Мәктәптә "Бәйрәм белән, укытучым!" дип аталган иртә оештырылды. Һәрбер класс укытучыларны котлады, чәчәкләр бүләк итте.  8 класс укучылары укытучыларны котлап, видеоролик әзерләгәннәр иде. Һәр укытучыны, видеога төшереп, интервью алганнар, интервьюны укытучыга туры килерлек итеп, шаян формага керткәннәр.  Мәктәп активистлары укытучыларга багышлап стена газетасы чыгардылар. Бәйрәм күңелле узды.

   Бүген мәктәптә Төркиядән килгән делегация кунакта булды. Аларны Ш.Мәрҗани исемендәге музей, М.Галәү почмагы белән таныштырдык. Бөек галим Ш.Мәрҗани  һәм язучы М.Галәү иҗаты турында бик игътибар белән тыңладылар. Ш.Мәрҗанинең Төркиянең Истанбул шәһәре аша Хаҗга сәяхәте, М.Галәүнең "Мөһаҗирләр" әсәрендә Төркиягә китү куренешләре белән таныштыру кунакларны җәлеп итте. Бу бөек ике шәхеснең Төркия белән бәйләнешле булулары, аларда горурлык хисе уятты.

   1 октябрь - Халыкара өлкәннәр көне. Шушы уңайдан мәктәптә ветераннарны котлау оештырдык. Бәйрәмдә узешчән язучы, ветеран укытучы Р.И.Насибуллина катнашты. Ул ветераннарны бәйрәм белән котлады, укучыларны тырышып укырга, өлкәннәрне хөрмәт итәргә өндәде. Бәйрәм чәй өстәле артында  дәвам итте. Ветераннанр истәлекләр белән бүлештеләр, үзләре яраткан, иҗат иткән шигырьләрен укыдылар.

   Бүген мәктәптә бердәм мәдәният дәресе үткәрелде. Укучыларга мәдәниятлы кеше нинди сыйфатларга ия булу турында әңгәмә оештырылды.. Өлкәннәргә хөрмәт, кечеләрне яклау буенча сорауларга җавап алынды.

    Талантлы укучыларны барлау йөзеннән, районда, республикада күп төрле ярышлар уза. Шундый ярышларда катнашып, укучыларыбыз призлы урыннар яулый. Татарча көрәш буенча район ярышларында 8 класс укучысы Д.Гатиятуллин үз яшьтәшләре арасында 3 нче урын яулады. 4 класс укучысы Д.Ибатуллина нәфис гимнастика буенча узган республикакүләм ярышта 2 нче урын алды. Котлыйбыз!

   "Укучының иминлек көндәлеге" н тормышка ашыру йөзеннән, 5 класс укучылары белән юлда йөрү кагыйдәләрен үтәү буенча чара үткзрелде. Бүгенче чара "Тәртипле җәяүле ул!" дип аталды. Җәяү йөргәндә куркынычсызлык кагыйдәләре өйрәнелде, көндәлек белән эш тәртибе аңлатылды.

   Әтнә районы мәктәпләре профсоюә комитеты рәисләре бүген безнең мәктәптә кунакта булдылар. Алар мәктәпнең һәм районның профсоюз эшчәнлеге тәҗрибәсе, Ташкичү төп мәктәбе тарихы., ирешкән уңышлары белән таныштылар. Ш.Мәрҗани музеенда булдылар, Мәрҗанинең ташкичү авылындагы тормышы,иҗаты белән таныштылар. Кунакларга Ташкичү авылында туган, татар әдәбиятына зур өлеш керткән М.Галәү иҗаты һәм тормышы турында информация бирелде. Кунакларның күп төрле сорауларына мәктәп администрациясе һәм профком рәисе җавап бирделәр. Очрашу бик эшлекле төстә узды.

   "Арчалыларның тормыш кодексы" ның бер пункты  "Туган ягыңның тарихын бел, халкыңа хезмәт ит!" дип атала. Бүген шушы пунктны тормышка ашыру буенча эш башладык. Бөек мәгърифәтче Ш.Мәрҗанинең тормыш юлын өйрәнү белән башладык бу проектны тормышка ашыруны. Мондый очрашулар атна саен узачак.

  Бүген иртәнге линейкада "Арчалыларның тормыш кодексы" белән таныштык. Кодекстагы һәрбер пункт укучыларга ныклап аңлатылды.

   Ташкичү төбәге татар әдәбиятында зур урын алып тора. Ташкичүдә тәрҗемәче, сатирик, тарихи роман авторы М.Галәүнең туган төбәге. Сентябрь аенда мәктәптә М.Галәүне искә алу оештырыла. Бүген дә язучының якты истәлеген кабат яңарттык, М.Галәү укулары оештырдык.