Бүген лагерьда “Сәламәт яшәү” көне үткәрелде. Укучылар белән анкета уздырылды. Алкоголизм,наркомания,тәмәке зарары турында фильм күрсәтелде.Тәҗрибә участогында чәчәк һәм яшелчә түтәлләрендә чүп уталды, су сибелде. Төшке аштан соң шахмат ярышы  уздырылды. Көн кызыклы һәм файдалы узды.

Бүген лагерьда “Анкета” көне үткәрелде. Укучыларның яраткан професияләрен ачыклау һәм психологик халәтен ачыклау буенча диагностик тестлар уздырылды. Укучылар авылда уздырылган Сабантуйда да катнаштылар.Көн кызыклы һәм файдалы узды.

Лагерьның алтынчы көне. Инструктаж үткәрелгәннән соң, балалар белән “Дөньяда Пушкин бар…” дигән темага викторина үткәрелде. Һәр укучы да бик актив булды. Шуннан соң хезмәт десанты оештырылды. Төшке аштан соң, китапханәдә А.С.Пушкинга багышлаган күргәзмә белән таныштылар.

Бүген лагерьда “Яктылыкка һәм яхшылыкка – китап аша” дигән темага диспут үткәрелде. Укучыларның фикерләре тыңланды. Матур әдәбиятка булган мөнәсәбәтләре ачыкланды. Тәҗрибә участогында чәчәк түтәлләрендә чүп уталды. Су сибелде. Авылыбызның күренекле “Шәйхи” чишмәсенә экскурсия оештырылды. Чишмәнең әйләнә - тирәсе чистартылды.

Мәктәп яны ял лагеренда бугенге көн “Урман көне” дип игълан ителде. Шушы көнгә багышлап “Табигатьне саклыйк!” дигән темага плакат ясау конкурсы уздырылды, әңгәмәләр үткәрелде. Саф һавада хәрәкәтле уенннар уйналды.

Балаларны каршы алганнан соң, инструктаж үткәрелде. Иртәнге аштан соң, “Табигатьне саклыйк” дигән темага тәрбияви әңгәмә уздырылды. “Китап – яхшылыкка өндәүче” темасына конкурс уздырылды. Мәктәп тирәсендәге түтәлләргә су сибелде. Төшке аштан соң авылыбыз чишмәләренә экскурсия ясалды.

Балаларны каршы алгач, инструктаж  үткәрелде. Иртәнге аштан соң, “Хезмәт десанты” үз эшен дәвам итте. Экологик темага “Безнең  дөнья” исеме астында рәсем конкурсы уздырылды. Төшке аштан соң мәктәп музеена сәяхәт ясалды. Бүгенге көн балалар өчен кызыклы үтте.

Бүген мәктәбебездә хезмәт һәм ял лагерен башлап җибәрдек. Бу көннең “Балаларны яклау” көне белән туры килүе икеләтә шатлык. Балаларны бәйрәм тарихы белән таныштыру зур кызыксыну уятты. Барыбызда да яхшы кәеф. Балаларга куркынычсызлык кагыйдәләре аңлатылды. Отрядыбызның газетасын чыгардык. “Сәламәтлек” сәгатендә оештырылган “Кем җитезрәк” эстафетасы бик күңелле узды. Бәйрәм көненә багышланган флешмобтан алган тәэсирләребез күңелебездә озак сакланыр.

Исәнме, җәй! Хәерле сәгатьтә!