Бүген сәнгать һәм технология атналыгына нәтиҗә ясалды, яярышларда җиңүче классларга һәм укучыларга бүләкләр тапшырылды.

23 нче февраль көнне Мөрәле авылында Арча мөхтәсибәте беренчелегенә чаңгы ярышы уздырылды. Әлеге ярышта мәктәбебез чаңгычылары да актив катнашты. Яруллин Д., Закирҗанов Ә., Бакирова Д., Зәйнетдинова Э., Гатауллин Р., Бакирова И., Минһаҗев И. составындагы команда әлеге ярышта уңышлы чыгыш ясады һәм 2 нче урынны яулады, грамота һәм кубок белән бүләкләнде.  Чаңгычыларны һәм аларның тренерлары Минһаҗев М.В. чираттагы җиңүләре белән котлыйбыз!

5-8 нче сыйныф укучылары арасында сынлы сәнгать һәм технология фәннәре буенча “Матурлыкка бер адым” исеме астында уен-ярыш узды. Укучылар төрле картиналар буенча сорауларга җавап бирделәр, төрле биремнәр үтәделәр. Соңыннан уенга нәтиҗә ясалды һәм бүләкләр тапшырылды.

23 февраль көнне Казан дәүләт мәдәният һәм сәнгать институтында РФ һәм РТ ның халык артисты, профессор Винера Ганиева җитәкчелегендәге VI халыкара вокалистлар конкурсы үтте. 4 нче сыйныф укучысы Закирҗанов Кәрим, уңышлы чыгыш ясап, I дәрәҗә лауреат исеменә лаек булды. Кәримне һәм аның укытучысы Булат Марселевичны уңышлары белән котлыйбыз!

23 нче февраль - Ватанны саклаучылар көне уңаеннан 1-3 нче класс укучылары әтиләрен чакырып, аларны бәйрәм белән котладылар, үзләренең матур шигырьләрен, җырларын бүләк иттеләр, кулдан эшләнгән бүләкләрен тапшырдылар. Соңыннан спортзалда әтиләр белән берлектә күңелле уеннар оештырылды. Әлеге ярыш бик күтәренке рухта барды. Бәйрәмгә килүче һәрбер әти ярышта теләп катнашты. Әлеге күңелле кичәне оештыручыларга зур рәхмәтебезне белдерәбез!

21 нче февраль -  Һәр милләт, һәр халык өчен бәйрәм көн - Халыкара туган тел көне. Һәркем өчен дөньядагы барлык телләр арасында иң кадерлесе- тәүге кабат сөйләшә башлаган ана теле. Бу - безнең балачагыбыз, гаиләбез, җәмгыятьтәге беренче тапкыр аралашуыбыз теле. Халыкара туган тел көнендә барлык телләр дә тигез дип таныла, чөнки аларның һәркайсы кеше язмышы өчен җавап бирә, һәркайсы табигый мирас булып тора һәм без аны, һичшиксез, сакларга тиешбез. Туган тел көне уңаеннан бүген мәктәптә "Туган телем" исемле кичә үтте. Ул күмәк рәвештә "Туган тел" җырын җырлау белән төгәлләнде.

Хезмәт  һәм  сәнгать атналыгы  кысаларында  1-8 сыйныф укучылары арасында “Күңелле бизәлеш” һәм  “Тылсымлы пластилин”   конкурслары үткәрелде. Укучыларның эшләре  бәяләнде. Укучылар конкурсларда бик теләп катнаштылар.                                            

23 нче февраль - Ватанны саклаучылар көне уңаеннан укучылар рәсем дәресләрендә әлеге темага рәсемнәр ясадылар. аларның эшләреннән күргәзмәләр дә оештырылды.