24 апреля на базе МБОУ "АГ №5" прошел муниципальный этап республиканского фестиваля-конкурса школьных театральных коллективов на иностранных языках, конкурса стихов и песен на английском языке. Ученица 9 класса нашей школы Гайнуллина Зиля успешно выступила со стихотворением "Music" на английском языке.

Безнең әби-бабаларыбыз, әти-әниләребез кул эшләренә, җырга-биюгә бик сәләтле булу белән бергә, аш-суга да оста булганнар, тәмле ризыклар пешергәннәр. Милли ашларның үзенчәлеге халыкның тормыш рәвешенә бәйле булган. Бүгенге кичәдә без татар халкының милли ашларына дан җырладык. Авылыбызның абыстае Дамира апа укучыларга икмәкне иң кадерле ризык булуы турында сөйләде, өстәлебездә тәмле ризык, сый-хөрмәт булганда гына яшәүнең ямьле булуын төшендерде. Әйе, без милли ризыкларыбызны кадерләсәк, хөрмәтләсәк кенә рәхәт яшәячәкбез.

5 нче класс укучысы Гарифуллин Галим республика экологик олимпиадасының читтән торып уздырылган I турыннан үтеп, II турда катнашу хокукына ия булды. Бу бәйгегә республикабызның төрле төбәкләреннән  иң көчле укучылар җыелган иде. Алар биредә үзләренең белемнәрен тагын бер кабат сынадылар, тест һәм практик эш башкардылар. Галимне әлеге олимпиадада уңышлы чыгыш ясавы белән котлыйбыз! 

"Балаларны яклау көне" уңаеннан узган атнада класслар арасында волейбол ярышлары уздырыла башлады. Укучылар бик теләп әлеге ярышларда уйныйлар. Нәтиҗәләр соңрак билгеле булачак.

Бүген мәктәбебезнең укучылары, укытучылары һәм барлык хезмәткәрләр күмәк рәвештә өмәдә катнаштылар. Зур көч белән мәктәп территориясе, тирә-юнь чүптән арындырылды. Өмәдә һәркем тырышып эшләде. 

Елның  дүрт фасылын да күрәбез без туган ягыбызда. Менә хәзер табигатьтә яз.  Инде гөрләвекләрен агызырга да өлгерде. Тиздән ул бөтен җирне яшеллеккә күмәр. Табигать бизәкләре – кошлар, туган җиребезне сагынып җылы яклардан кайтып җиттеләр.  Бүген Сарай-Чокырча башлангыч мәктәбе укучылары язгы табигатькә  экскурсиягә чыктылар. Табигать уянган ел фасылын һәм аккошларны күзәттеләр.

Габдулла Тукайның 133 еллыгы уңаеннан,  яшь буынга рухи-әхлакый тәрбия бирүдә әдипнең тормыш юлын өйрәнүне һәм иҗатын пропагандалау  максатыннан, 2019 нчы елның  18 нче апрелендә  Арча муниципаль  районы В.Ф.Ежков исемендәге Арча 1 нче урта гомуми белем  мәктәбе» базасында  «Без – Тукай варислары»  исемендәге  шигырь укучылар конкурсы үтте. Анда  мәктәбебездән 4 нче класс укучысы Бикбаева Айзилә катнашты һәм уңышлы чыгыш ясады. (Укытучысы - Мингазова Ч.М.)