Бүген мәктәптә ата-аналар җыелышы булып үтте. Әниләр көне уңаеннан укучылар әниләренә иң матур шигырьләрен, җырларын, дәртле биюләрен бүләк иттеләр. Әти-әниләр белән очрашуга Арча шәһәренең балигъ булмаган яшүсмерләр белән эшләүче инспекторы Зәйнуллин И.Җ., участок уполномоченные Йосыпов И.Н., фельдшер Хәсәнова Ә.килгән иде. Алар әти-әниләргә киңәшләр бирделәр, балаларның язмышы, сәламәтлеге өчен җаваплы булырга чакырдылар. Соңыннан чирек нәтиҗәләре, укучыларның уңышлары белән укыту эшләре буенча директор урынбасары Вәлиева Н.Т. таныштырды. Балаларның психикасына йогынты ясаучы тискәре гадәтләр турында тәрбия эшләре буенча директор урынбасары Садриева Н.З. чыгышы тыңланды.Мәктәп директоры Хәбибуллин Ф.М. укучыларның дәрес хәзерләүдәге җитешсезлекләрен ассызыклады, әти-әниләрне балаларның укуына, үз-үзләрен тотышына тагын да игътибарлырак булырга чакырды.

4 нче сыйныфта «Сүзлекләр көне” уңаеннан “Шундый төрле, төрле сүзлекләр” темасына сыйныф сәгате үткәрелде. Укучылар презентация генә карап калмадылар, төрле сүзлекләр белән таныштылар, алардан файдаланып карадылар. “Сүзлекләр – безнең ярдәмчеләребез. Алардан файдаланырга кирәк,” – дигән нәтиҗә ясадылар.

Наркоманиягә каршы көрәш акциясе кысаларында  2-3 нче сыйныф укучылары белән "Тормышың өчен үзең җаваплы!" темасына сөйләшү үтте. Укучылар белән зарарлы гадәтләрдән саклану, җәмгыятьтә үзеңне тоту нормалары турында сөйләшенде һәм укучылар фильмнар карадылар.

22 ноября в рамках акции "Сообщи, где торгуют смертью!" учащиеся 8 класса сделали экспозицию из собственных рисунков. Каждый защищал свою работу, пытался раскрыть тему, идею.

Тиздән Әниләр бәйрәме җитә. Әни! Әнием! Бу сүзләргә никадәр ярату, хөрмәт хисләре салынган. Ул безне тудырган, күпме йокысыз төннәр уздырган, сөеп-иркәләп үстергән. Ул һәрчак безнең янәшәбездә. Авырлыклар булса, ярдәмгә иңен куя, шатлыгыбызга сөенә. 2 нче сыйныф укучылары әниләр көненә әзерлек эшләрен башлап җибәрде: укучылар әниләренең рәсемен ясады, гаиләләре турында шигырьләр иҗат итте, күмәкләшеп символик букет әзерләде.

Елмайса йөзеннән аңлыйм

Әнкәемнең теләген.

Әнкәй, сиңа бүләк итәм

Бөтен дөнья гөлләрен!!!

Наркомания-иң начар чир. Кеше нинди генә социаль җәмгыятьтә яшәсә дә, үз сәламәтлеге турында үзе кайгыртырга тиеш. Шуңа да наркотикларны татып карау тәкъдиме ясалган бердәнбер дөрес җавап – алардан кискен төстә баш тарту. Буген 6-7 класс укучылары арасында “Наркомания-кешелекнең дошманы” темасына тренинг үткәрелде.

Гомер дәфтәреңнең ап-ак битен

Син кара тап белән буяма.

Үтсен гомерең үрнәк гомер булып,

Начар гадәтләргә карама.

10 ноября ученица 8 класса Султанова Камиля участвовала в Региональной конференции в Институте филологии и искусств КФУ. Выступала по теме "Проблемы русского национального языка". Научный руководитель: Зайнуллина Фильсина Габдулхаевна.