Шимбә көнне Иске Кырлай авылында Фәнил Гәрәфиев истәлегенә багышланган чаңгы ярышы уздырылды. Безнең мәктәпнең чаңгычылар командасы әлеге ярыштан җиңү белән кайтты. Минһаҗева Зилә (8 кл.), Минһаҗева Илүзә (7 кл.), Закирҗанов Илназ (7 кл.), Сәләхов Илнар (8 кл.) составындагы команда 2 нче урынны яулады. Шәхси беренчелектә Минһаҗева Зилә (8 кл.) 3 нче урынны алды. (Укытучылары - Минһаҗев М.В.) Укучыларга алдагы ярышларда да зур җиңүләр телибез.

Бүген 9 нчы класс укучылары өчен  математика фәненнән кабат сынау имтиханы уздырылды. Биремнәрне Сикертән мәктәбенең математика укытучысы Ибраһимова И.И. әзерләде һәм имтиханны үткәрде. Әлеге имтиханда күзәтүче буларак ата-аналар да катнашты. 

Хәзер бөтен табигать кар астында. Ләкин кешегә, табигатькә тереклек бирә торган чишмәләр генә ага да ага. Туган төбәгебезне, чишмәләребезне саклау-барыбызның да изге бурычы. Чишмәләр югалмасын, күмелмәсеннәр! Чишмәләрне саклап, яңаларны тапсак, авылларыбыз дә яшәрер, матурланыр. Сарай-Чокырча башлангыч мәктәбендә тәрбия сәгате вакытында авыл чишмәсенә экскурсия ясалды, аның тирә-ягы кардан чистартылды.

Бүген мәктәптә ата-аналар җыелышы уздырылды.Узган чирек нәтиҗәләрен укыту эшләре буенча директор урынбасары Вәлиева Н.Т. анализлады, шулай ук балаларның укуга карата мөнәсәбәтләре турында сөйләшү уздырылды. "Баланың сәламәтлеге һәм компьютер" темасына  башлангыч класслар укытучысы Насыйбуллина Ф.К. чыгыш ясады. Мәктәп директоры Хәбибуллин Ф.М. пожарга каршы күрелергә тиешле чараларга һәм укучыларның ашханәдә туклануына басым ясады. 9 нчы класс укучыларының әти-әниләре белән укучыларны ОГЭ га әзерләү, сынау имтиханнарының нәтиҗәләре турында сөйләшенде. Ата-аналар белән әңгәмәләр классларда да дәвам  итте.

Бүген 5-9 нчы класс укучылары  ГТО нормаларының кышкы сессиясе буенча номативларын үтәделәр. Укучыларның берничә төр буенча нормативлар тапшыруын Арча балалар-яшүсмерләр спорт мәктәбеннән Таджибаева В.Р. күзәтте. 

16 гыйнвар көнне Яңа Кенәр мәктәбендә уздырылган көрәш ярышында мәктәбебезнең яшь көрәшчеләре Закирҗанов Ә.(5 кл.), Закирҗанов И.(7 кл.), Хөснетдинов Д.  (5 кл.), Хөснетдинов Р.(9 кл.), Гыйлметдинов Т.(8 кл.), Мөхәрләмов А.(7 кл.), Абдуолимов О.(7 кл.) катнашты һәм уңышлы чыгыш ясады. Команда әлеге ярышта 4 нче урынны яулады. Ә аерым үлчәү авырлыгында Мөхәрләмов А.(7 кл.), Хөснетдинов Р.(9 кл.) шулай ук 4 нче урынны алдылар. Көрәшчеләргә алдагы ярышларда зур җиңүләр телибез! 

Чырык-чырык килеп янда

Чыпчыклар серләшәләр.

Җим сипсәнә, диеп миңа

Әйтерсең эндәшәләр.

Кулымдагы икмәгемне

Бүлешәм алар белән.

Канатларын җилпи-җилпи

Рәхмәт әйтәләр, беләм.

Кошлар – безнең дусларыбыз. Кышкы салкыннарда, бураннарда аларга азык табу кыен. Шуңа да без кошларыбызга булышабыз – аларга җимнәр салабыз.