Мәктәп бакчасында быел да помидордан, кәбестәдән мул уңыш көтелә. Укучылар дежур укытучы җитәкчелегендә аларның төпләрен йомшарталар, артык ботаклардан арындыралар, су сибәләр. 

Мәктәп яны тәҗрибә участогында укучылар бик күп төрле эшләр башкаралар: чүп утыйлар, яшелчәләргә, чәчәклекләргә су сибәләр, мәктәп янын һәрчак тәртиптә тоталар. 

Бүген мәктәптә 9 нчы класс укучыларына аттестатлар тапшыру тантанасы үткәрелде. Мәктәбебезнең 3 укучысы да кулларына өлгергәнлек аттестатлары алдылар.Бәйрәмгә укытучылар, укучыларның әти-әниләре дә килде. Укучыларыбызга исәнлек-саулык, тормышта үз юлларын табуларын телибез.

Члены отряда “Ritm” Республиканского проекта «SaMoSтоятельные дети» провели танцевальный флеш-моб по пропаганде здорового образа жизни «Будь здоровым! Танцуй!». После окончания танцевальной части участники раздали агитационные листовки о проекте.

21 июнь-"Кояшкай" лагеренда "Золушкалар һәм принцлар" көне. Бүген лагерыбызда кызлар -"Золушкалар", ә малайлар принцлар булып уйнадылар. Ахырдан вальс биеделәр. Лагерьда булган кызыклы вакыйгалар искә төшерелде. Күңелле уеннар уйнатылды. Көннең икенче яртысында лагерьны ябу тантанасы булды. Укучыларыбыз лагерьдан канәгать булып кайтып киттеләр.

Бүген лагерьда тәрбияләнүчеләр белән "Наркотиклардан башка тормыш" акциясе буенча рәсем конкурсы, сәламәт яшәү рәвешен пропагандалаган спорт уеннары оештырылды.

Шатлыклар – күңелебездә.

Ал кояш – күгебездә.

Көрәшик тә, узышыйк та –

Сабантуй бүген бездә!

Лагерьда бүген балалар САБАН ТУЕ гөрләп үтте. Уеннарның иң кызыклылары әзерләнгән иде: аркан тарту, кашыкка йомырка куеп йөгерү, чүлмәк вату, кашык белән су ташу, таяк тарту, шакмак җыю һ.б. Әлбәттә, уен булгач, җиңүчесе дә, җиңелүчесе дә була. Ә бүләкләр һәр катнашучыга да бирелде. Бәйрәм балаларга бик ошады.