Бүген мәктәптә Арча районы мәктәпләре командалары арасында "Курса МТС" ы җитәкчесе Р.Г.Гыйләҗетдинов призына татарча көрәш ярышы уздырылды.Әлеге ярыш икенче мәртәбә уздырыла һәм бүгенге ярышта 2002-2003 нче елгы һәм аннан да яшьрәк яшүсмерләр бил алышты.Мәктәбебезнең яшь көрәшчеләре бүген дә сынатмады, беренчелекне бирмәделәр. Икенче урынны Шушмабаш, өченче урынны Курса Почмак мәктәбе көрәшчеләре алды. 7 нче класс укучысы Мөхәрләмов Айдар абсолют батыр булып калды һәм көрәш символы - тәкә белән бүләкләнде. Мәктәп буенча нәтиҗәләр түбәндәгечә: Сәләхов Илнар (8 кл.) - 1 урын, Закирҗанов Илназ (7 кл.) - 1 урын, Нурисламов Рәниф (7 кл.)- 1 урын, Гыйлметдинов Таһир (8 кл.)- 1 урын, Хөснетдинов Рәмис (8 кл.) - 2 урын, Абдуоллимов Алим (7 кл.) - 2 урын, Рамазанов Илназ (7 кл.) - 3 урын, Шәфигуллин Әмир (3 кл.) - 4 урын. Барлык көрәшчеләрне зур җиңүләре белән котлыйбыз!

Биология атналыгы уңаеннан, 8 класс укучылары арасында химия фәненнән “Күңелле стартлар” үтте. ”Кислород” һәм “Водород” командалары,түбәндәге конкурсларда үзләренең химиядән белемнәре буенча көч сынаштылар: 1)1 минут эчендә, бер аякта сикереп, күбрәк химик элемент санау;2)идәндә чәчелгән формулалардан,оксид,нигез,кислота,тоз формулаларын дөрес һәм тиз сайлап алу; 3)кисәкләрдән химик тәҗрибә сурәтләнгән рәсемне дөрес һәм тиз җыю; 4) формулаларның исемнәре язылган карточкалар, алар үзләренә туры килгән формулаларны шариклар арасыннан дөрес һәм тиз сайлап алу; 5)икешәрләп, тупны маңгай белән тотып барып, реакцияләрне язып бетерү һәм тигезләү; 6)сораулар ярдәмендә “Кара тартма” эчендә нәрсә барлыгын белү (алюминий фольгага төрелгән шоколад һәм газлы су). Нәтиҗәдә ике команда арасындагы дуслык җиңде.

Габдулла Тукайны белмәгән, яратмаган бала бармы икән? Аның шигырьләрен, әкиятләрен һәр бала яратып, кызыксынып укый, ятлый. 3 нче сыйныф укучылары район күләмендә оештырылган “Яңгыравык шигырь тамчылары”, “Тукайның бер шигырен заманчалаштыру һәм сәхнәләштерү” конкурсларында катнаштылар. Бүгенге көндә укытучылары Гыйбадуллина Н.Т. җитәкчелегендә “Иң шәп шигырь сөйләүче” конкурсына әзерләнәләр. Аның шигырьләрен, әкиятләрен ятладылар һәм сәхнәләштерергә әзерләнәләр.

"Без ГТО га әзер!" акциясе кысаларында мәктәптә күмәк чаралар, спорт ярышлары үтте. Укучылар яшь үзенчәлекләренә карап ГТО нормаларын тапшырдылар, үзләренең көчләрен, мөмкинлекләрен сынадылар һәм начар нәтиҗәләр күрсәтмәделәр. Алда әле аларны тагын төрле сынаулар көтә. Уңышлар телик!

Мәктәбебездә “Игелекле гамәлләр атналыгы” дәвам итә. Укучыларыбыз сугышта һәлак булган авылдашларыбыз истәлегенә салынган һәйкәлне һәрдаим карап, тәртиптә торалар. Бүген дә алар һәйкәл тирәсен кардан, боздан чистарттылар.

Халкыбызның бөек шагыйре Г. Тукайның 130 еллык юбилеее уңаеннан бүген Ашытбаш авылы мәдәният йортында Г.Тукай исемендәге Ашытбаш урта мәктәбе коллективы ”Тукай төрле телләрдә яңгырый” дип исемләнгән районара бәйгенең йомгаклау турын уздырды. ”Тукай турында татар телендә иҗат эшләре” номинациясендә катнашып, 8 нче класс укучысы Садриева Альбина I дәрәҗәдәге дипломга лаек булды. Укучыбызны әлеге җиңүе белән котлыйбыз!

"Игелекле гамәлләр атнасы" кысаларында 5 класс укучылары Абдуллин Илсаф һәм Яруллин Дәниф "Маяк" ветераны Юнысов Котдус абыйга кар таратырга булыштылар.