Бүген лагерьда көнебез юл йөрү кагыйдәләренә багышланды. Укучылар юлда йөрү кагыйдәләрен, юл билгеләрен искә төшерделәр. Аннары отрядлар арасында ярыш оештырылды. Балалар сорауларга җаваплар бирделәр, рәсем ясадылар. Юлларда игътибарлы булырга тиешлекне тагын бер кат ныгыттылар.

15 июнь көне  “Кояшкай” лагеренда җанлы башланып китте. Иртәнге линейкада укучыларга  көннең максаты хәбәр ителде. Бүген лагеребызда - “Индеецлар" көне. Һәр команда үзенең фантазиясен эшкә җикте. Һәр командадан бер укучыны “Индеец" итеп киендерделәр. Аннары музыка куелды, укучылар “Индеецлар“ булып биеделәр. Җиңүчеләр билгеләнде, аларга көн ахырында бүләкләр тапшырылды. Көннең икенче яртысында хәрәкәтле уеннар уйнадылар. Көнебез күңелле үтте.

13 июнь көнне “Кояшкай” лагеренда “Кызыклы вакыйгалар-көлке көне” үткәрелде. Иртәнге линейкадан соң ашханәгә бардык. Аннан соң табигатькә кызыклы уеннар уйнарга чыктык. Һәр укучы үзе белән булган кызыклы вакыйгалар турында сөйләде. Укучылар белән кызыклы мәзәкләрне искә төшердек.  Мәктәпкә кергәч, укучылар үзләре белән булган кызыклы вакыйгаларны рәсем итеп ясадылар. Ахырдан шаян җырлар җырладык. Көнебез күңелле, сизелмичә узып китте.

10 июнь көнне “Кояшкай” балалар лагеренда “Җырлыйк әле” дип аталучы тематик көн узды. Укучылар ике командага бүленеп бәйгедә катнаштылар, үзләренең сәләтләрен күрсәттеләр. Бәйге ахырында җиңүче команда билгеләнде һәм ике командага да грамоталар тапшырылды. Көн дәвамында күңелле уеннар үткәрелде, дискотека оештырылды. Көн файдалы һәм күңелле үтте

7 июнь - “Кояшкай” лагеренда – “Сәламәтлек көне” . Бүген көн иртәдән болытлы, яңгырлы. Иртәнге линейкадан соң без зарядка ясадык, аннары ашханәгә ашарга бардык. Спортзалда “Күңелле стартлар” уен-ярыш уздырдык. Һәр бала ярышта теләп катнашты. Көннең икенче яртысында күңелле уеннар уйнадык. Безнең бүгенге көнебез сизелми дә узып китте.