Бөек Җиңү бәйрәме уңаеннан бүген укучыларыбыз "Үлемсез полк" акциясенә кушылып, тантаналы рәвештә авыл уртасындагы һәйкәл янына килделәр. Биредә тыл ветераннары, сугыш чоры балалары өчен әдәби-музыкаль кичә үткәрелде, сугыштан кайтмый калганнар хөрмәтенә бер минут тынлык игълан ителде. Митингка килгән кунаклар ветераннарны бәйрәм белән котладылар, илебез күгенең һәрчак аяз, тыныч булуын теләделәр. Бәйрәмнең икенче өлеше мәдәният йортында дәвам итте. 

        Бөек Җиңүнең 74 еллыгы уңаеннан Сарай-Чокырча авылында һәйкәлгә венок салынды,  тантаналы митинг үтте. Башлангыч мәктәп укучылары  һәм мәдәният хезмәткәрләре тыл ветераннарын һәм сугыш чоры балаларын котлап чыгыш ясадылар. Бәйрәм чәй табыны янында дәвам итте.

Была проведена акция «Перерыв на кино». Учащиеся смотрели кино  о Великой Отечественной Войне. Делились своими впечатлениями. Они сочувствовали детям, пережившую войну. Понимали, какой ценой добились победы наши дедушки и бабушки. И мы благодарны им за то что, они подарили нам свободу и жизнь. 

9 нчы Май - Җиңү көне якынлаша. Бу көн халкыбыз күңелендә мәңге онытылмас көн булып уелып кала. Исән калган ветераннар, тыл батырлары әлеге елларның тере шаһите. Күпме еллар узса да, халык хәтерендә Бөек Ватан сугышы иң авыр, иң дәһшәтле сугыш буларак сакланыр. Халкыбызның кылган батырлыклары һәрвакыт хөрмәт һәм соклану белән искә алыныр.   

29 апрель көнне Арча районы Яңа Кенәр урта мәктәбе базасында РСФСРның атказанган укытучысы, Бөек Ватан сугышы ветераны Р.У.Халитов исемендәге III  районара,  VII мәктәпкүләм “Татарстан – туган йортыбыз” укучылар фәнни-гамәли конференциясе булып узды. Укучыларның эшен Арча районының күренекле шәхесләре, музей  һәм китапханә хезмәткәрләре, ветеран-укытучылар, педагоглардан  торган  жюри бәяләде.  Конференциядә мәктәбебез укучылары да актив катнашты.  “ТАССР  үсешендә безнең төбәкнең керткән өлеше: колхоз, авыл, мәктәп,  төрле оешмалар тарихы,  шушы чорның күренекле якташларыбыз” юнәлешендә уңышлы чыгыш ясап, Хәмзин Ришат (9 кл.) 1 нче урынга, (Җитәкчеләре – Садриева Н.З., Шәфигуллин Н.Ф.),  “ТАССР ның күренекле шәхесләре: 1920-1990 еллар аралыгында  ТАССР  үсешендә  өлеш керткән күренекле , төрле өлкәдә эшләгән аерым шәхесләр” юнәлешендә Гайнуллина Зилә (8 кл.) 3 нче урынга, (Җитәкчесе – Гыймадиева Г.Н.), “ТАССР тарих битләрендә. ТАССР оешу тарихы, 19 20-1990 еллар аралыгында ТАССР үсешендә булган аерым тарихи вакыйгалар”  юнәлеше буенча уңышлы чыгыш ясап, Хәйретдинова Илүзә  (6 кл) лауреат исеменә  (Җитәкчесе – Фәйзуллина Л.И.) лаек булды. Афәрин!!!

 27 нче  апрель көнне  Арчада 2007-2008 нче елгы яшүсмерләр арасында волейбол ярышы узды. Мәктәп командасы әлеге ярышта 1 нче урынны яулады. (Тренерлар – Насыйбуллина А.Ф., Мингазов М.В.) Котлыйбыз!!!

28 апрель көнне Арча мәдәният йортында Рамил Курамшин исемендәге баянчылар һәм гармунчылар төбәкара бәйгесе узды. Бу бәйгедә 5 нче класс укучысы Мингазов Самат Гран-прига лаек булды. (Җитәкчесе – Гайнуллин Б.М.) Саматка алдагы конкурсларда да иҗади уңышлар телибез!

Экологик айлык барышында бүген укучылар мәктәп тирәсен, бакчаны тәртипкә китерделәр, агач утырту акциясендә катнаштылар.

        26 апрель көнне Сарай-Чокырча башлангыч мәктәбе укучылары өчен  авыл китапханәсе хезмәткәре Гайнуллина А. әдәби уен оештырды.  Балалар “Тукай иҗаты буйлап” кызыклы “сәфәргә” чыктылар.  Укучылар үзләренең иң яраткан шигырьләрен сөйләделәр. Ә сәяхәтнең иң соңында, бик теләп “Кәҗә белән сарык” әкиятен карадылар.