Беслан фаҗигасе безнең илебез тарихына гына түгел, дөнья тарихына да иң явыз, иң мәкерле терактларның берсе булып кереп калды. Бу фаҗигале көннәрдә тоткын булып алынган 1100 кешенең, аларның якыннары, туганнарының халәтен күз алдына да китереп булмый. Бүген мәктәбебездә Беслан фаҗигасен искә алу уңаеннан сыйныф сәгатьләре үтте. Террористлар кулына эләккән очракта үз-үзеңне дөрес тоту кагыйдәләре белән таныштылар, канлы вакыйга илебездә беркайчан да кабатланмасын иде дигән теләктә калдылар.

2 сентябрь таңы безне кабат бергә җыйды. Бүген һәр бала көтеп алган, кызыклы вакыйгаларга бай булган яңа уку елы башланды. Мәктәп укучыларның шат авазына күмелде. Бәйрәмдә кулларына чәчәк бәйләмнәре тоткан укучылар, әти-әниләр, шушы мәктәптә үзенең хезмәт юлын узган өлкән буын, бүгенге көндә мәктәптә белем бирүче укытучылар, килгән кунаклар катнашты. Мәктәбебез бусагасын тәүге тапкыр 4 укучы атлап керделәр. Укучыларны мәктәп директоры И.И.Гибадуллин. , “Ташкичү” ширкәте җитәкчесе Р.Х.Хабибуллин , әти-әниләр котладылар, үзләренең изге теләкләрен җиткерделәр.

С 1 февраля 2019 года начинается прием заявлений от родителей будущих первоклассников на прием в школу.

24 нче августта Җиңү паркында чәчәк күргәзмәсе булып узды. Ташкичү мәктәбе 2019 –Театр елы уңеннан әзерләнгән “Театр –яктылыкка, нурга илтә” дип исемләгән чәчәк композициясен тәкъдим итте.

24 нче август көнне районыбызда мәктәпләр ярминкәсе гөрләде. Ташкичү мәктәбе дә ярминкәгә нык әзерлек белән килгән иде. Халыкка яшелчә-җимеш, үз куллары белән эшләнгән әйберләр, сөт ризыклары, дару үләннәре һ.б. тәкъдим итте. Ярминкәгә килгән һәр кеше кирәк әйберен сатып алып, канәгать булып, күтәренке кәефтә кайтып китте.

17 август көнне районыбызда "Спорт һәм гаилә" бәйрәме уздырылы. Белгәнебезчә, сәламәт тормыш рәвеше күнекмәләре балачактан гаиләдә һәм мәктәптә үзләштерелә, ә гаилә һәр кешегә кирәкле җылы учак ул. Гаилә – ул иң олы таянычыбыз, иң ышанычлы сыеныр урыныбыз. Бу бәйгедә гаиләләрнең татулыгы, бердәмлеге, спорт яратуы, осталыклары сыналды. Мәктәбебездән Багавиевлар гаиләсе катнашты. Алар төрле ярышларда катнашып, уңышлы чыгыш ясадылар. Бик зур рәхмәт аларга. Киләчәктә дә саулык-сәламәтлек, иминлек, тату тормыш теләп калабыз.

Чишмәнең саф суы сусауны гына басып калмый, тәнгә сихәт бирә, көч кертә. Аның янына туктап, бит кулы-кулыңны юсаң, уч тутырып су эчсәң, өстән йөк төшкәндәй була, җиңеләеп каласың. Күрәсең, шуңадыр кешелек дөньясы элек-электән чишмәләргә игътибарлы булган. Аларны чистарту, төзекләндерү һәм тәрбияләп тору изге эш. Укучылар һәм укытучылар күренекле "Мәрҗани" чишмәсе янын гел тәртипкә китереп торалар.

1 августтан 5 августка кадәр Биләр музей-тыюлыгында BILER FORUM - Талантлар Университетының традицион җәйге яшьләр мәктәбе уза. Катнашучылар фән һәм техника, мәдәният һәм сәнгать, социаль иҗат һәм эшмәкәрлек, спорт кебек актуаль мәсьәләләр белән танышачак, фикер алышачак һәм чишелеш табачак. Әлеге форумда безнең мәктәбебездән 8 нче сыйныф укучысы Гараев Әсхәт катнаша. Уңышлар сиңа, Әсхәт!

Тырышлыкның нәтиҗәсе күңелле: мәктәп бакчасы аллы-гөлле чәчәккә күмелгән. Чәчәкләрнең төрлелегенә гаҗәпләнми карау мөмкин түгел. Нинди генә күз явын алырлык чәчәкләр үсми биредә. Балалар кечкенәдән үк матурлыкны аңларга һәм шушы гүзәллекне үз куллары белән иҗат итәргә өйрәнәләр.

Хөрмәтле Рәмзилә Габдельнуровна! Сезне олы бәйрәмегез — 55 яшьлек юбилеегыз белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның күңел җылысын тоеп, иге-лекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын. Туачак таңнарыгыз һәрвакыт нурлы, күк йөзегез һәрвакыт аяз булсын.