25 нче март көнне Арча Укучылар сараенда шашка  буенча шәхси һәм команда  беренчелегенә 2 нче этап район ярышлары уздырылды. Ярышлар балаларның яшь аермаларын исәпкә алып,  4 төркемгә бүленеп үткәрелде. Шәхси беренчелектә Шагниев Р. 3 нче, Яруллин Р. 4 нче урыннарны яулады. Ә мәктәп командасы 1 нче урында. Тренер – Лотфуллин М.Л. Җиңүчеләрне котлыйбыз!    

26 март көнне Арча сәнгать мәктәбендә бөек шагыйребез Габдулла Тукайның тууына 133 елга багышланган "Арча ягы-данлы Тукай ягы" дип исемләнгән XIV республика конкурс-фестивале булды. Бу конкурста безнең мәктәптән дә 3 укучы катнашты һәм уңышлы чыгыш ясады: Гайнуллина Зилә - 2 дәрәҗә лауреат (укытучысы Валиуллина В.В.), Мингазов Самат-1 дәрәжә лауреат, Мингазов Ильяс-2 дәрәжә лауреат (укытучылары Гайнуллин Б.М.).Котлыйбыз!

26 нчы март көнне Арчаның 3 нче мәктәбе базасында башлангыч класс укучыларының "Разукрасим мир стихами" дигән темага шигырь конкурсы узды. Безнең мәктәптән Бикбаев Ильяс (1 кл.), Мингазов Ильяс (3 кл.), Гайнуллина Зөләйха (4 кл.) уңышлы чыгыш ясадылар. Аларны котлыйбыз!!!

Арчада чаңгы сезоны уңаеннан уздырылган чаңгы ярышында мәктәп командасы актив катнашты һәм призлы 2 нче урынны яулады. Шәхси беренчелектә дә призлы урыннар күп. Алар - Бакирова Инзилә (3 кл.) - 1 урын, Гыйләҗев Азат (5 кл.) - 2 урын, Гатауллин Радик (6 кл.)-3 урын, Бакирова Диләрә(8 кл.) - 3 урын, Яруллин Дәниф (8 кл.) -3 урын. Тренер - Мингазов М.В. Афәрин, укучылар!

Бүген Сарай –Чокырча башлангыч мәктәбендә гадәттән тыш хәлләр буенча учреждениенең Арчадагы вәкиле Лесенко А.П. катнашында  “Язгы чорда  суда куркынычсызлык” темасы астында тәрбия сәгате үтте. Ул  “Буду бдительным на льду и на воде”  Республика рәсем конкурсында катнашкан укучыларыбызга Сертификатлар һәм истәлекле бүләкләр тапшырды. Аларны яз көне су буйларында, урамда очрарга мөмкин булган  куркыныч хәлләр турында кисәтте.

Бүген Әтнә авыл хуҗалыгы техникумы укытучылары укучылар белән очрашуга килде. Алар көллияткә укырга керү шартлары, алырга мөмкин булган белгечлекләр белән таныштырдылар, презентация аша уку йортына виртуаль экскурсия ясадылар. 

Укучылар арасында "Иң матур сыерчык оясы" конкурсы игълан ителгән иде. Бик күп укучылар әтиләре белән тырышып сыерчык оялары ясадылар. Иң матур сыерчык оясы ясаган 6 нчы класс укучысы Шәфигуллин Әмирнең эше район буенча уздырылучы конкурста катнашачак.

Бүген иртәнге линейкада мәктәп күләмендә уздырылган чаңгы ярышы җиңүчеләре бүләкләнде, грамоталар тапшырылды. 

Яшь буынның сәламәт булып үсүендә, дөрес туклану зур роль уйный. Туклану – шулай ук сәламәт яшәү рәвешенең бер шарты ул. 8 класста Дөрес туклану - сәламәтлек нигезе" дигән темага сыйныф сәгате үтте. Укучылар анкета сорауларына җавап биреп үзләренең дөрес туклану күләмен ачыкладылар, Күп сорауларга җаваплар таптылар.