Бүген 27 нче гыйнвар Ленинград камалышы бетерелгән көн. Бүген сыйныф сәгатендә әнә шул хакта мәгълүмат бирелде. Укучылар презентация ярдәмендә тулы информация алдылар.

    1941 елның 8 сентябреннән 1944 елның 27 гыйнваренә кадәр (камалыш боҗрасы 1943 елның 18 гыйнварендә өзелә) — 872 көн сузыла.

    Камау башланганчы шәһәрдә җитәрлек азык-төлек һәм ягулык булмаган. Ленинград белән бер генә элемтә кала - Ладога күле. Бу күл алман-фашист әртиллириясе һәм очкычлары тарафыннан тупка тотыла, шуңа күрә йөк элемтәсе җитәрлек азык-төлекне Лениградка китерә алмый, шәһәрдә зур ачлык башлана. Бик салкын кыш һәм азык-төлек җитешмәве нәтиҗәсендә 700 мең диярлек кеше ачлыктан үлә.

    Камау өзгәннән соң Ленинград чолгавы дошман көчләре тарафыннан 1944 елның сентябренә кадәр дәвам итә.

    Укучылар авылдагы һәйкәлне җыештыруда катнаштылар һәм Ветераннарны искә алып чәчәкләр салдылар.

    Балыкка - су, кошларга - һава, җәнлекләргә - урман, дала, таулар, ә кешегә табигать кирәк. Ә табигатьне, аның байлыкларын саклау - һәркемнең изге бурычы. Кышкы зәһәр җилләрне җиңеп, нәни канатларын җилпеп, азык эзләүче кошларны күргәнегез бармы сезнең? Үлән, орлык-мазар кар астында калган. Шуңа күрә кышын кошлар кеше янына елыша, ярдәм өмет итә. Без дә укучылар белән көн саен җимлекләргә ярмалар, орлыклар салабыз. Кошларны күзәтәбез, укучыларда кошларга карата мәхәббәт тәрбиялибез.

    23 нче гыйнвар - бөтен дөньяда Почерк көне, ягъни кулдан язу көне итеп билгеләп үтелә. Хәзерге заманда бу бәйрәм бигрәк тә актуаль, чөнки кешелек тормышында кулдан язу төшеп кала, ә бик күп эшләр компьютерда башкарыла. Графологлар кешенең кулъязмасы буенча характерын да әйтеп бирергә мөмкин дип исәплиләр.
    Бүген без, шушы бәйрәм уңаеннан, язу турында сөйләштек һәм укучыларның үзләре иң матур дип тапкан дәфтәрләрен барладык. Матур язуга булган таләпләрне искә төшердек.

    Бүген Габдулла Тукай музеенда Кушлавыч авылы китапханәсенең 60 еллыгы уңаеннан музей дәресе узды. Элеккеге китапханәнең бер бүлмәсендә Тукай музее эшли башлаган. Музей мөдире Мөхәммәтшина Ләйлә Мөнир кызы элеккеге китапханә, анда эшләгән хезмәткәрләр турында бик күп белешмә бирде. Укучылар әлеге дәрестән үзләре өчен кызыклы мәгълумат алдылар.

    Һәйкәл – әби-бабаларыбыз вакытыннан калган олы бер мирас. Ул, без дөньяга килгәнче, бик күп еллар буе җил-давылга, кар-буранга, салкынга түзгән һәм безнең илдә сугышлар барган вакытта авыл халкының авыр кыерсытуларга, авыр тормышка бирешмичә, алга атлавын күргән.
    Ә инде һәйкәлләрне карап, тәрбияләп тору безнең төп бурычларыбызның берсе!
    Бүген без дә укучылар белән Бөек Ватан сугышчыларына куелган һәйкәл тирәләрен, Тукай һәйкәлен кардан чистарттык. Саф һава да суладык, изге эш тә башкардык. Күп вакыт үтүгә карамастан, һәйкәл бүгенге көндә дә киләчәк буынны тәрбияләүдә башлангыч нокта булып тора.

    Бүген башлангыч класс укучылары авыл китапханәсенә кунакка керделәр. Китапханәче Рәмзия Габделбәр кызы безне бик җылы каршы алды. ТАССР ның 100 еллыгы, Бөек Җиңүнең 75 еллыгы уңаеннан укучыларга тулы, эчтәлекле белешмә бирде. Әлеге темаларга кагылышлы яңа китаплар белән таныштырды. Укучылар әлеге чарадан үзләренә кирәкле файдалы мәгълүмат алдылар.

    Бүген башлангыч класс укучылары физкультура дәресендә тауга чана шуарга бардылар. Көн матур, җылы. Рәхәтләнеп уйнадык, көлдек, төрле ярышлар да уздырып алдык. Менә кайда икән ул рәхәтлек!
   Чана шуганда нәрсәгә игътибар итәргә кирәк соң? Шул турыда да бераз белешмә биреп китәбез. Кышын җәрәхәт алу, кул-аяклар сыну ихтималы бар. Кышкы спорт төрләре белән кызыксынган балада имгәнү куркынычы арта. Шуңа да шуганда, беренче чиратта, нәрсәгә игътибар итәргә кирәк соң?
- Чаналарның төзеклеген тикшерергә.
- Чаңгыларның ныгытмаларын карап, шуучының аягына яхшы беркетелгәнен тикшерергә.
- Тимераякларны аяк үлчәменә туры китереп алырга...

    Янгын – кеше сәламәтлеге һәм тормышы өчен куркыныч, ул гадәттән тыш хәл. Ә гадәттән тыш хәл вакытында иң мөһиме – югалып калмау, дөрес эш итү.
    "Янгын куркынычсызлыгы” Бөтенрәсәй ирекле интернет-акциясендә мәктәбебез укучылары бик теләп катнашалар. Чараның төп максаты: укучыларның янгын куркынычсызлыгы буенча белемнәрен арттыру. Монда укучылар янгын куркынычсызлыгы турындагы материаллар, баннерлар, беренче ярдәм күрсәтү кагыйдәләре белән таныша, белемнәрен тестлар ярдәмендә сынап карый алалар.

    Тыюлыклар-ул аеруча саклана торган табигый территорияләр – бүген, мөгаен, кыргый табигатьнең һәм хайваннар дөньясының аз өлешен генә булса да югалтудан саклап калуның бердәнбер ысулы.
    Тыюлыклар һәм милли парклар көне 1997 елдан Кыргый табигатьне саклау үзәге һәм Бөтендөнья кыргый табигать фонды инициативасы белән билгеләп үтелә башлады. Ни өчен нәкъ менә 11 гыйнварда, икенче көнне түгел?
    11 нче гыйнварда бу вакыйга өчен очраклы гына сайланмаган — бу көнне 1917 нче елны Россиядә беренче дәүләт тыюлыгы — Бәргуҗа тыюлыгы оештырылган иде.
Бәргуҗа дәүләт табигый биосфера тыюлыгы Россиянең иң борынгы тыюлыкларыннан берсе булып тора. Ул Иркутск генерал-губернаторының 1916 елның 17 маендагы Карары белән гамәлгә куела, ә 1917 елның 11 гыйнварында тыюлык төзү Хөкүмәт Карары белән рәсмиләштерелә.
    Хәзерге вакытта Россиядә гомуми мәйданы 33 миллион гектардан артык булган 100 тыюлык һәм гомуми мәйданы 7 миллион гектарга якын булган 35 милли парк исәпләнә.
    Шушы уңайдан, бу бәйрәм класстан тыш шөгыльләрдә билгеләп үтелде.

    12 гыйнварда прокуратура хезмәткәрләре үзләренең һөнәри бәйрәмнәрен билгеләп үтә. Әлеге дата уңаеннан мәктәбебездә тәрбия сәгате үткәрелде. Прокуратура хезмәткәрләре законнар үтәлеше сагында торып, күзәтчелек вазифасын намус белән башкарып, тормышыбызда мөһим урынны били. Алар тырышлыгы белән хезмәт хакларын вакытында түләү, кече һәм урта бизнес мәнфәгатьләрен, пенсионерларны, балаларны, инвалидларны яклау, әйләнә-тирә мохитне саклау, җинаятьчелек, коррупция һәм террорчылыкка каршы көрәш һәрдаим игътибар үзәгендә тора. Бәйрәмегез белән!