Кызганычка каршы авылыбызда Бөек Ватан сугышы ветераннары инде калмады.  Шулай да коллективыбыз бу өлкәдә эшен дәвам итә. Кушлавыч мәктәбе укучылары тыл ветераны Гарипова Асия апада булдылар. Аның тормыш иптәше сугыш ветераны Минзариф ага инде вафат. Укучыларыбыз Асия апага йорт яннарын кардан арындырып бирделәр, ахырдан  инде әлбәттә истәлеккә фотога төштеләр.

    Татар яшьләре Габдулла Тукайның 130 еллыгы уңаеннан, «Вконтакте» һәм Instagram социаль челтәрендә #MinemYaratkanTatarTelem аккаунты белән  флешмоб башлап җибәрде. Тукай флешмобына билгеле шәхесләр, Россия өлкәләрендә һәм чит илләрдә яшәүче татарлар кушылды.     Флешмобның максаты - яшьләр арасында Габдулла Тукай иҗатына кызыксынуны арттыру, интернетта татар телен популярлаштыру, аның аралашу даирәсен үстерү.  Шуңа күрә флешмоб вакытында Тукай шигырьләрен төрле милләт вәкилләре сөйли, укый...

    РФ Мәгариф һәм фән министрлыгы мәктәпләрнең укыту программасына Бердәм дәрес кертмәкче була. Ул һәр ел саен укытылачак. Бердәм дәрес "Гаилә һәм Ватан минем тормышта" дип аталачак. Ул Халыкара гаилә көненә багышлап кертелә...

     7 апрель – Бөтендөнья сәламәтлек көне. Шушы уңайдан мәктәбебезнең кечкенә сыйныф укучылары белән "Сәламәтлек иленә сәяхәт" дип исемләнгән тәрбия чарасы үтте. Бу чарада укучыларга таза-сәламәт яшәү өчен тормыш рәвешенең зур әһәмияткә ия булуы турында аңлатылды. Укучылар мультимедиа презентацияләр ярдәмендә бик кызыклы викторинада да үз белемнәрен сыный алдылар.

1926 нчы елдан башлап, 1 апрель - Бөтендөнья кошлар көне дип билгеләнеп үтелә. Безнең мәктәбебез укучылары да һәр яз саен, сыерчык оялары ясап, канатлы дусларыбызны сөендерәләр. Тиздән алар ясаган ояларга яңа хуҗалар килер, балаларга рәхмәт әйтеп, канатларын кага-кага, матур җырларын сузар.

Бүген, 1нче апрель көнне Кушлавыч төп гомуми белем мәктәбендә 9нчы сыйныф укучылары татар теле буенча бердәм республика тестына әзерлек максатыннан сынап карау имтихан эше башкардылар.

Нәүрүз мөбәрәкбад!
Безнең әби-бабаларыбыз һәр елның 21нче март көнендә бер-берсен шулай сәламләгән. Ул Яңа елның беренче көне булган, чөнки беренче төрки-фарсы календаре буенча яз башы - көн белән төн тигезләшкән вакыт - яңа елның башы саналган. "Нәүрүз" сүзе безгә фарсы теленнән кергән, татарча "яңа көн" дигәнне аңлата. Әлеге бәйрәм беренче булып Иранда билгеләп үтелә. Шуннан соң бу бәйрәмне, мөселман йолаларына яраклаштырып, барлык төрки халыклар да үткәрә башлаган.
Хәзер Нәүрүз бәйрәме яңа эчтәлек белән тулылына. Бәйрәмдә Нәүрүз гүзәлен билгелиләр, яңа уеннар, яңа йолалар башкаралар...

Тулырак чыганакта.

Агымдагы атнада Арча районы Утар Аты төп гомуми белем мәктәбендә башлангыч һәм татар теле укытучыларының "ФГОС (ФДББС) шартларында уку-укыту процессын интенсивлаштыру" дигән темага район семинарында катнаштык. Мәктәптә мастер-класс күрсәтү белән берлектә кул эшләре күргәзмәсе оештырылган иде. Төрле юнәлешләрдә дәресләр каралды. Килгән укытучылар күп яңалыклар алып китте.Дәресләрдән соң экологик темага класстан тыш чара күрсәтелде. Түгәрәк өстәл артында сөйләшү вакытында, мәктәп эшчәнлегенә район мәгарифе бүлеге җитәкчесе дә уңай бәя бирде.

Бүген Арча муниципаль районы буенча ГТО нормативларын тапшыралар. Мәгариф хезмәткәрләре дә әлеге чарадан читтә калмыйча актив катнаша. Хезмәткәрләребез чаңгыда йөрү, турникта күтәрелү, отжимание, гер күтәрү һ.б. төрләрдә үзләренең көчләрен сыныйлар.