптә "М.Кәрим укулары" оештырылды. Язучы, драматург, шагыйрьнең тормый юлы өйрәнелде, әсәрләре укылды.

   Бүген Татарстан Республикасында "Мин татарча диктант язам" дип аталган акция уза. Безнең мәктәп укучылары да бу акциягә кушылдылар.

   Бүген районда "Безнең дус класс" дип аталган конкурс уза. Бу конкурста класс җитәкчеләре Р.Р.Хакимзянова җитәкчелегендә 6 класс укучылары катнаша. Аларга уңышлар телик!

    Урманнарны саклауның төрле юллары бар. Шуларның берсе - макулатура җыеп, кабат эшкәртү. Шушы уңайдан мәктәптә макулатура җыйнау акциясе узды. Бу акцядә мәктәпнең барлык укучылары һәм хезмәткәрләр катнашты. 1 тоннадан артык макулатура җыйналды. Бу макулатура күпме агачны киселүдән саклый! Бу турыда класс җитәкчеләре махсус беседалар оештырдылар.

    Мәктәптә Арча районында яшәүчеләрнең тормыш кодексы белән таныштыру дәвам итә. Лектор укучылар Ш.Мәрҗанинең тормыш юлын өйрәтү буенча эшләрен дәвам итәләр: бөек галимнең Бохара һәм Сәмәркандтагы тормышы өйрәнелде.

  Тирә-якны чиста тоту буенча мәктәптә бик күп эш башкарыла. Беседалар оештырыла, өмәләр  уза. Бу атнада "Без чиста шәһәр өчен" дип аталган районкүләм рәсем конкурсында катнаштык. Иң яхшы дип табылган рәсемнәр район турына китте.

   "2019 нчы ел - Театр елы" кысаларында һәм Укытучылар көне уңаеннан  мәктәп укытучылары Г.Камал исемендәге татар Дәүләт академия театрына экскурсия оештырдылар.  Башта Казан шәһәренең истәлекле урыннары, Ш.Мәрҗанига куелган һәйкәл белән таныштылар. Соңыннан З.Хәкимнең "Килә ява, килә ява" спектаклен карадылар.

   Илебездә табигатьне саклау буенча күп төрле эшләр башкарыла. Төрле конкурслар, акцияләр оештырыла. Шулар белән беррәттән, реаль эшләр дә оештырыла. Шуларның берсе - агачлар, куаклар утырту. Шушы уңайдан классларда агачларның табигатьтә әһәмияте турында әңгәмәләр узды. Өй тирәләрендә, су буйларында агачлар утырту акциясе оештырылды.