Иртә яздан мәктәп яны тәҗрибә участогында эш кайнады. Көз җитте. Уңышларны җыяр чак җитте. Тырыш хезмэт нәтиҗәсе бушка булмаган: чөгендер,кишер мул үсте, саклануга куелды. Соңгы сорт кәбестәләр генә участокта үсүләрен дәвам итәләр.

   Бүген башлангыч класс укучыларына мәдәни көндәлек тапшыру оештырылды. Очрашу Ш.Мәрҗани исемендәге музейда узды. Музей җитәкчесе М.З.Гарифжанов һәм тәрбия эшләре буенча директор урынбасары Ф.Ф.Хабибуллина мәдәни көндәлек, аның укучыларның белемен арттыруда роле турында сөйләделәр, көндәлек белән якыннан таныштылар, ничек алып барырга, тулыландырырга кирәклегенә төшенделәр.  Беренче тамга Ш.Мәрҗани исемендәге музей белән танышкач куелды.

   Мәктәп укучылары арасында төрле конкурслар оештырыла. Уку елы башында Бесландагы вакыйгаларга багышлап, класстан тыш чара оештырылды. Шушы чарада укучыларга "Без тынычлык телибез!" темасына рәсем конкурсы игълан ителде. Укучылар бу конкурста теләп катнаштылар. Ин яхшы дип табылган эшләр стендта урын алды.  Өлкән класс укучылары мондый стендлар янында башлангыч класс укучылары өчен төрле чаралар оештыралар.

    Сишәмбе - мәктәпкүләм линейка көне. Бүген укучылар мәктәптә эчке тәртип кагыйдәләрен өйрәнделәр.  Төрле оешмалар, аларның эшчәнлеге, составы белән таныштылар. Мәктәп тормышын алып баруга  эшләр планлаштырылды.

Мәктәбебездә көзге уңыш җыю башланды.

"Экстремизмга-юк!" айлыгы кысаларында сыйныф сәгатьләре, әңгәмәләр узды. Балалар куркыныч терроризм актлары турында белделәр, террористлар кулга алган вакытта саклану чараларын өйрэнделэр, шулай ук  чит-ят кешеләр, шикле эйберләр янында уз - узеңне тоту кагыйдәләре турында сөйләшү алып барылды.

Бүген башлангыч класс укучылары көзге табигатькә экскурсиягә чыктылар. Алар көзге табигатьнең матур төсләрен күзәттеләр. Төрле агач яфракларыннан көзге букет ясадылар. Балаларга бу экскурсия бик ошады.

   11 нче сентябрь көнне мәктәптә гомуми ата-аналар җыелышы булып узды. Көн тәртибендә яңа уку елына планнар,үткән уку елына  отчет , укучыларның туклануы,  сәламәтлеген саклау , пожар, электр куркынычсызлыгы кагыйдәләре, юлларда йөргәндә балаларның иминлеге һәм хәвефсезлеге,  караңгы вакытта йөрү, яктылык кире кайтаручы элементлар куллану,  терроризм, коррупциягә каршы көрәшү юллары, интернет куркынычсызлыгы  мәсьәләләре каралды.