1 августтан 5 августка кадәр Биләр музей-тыюлыгында BILER FORUM - Талантлар Университетының традицион җәйге яшьләр мәктәбе уза. Катнашучылар фән һәм техника, мәдәният һәм сәнгать, социаль иҗат һәм эшмәкәрлек, спорт кебек актуаль мәсьәләләр белән танышачак, фикер алышачак һәм чишелеш табачак. Әлеге форумда безнең мәктәбебездән 8 нче сыйныф укучысы Гараев Әсхәт катнаша. Уңышлар сиңа, Әсхәт!

Тырышлыкның нәтиҗәсе күңелле: мәктәп бакчасы аллы-гөлле чәчәккә күмелгән. Чәчәкләрнең төрлелегенә гаҗәпләнми карау мөмкин түгел. Нинди генә күз явын алырлык чәчәкләр үсми биредә. Балалар кечкенәдән үк матурлыкны аңларга һәм шушы гүзәллекне үз куллары белән иҗат итәргә өйрәнәләр.

Хөрмәтле Рәмзилә Габдельнуровна! Сезне олы бәйрәмегез — 55 яшьлек юбилеегыз белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның күңел җылысын тоеп, иге-лекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын. Туачак таңнарыгыз һәрвакыт нурлы, күк йөзегез һәрвакыт аяз булсын.

Мәктәп яны тәҗрибә участогы - менә дигән тәҗрибә үткәрү урыны ул. Монда укучылар биология дәресләрендә үзләштергән белемнәрен практикада кулланалар, үсемлекләрнең үсеш процессын күзәтәләр, коллектив белән бердәм эшләргә өйрәнәләр, башлангыч сыйныф укучылары да төрле тәҗрибәләр үткәрәләр.

Җәйге каникуллар дәвам итә. Мәктәп янындагы тәҗрибә участогында укучыларыбыз бик тырышып эшлиләр. Кояшлы, җылы көндә күңел биреп, эшеңне яратып башкаруга ни җитә.

Бүген без иң тантаналы, истәлекле, шатлыклы, шул ук вакытта бераз ямансу да булган кичәгә җыелдык. Бүген чыгарылыш сыйныф укучыларының мәктәп белән саубуллашу кичәсе. Әле кайчан гына белем бәйрәменә беренче тапкыр мәктәп бусагасын атлап кереп кечкенә генә малайлар һәм кызлар укырга килгәннәр иде. Ә хәзер аларга 9 нчы классны тәмамлау турында таныклык алырга вакыт җиткән. Нинди сөенеч! Тагын бер баскычка югарыга күтәреләсез. Сезне яңа дуслар, яңа ачышлар, уңышлар, тормыш үрләре каршы алыр. Тормышның сикәлтәле юлларында мәктәптә алган белемең, мөгаллимнәреңнең тормышны, кешеләрне аңларга, аларга яраклашырга, тәүфикълы, әдәпле булырга өйрәткән үгет-нәсихәтләре сиңа һәрчак юлдаш булсын! Ләкин иң зур теләк бездән шул: кайда гына яшәсәгез дә, кем генә булсагыз да, иң беренче чиратта, КЕШЕ булып калыгыз, чөнки кеше булу – иң авыр эш, иң олы дәрәҗә!

Бүген лагерьда - Китап көне. Безнең бүгенге көнебез гадәттәгечә иртәнге инструктаж белән башланып китте. Линейкада рапортлар биргәннән соң, көн тәртибе белән таныштык. Сәламәтлек минутында “Тавыш гимнастика”сы ясадык, аның файдасы турында сөйләштек. Иртәнге гимнастика һәм иртәнге аштан соң без мәктәп китапханәсенә юл тоттык. Китапханәче апабыз безне яңа китаплар белән таныштырды, безне китаплар белән һәрвакыт дус булырга өндәде. “Минем яраткан китабым” темасына үзебез яраткан китапларның тышларын презентацияләдек. Төшке аштан соң без китаплар докторына әйләндек. “Китапларга икенче гомер бүләк ит” дигән лозунг астында без китапларга ремонт ясадык. Спорт сәгатендә хәрәкәтле уеннар уйнадык. “Китап – белем дөньясының чыганагы” дигән темага проект эше башкардык. Бүгенге көн бик файдалы һәм күңелле үтте.

Бүгенге лагерьның соңгы көне. Инструктаж үткәргәннән соң, “Мәрҗани” чишмәсенә барып, утыртылган чыршыларга һәм чәчәкләргә су сиптек, чүпләрен утадык. Лагерь тормышына нәтиҗә ясадык. Фото һәм видеосюжетларны карап, хатирәләрне яңарттык. Яңа көч туплап , җәйге ялга тукталдык.

Бүген лагерьның унсигезенче көне. Сәламәтлек минутында “Күзләргә гимнастика” эшләдек. Иртәнге аштан соң звенолар арасында шашка ярышы булды. Табигать кочагында, елга буенда балык тоттык, ә аннан соң “Мульти –пульти карнавал” уздырдык, без анда мультфильм җырларын тыңлап аларның кайсы мультфильмнан булуын атадык. Төшке аштан соң тылсымлы остаханәдә “Иң кызыклы сюрприз”лар ясадык. “Талантлар дөньясында” дигән кичәдә һәр бала үзенең сәләтен күрсәтте, ахырдан “Ты, да я да, мы с тобой” җырын өйрәндек. Спорт сәгатендә “Пионербол”уены уйнадык. Көн бик тиз, эшлекле һәм күңелле үтте.

Балаларны каршы алгач, инструктаж уздырылды. Иртәнге аштан соң “Лагерь тормышы” темасына диагностик анкета уздырылды. Мәктәп янындагы чәчәклеккә су сибелде, чүп уталды. Төшке аштан соң туристик поход уздырылды. Бүген көн дә файдалы һәм кызыклы үтте.