Бүген тәрбия сәгатьләрендә балаларга метрополитен, тимер юл, поезд, машинист хезмәте, тимер юлда һәм тимер юл транспортында үз-үзеңне тоту кагыйдәләре турында белешмә бирелде.
    Тимер юл - уңайлы һәм кирәкле транспорт төре. Аннан һәр көнне миллионлаган кеше файдалана. Транспортта тизлек арттыру, юлда булу һәм йөкне китереп җиткерү вакытын кыскартып, күп проблемалараны хәл итте, әмма шуның белән бергә кеше өчен бихисап куркынычлык та тудырды.
    "РЖД" ААҖ эшчәнлеге төп юнәлешләренең берсе - кешеләр тимер юл инфраструктурасында булганда куркынычсыз шартлар белән тәэмин итү. Тимер юлда балигъ булмаган гражданнарның травма алуы аеруча хафалы. Яшүсмер белән булган бәхетсезлектә һәрвакыт олыларның гаебе...

    "Кешеләр милләт булып оешкан көннән башлап һәр милләт үзенең яшәү рәвешен тамгалап, бүтәннәр арасында үз урынын билгеләргә тырыша. Бик күп төрле төсмерләрдән торган милли үзенчәлекләр арасында, әлбәттә, әхлакка кагылганнары да шактый. Кайбер милләтләр әхлак, кагыйдәләрен язма рәвештә кабул итеп, шуңа турылыклы булырга тырышалар." - дип язган Туфан Миңнуллин.
    Безнең Арча районы да үзенең тормыш кодексын булдырды. Ул 21 кагыйдәдән тора. Бүген укучыларыбызны да "Арчаларның тормыш кодексы" белән таныштырдык.

    Танкистлар көне Россиядә Советлар Союзы вакытыннан бирле үк билгеләп үтелә. Әлеге бәйрәм, 1946нчы елны, Бөек Ватан сугышы тәмамланганнан соң, сугыш вакытында танк гаскәрләренең дошманны тармар итүгә керткән зур өлешен искә алу хөрмәтенә кертелә. Ә инде 2006 елдан, сентябрь аеның икенче ял көне Президент Указы нигезендә танкистлар көне итеп официаль рәвештә билгеләнә. Россиянең танк гаскәрләре бүген дә төп һөҗүм итү һәм көчле саклану чарасы булып тора.
    Укучыларны хәрби хезмәт төшенчәсе белән таныштыру, туган илгә мәхәббәт тәрбияләү, балаларны туган илнең чын сакчылары булырга әзерләү максатыннан тәрбия сәгате үткәрдек.

    11 сентябрьдә Бөтенроссия аеклык көне билгеләп үтелә. Аның максаты - хәмернең зыяны хакында кабат искә төшерү, алкоголизмга җәмәгатьчелек игътибарын җәлеп итү.
    Алкогольгә бәйлелек бүгенге җәмгыятьнең иң зур проблемаларының берсе. Ул халыкны киләчәгеннән мәхрүм итә.
    Алкоголь турыдан-туры күзәнәкләргә үтеп кереп, кеше организмының барлык әгъзаларын һәм тукымаларын җимерә башлый. Эчкечеләр күбесенчә инфаркт, инсульт, бавыр церрозы, нерв системасы какшау чирләреннән вафат була.
    Сәрхүшләрнең гаиләләренә дә кыен, эчкән кеше янында җан тынычлыгы югала. Шушы упкынга төшмәс өчен, алкогольдән тыелу зарур.
    Алкоголизм киләчәк буыннарга да тискәре йогынты ясый. Аеруча яшь буында спиртлы эчемлекләргә карата тискәре караш тәрбияләү, сәламәт яшәү рәвешен пропагандалау зарур. Шушы максаттан чыгып, без укучыларыбыз белән кичә “Тормышка аек акыл белән кара!” дигән темага түгәрәк өстәл оештырдык. Алкогольнең кешелеккә салган зыяны турында фикерләр алыштык, презентация карадык.

    "Табигать кеше тәрбияләүнең бай чыганагы" - дип яза күренекле педагог В.А.Сухомлинский. Ә моңа балаларга кече яшьтән экологик тәрбия биреп кенә ирешергә мөмкин.Табигатьне күзәтү, аны өйрәнү, сакларга омтылу - балаларның рухи дөньясын баета, уйларга өйрәтә. Эчә торган суыбыз, сулый торган һавабыз, йөри торган җиребез чиста булсын, барлык тереклек ияләре дус , тату яшәсеннәр өчен, аларга сак караш тәрбияләү максатында мәктәбебездә экологик тәрбия бирүгә ныклы игътибар бирелә.

    Көзге табигатьнең матурлыгына мәхәббәт, һава, җир, кояш, үсемлекләргә игътибарлылык тәрбияләү максатыннан башлангыч класс укучылары урманга экскурсиягә барды. Балаларга саф һавада хәрәкәтле уеннар оештырылды. Рәхәтләнеп ял иттеләр. Көзге табигатькә сәяхәт балаларның күңелендә зур тәэсир калдырды.

    Бүген мәктәбебез укучылары белән, “Көзге мәрхәмәтлелек” атнасы кысаларында, “Доброя Земля” акциясендә катнаштык. Акциянең максаты: авылыбызның, шәһәрләрнең, планетабызның экологик проблемаларын күрә белергә өйрәтү иде. Укучыларыбыз белән Бөек Ватан сугышында һәлак булган авылдашларыбыз истәлегенә куелган һәйкәл яны территориясен җыештырдык,чүпләрдән арындык.
   Табигать-ул безнең туган йортыбыз! Җир-анабызга мәрхәмәтле һәм игътибарлы булыйк!

    Быел 8 нче сентябрьдә Ленинград камалышы башланганга 78 ел. Бүген сыйныф сәгатендә әнә шул хакта мәгълүмат бирелде. Укучылар презентация ярдәмендә тулы информация алдылар.
    Ленинград камалышы (8 сентябрь 1941 – 27 январь 1944, 872 көн) - алман-фашист, Финляндия, испан (Зәңгәр дивизия) гаскәрләре, Африка, Италия хәрби-диңгез көчләре катнашында тарафыннан Бөек Ватан сугышында Ленинград камалышы (Ленинград - хәзер Питербург).
    1941 елның 8 сентябреннән 1944 елның 27 гыйнваренә кадәр (камалыш боҗрасы 1943 елның 18 гыйнварендә өзелә) — 872 көн сузыла.
    Камау башланганчы шәһәрдә...

    "Экстремизмга - юк!" айлыгы кысаларында, мәктәп күләмендә бедәм дәрес үткәрелде. Бу дәрестә укучылар арасында толерант мөнәсәбәтләр, политик һәм хокук культуралары, яшүсмерләр һәм яшьләр арасында терроризм һәм экстремизм прфилактик чаралар турында сөйләшенде, мәгълүмат бирелде.

    Тирә-ягыбызда караучысыз калган өлкәннәр, инвалидлар, ятимнәр, авыр хәлләргә очраган кешеләр бар. Алар безнең ярдәмгә мохтаҗ. Аларга ярдәм кулы сузу, игелек кылу—әхлакый бурычыбыз. Бер-беребезне кайгыртып яшик, бер-беребезгә игътибарлы һәм ихтирамлы булыйк”.
    Әйе, яхшылыкны кеше алдында мактану өчен эшләмиләр. Татар халкында: “Яхшылык ит тә, диңгезгә ташла, балык белер, балык белмәсә халык белер” – дигән әйтем бар. Без дә бу теләкләрне исебездә калдырырбыз, һәр көнне игелекле гамәлләр кылырга, изге эшләр башкарырга, кешеләргә миһербанлы, шәфкатьле булырга тырышырбыз. #Мәрхәмәтле Татарстан акциясе кысаларында мәктәбебездә эшләп киткән Минзилә апага кунакка бардык. Аның тормыш шартлары белән таныштык. Яшелчә бакчасын җыештырырга ярдәм иттек.

    Бүген мәктәбебездә Россия күләмендә үткәрелгән “Здоровая пробежка” акциясе кысаларында спорт ярышлары уздырылды. Укучылар төрле хәрәкәтле уеннар уйнадылар, 30 һәм 100 метрга йөгереп, норматив тапшырдылар. Сәламәт тәндә - сәламәт акыл. Сәламәт яшик, физкультура белән дус булыйк.