Бүген 8нче, 9нчы сыйныфлар өчен "Гаилә кыйммәтләре" дигән тәрбия сәгате уздырылды. Укучылар гади һәм катнаш никах турында белделәр, аларның уңай һәм кимчелекле яклары аңлатылды. Гаиләне саклау изге бурыч икәнлеге презентация ярдәмендә сөйләнде.

СМС-балалар хәрәкәте үз акцияләрен гел уздырып тора. Без дә "Сәламәт йөгерү!" девизы астында укучылар белән эстафета үткәрдек. Укучыларның күңелләре күтәрелеп китте.

Районыбызга Дәүләт фәннәр академиясеннән Россия фәннәр академиясенең вице-президенты Малофеев Николай Николаевич җитәкчелегендә бик күренекле кунаклар килде. Арча районы җирлегендә аларны кабул итү тантанасында район мәгариф идарәсе җитәкчелеге белән берлектә безнең мәктәбебез укучылары, администрациясе вәкилләре дә катнашты.

"Өлкәннәр декадасы" уңаеннан мәктәп балалары һәм укытучылар катнашуында клубта бик матур бәйрәм кичәсе үткәрелде. Алдан чакыру кәгазьләре өләшенгәч, барлык әби-бабайлар да килгән. Җыр, бию, уен-көлке, әби-бабайларны ике командага бүлеп ярыштыру - һәммәсе дә өлкәннәрнең күңелен күтәрде. Ахырдан сыйлы табын артында чәй эчеп, гапләшеп утырдылар. Бар да канәгать калды.

    Хөрмәтле коллегалар! Теләсә кайсы һөнәргә юл башы укытучы хезмәте нәтиҗәсендә салына. Укытучылар турында дөньядагы барлык уңай сыйфатларны үзегезгә туплагансыз дип ышаныч белән әйтергә була. Укытучы сабырлыгы аналар сабырлыгына тиң. Барлык көндәлек мәшәкатьләрне читкә куеп, башкалар өчен, укучылар өчен дип яши укытучы.
     Авыр, ләкин дөньядагы иң кирәкле хезмәтне бар көчегезне куеп башкарасыз. Укучыларыбыз күңеленә чәчкән игелек орлыклары шытымнар бирсен, үссен, корымасын иде.
     Хөрмәтле укытучылар, һөнәри бәйрәмебез белән!.. Һәм инде калган әйтер сүзләрне Фәнис ага Яруллинның бик матур шигыре белән йомгаклыйсыбыз килә:

Без юлларга чыктык кына,
Күңелдә якты теләк.
Иң дөрес, иң туры юлны
Сайлашырга сез кирәк.
Алда көрәшләр дә булыр,
Югалып калсак кинәт –
Егылганда тотынырга,
Көч бирергә сез кирәк.
Сүнгән чакта өметебез,
Калмаган чакта терәк.
Күз яшьләрен сөртә-сөртә,
Юатырга сез кирәк.
Боекмас өчен күңелләр,
Кимсенмәс өчен йөрәк –
Сез кирәк, укытучылар,
Безгә һәрчак сез кирәк!..

"Сәламәт тәндә - сәламәт акыл"- ди татар халык мәкале. Безнең дә мәктәбебездә сәламәтлекне саклау өчен барлык мөмкинлекләр оештырылган. Укучылар көзге ГТО нормаларын бик актив тапшырып киләләр. Бүгенге көндә урыннан ераклыкка сикерү буенча норматив тапшырылды.

Кушлавыч авыл клубы бинасында мәктәп балалары катнашында "Сөмбелә" бәйрәме үткәрелде. Әлеге бәйрәм чарасы шулай ук өлкәннәр көне декадасы башлану уңаеннан да оештырылды. Төрле ярышлар, күңелле уеннар, табышмаклар барысының күңеленә хуш килде. Ахырдан ярминкәдә сатылган тәм-томнардан авыз иттек.

9 классе был проведен традиционный "Профсоюзный урок" председателем профсоюзного комитета ОУ Гимадиевой Г.Н. Урок прошёл в интересной и игровой форме, ребята получили дополнительные знания о работе профсоюза.
На уроке была рассмотрена ситуация «Зачем и кому нужны профсоюзы в современной России?» во время занятии перед учащимися была поставлена цель: познакомить с понятиями «профессиональный союз», история его становления, функционала, значении и роли в современном российском обществе.
Решались такие задачи, как: формирование гражданской позиции учащихся; важность участия каждого в работе общественных организаций, защищающих права и интересы работников, провести работы по профориентации.
Для учеников это были новые понятия, но уже сейчас дети убедились, что у работников есть профессиональная защита, что их права и интересы отстаивают заинтересованные люди. А значит, человек защищён и уверен в завтрашнем дне.

Бүген мәгариф һәм фән министрлыгы приказы нигезендә 5нче сыйныфларда белем сыйфатын ачыклау максатыннан математика фәне буенча диагностик эш башкарылды. Укучыларыбыз биремнәрне бик тырышып үтәделәр. Инде хәзер билгеләрне генә көтәсе кала.

27 нче сентябрь - Тәрбиячеләр көне. Барлык балалар белән эшләүче киң күңелле, шәфкатьле апаларны һөнәри бәйрәмнәре белән котлыйбыз. Шул нисбәттән файдаланып Кушлавыч балалар бакчасында эшләүче Равиля Гадиловнаны, Алинә Рүзәловнаны, Алисә Мансуровнаны да тәбриклисебез килә. Аларга ныклы сәламәтлек, сабырлык, иҗади уңышлар телибез. Һәрвакыт бала җанлы, мәрхәмәтле булып калыгыз.