27 нче сентябрь - Тәрбиячеләр көне. Барлык балалар белән эшләүче киң күңелле, шәфкатьле апаларны һөнәри бәйрәмнәре белән котлыйбыз. Шул нисбәттән файдаланып Кушлавыч балалар бакчасында эшләүче Равиля Гадиловнаны, Алинә Рүзәловнаны, Алисә Мансуровнаны да тәбриклисебез килә. Аларга ныклы сәламәтлек, сабырлык, иҗади уңышлар телибез. Һәрвакыт бала җанлы, мәрхәмәтле булып калыгыз.

Сегодня 27 сентября в 11.00 часов состоялся Всероссийский интернет-урок на тему "Профилактика наркомании в образовательной среде"...

Бүген көзге көн белән төн тигезләшү көне. 1846нчы елның 23нче сентябрендә И.Галле Кояш системасындагы сигезенче планетаны - Нептунны ача. Тәрбия сәгатьләрендә бу турыда информация бирелде. Презентацияләр күрсәтелде.

Укучылар зур тырышлык белән "Сөмбелә" бәйрәменә әзерләнәләр. Фотомизгелләрне соңрак күрерсез.

Башлангыч сыйныф укучыларына мәдәни көндәлекләр тапшыру матур традициягә әйләнде. Быел да укучылар көндәлекләрне бик шатланып кабул иттеләр. Без сәяхәтебезне әлбәттә үз авылыбыздагы Габдулла Тукай музей-йортыннан башлап җибәрдек. Уку елы дәвамында бик күп сәяхәтләргә йөрербез, бик күп музейларда, истәлекле урыннарда булырбыз дип ышанып калабыз.

"Самостоятельные дети" проектында катнашучылар, сәламәт яшәү рәвешен пропагандалап, "Елмаюың белән бүлеш!" акциясендә катнаштылар. Укучылар тәмәке тарту, наркотиклар, алкогольле эчемлекләр куллануның зарары хакында сөйләделәр. Ахырдан, барлык укучыларга да яхшы кәеф, яхшы көн теләп, елмаю төшкән смайликлар да бүләк иттеләр.

15 нче сентябрь көнне Арчаның сәнгать мәктәбендә "Без бит Арча яклары" дип исемләнгән китапны тәкъдир итү кичәсе булып узды. Әлеге чарада район башлыгы Нуриев И.Г, депутат Гыйлметдинов И.И. һәм бик күп язучылар, шагыйрьләр, журналистлар катнашты. Шулай ук Г.Ахунов премиясе лауреатларын бүләкләү тантанасы булды. Чарага районның башлангыч сыйныф һәм татар теле укытучылыры чакырылган иде.

Мәктәбебездә "Мәрхәмәтлелек атналыгы" кысаларында "Спорт сөюче Татарстан!" дигән исем астында спорт ярышлары үтте. Укучылар мәктәбебездә үткәрелгән кичәләрдә, төрле ярышларда актив катнашалар. Бүген дә алар спорт ярышларында үзләренең көчләрен сынаштылар, сәламәтлекләрен ныгыттылар. Ярыш бик кызык һәм истә калырлык булды.

"Мәрхәмәтлелек атналыгы" кысаларында Г.Тукаевлар музей-йортында кичә уздырылды. Музей диреторы Мөхәммәтшинә Ләйлә музей тарихы турында сөйләде. Укучылар бөек язучыбыз Г.Тукай язган шигырьләрен укыдылар. Кичә бик күңелле узды...

Мәрхәмәтлелек атналыгы кысаларында берничә төркемгә бүленеп ветераннарга ярдәм итү оештырдык. Иске Җөлби, Яңа Җөлби, Кушлавыч авылларында ярдәмгә мохтаҗ картларга тимурчылык рейдлары узды.