5 декабря учащиеся 11-х классов писали итоговое сочинение. Итоговое сочинение является допуском к государственной итоговой аттестации ( оценка школой: "зачет-незачет") и форма индивидуальных достижений абитуриентов ( оценка вуза: до 10 баллов к ЕГЭ, если вуз такое решение принял). Учет результатов сочинений в вузах осуществляется по желанию абитуриента и решению вуза.

    Бүген 8,10 нчы сыйныф укучылары Наласа мәдәният йортында “Ихлас” мөмкинлекләре чикле актив Арча яшьләр оешмасы вәкилләре белән очраштылар. Очрашу бик җылы һәм файдалы булды.

    Россия Федерациясендә 3 декабрь рәсми рәвештә “Билгесез солдат көне” итеп билгеләнеп үтелә.  Шул уңайдан мәктәбебездә  класс сәгатьләре үткәрелде, һәйкәлгә  чәчәкләр куелды.

26.11.2018-01.12.2018 көннәрендә мәктәбебездә башлангыч класслар атналыгы уздырылды. Анда түбәндәге чаралар үткәрелде:

1."Минем әнием"- рәсем конкурсы. "Эрудитлар"-укучылар арасында ярыш.

2."Бантик бәйрәме". Дәфтәрләр күргүзмәсе.

3."Күңелле стартлар", Татар халкының җырлы-биюле уеннарын уйнау.

4.Авылыбызның шагыйрәсе Н.Гөлчирә белән очрашу. "Оста куллар" түгәрәгендә эшләнгән кул эшләреннән күргәзмә.

5."Балалар язучысы Ш.Галиевка 90 яшҗ"- класс сәгатьләре. Чараларда укучыларыбыз, хәтта укытучыларыбыз да бик теләп катнаштылар. Атналык күңелле һәм тәрбияви көчтә үтте.

    Бүген мәктәбебездә “Әнием- кадерлем” дип исемләнгән бәйрәм булды. Бәйрәм Туфан Миңнуллинның “Кайда хаклык- кайда дөреслек!?” дип исемләнгән спектакле белән башланып китте (җитәкчеләре-  Г.В.Габдрахманова, Г.Р. Шагисламова). 8 нче сыйныф укучылары һәм аларның сыйныф җитәкчеләре Габдрахманова Г.В. әзерләгән концерт өлеше Арча сәнгать мәктәбе филиалы буларак эшләп килүче түгәрәкләргә йөрүче укучыларыбызның  бик зәвыклы чыгышлары белән үрелеп барды (җитәкчеләре- Ахунова Л.Г., Исмәгыйлева А.Ә., Сафиуллин Б.М.). Бәйрәм ахырында барлык укучылар әниләренә үзләре әзерләгән бүләкләрен тапшырдылар.

         Кичәдә катнашучы барлык укучыларга һәм аларның җитәкчеләренә рәхмәт белдерәбез! 

   Башлангыч сыйныф укучылары вожатый апалары белән бергәләп әниләренә бүләк әзерләделәр.

      Бүген Арчаның сәнгать мәктәбендә  Гариф Ахунов исемендәге премия тапшыру бәйрәме узды. Билгеле булганча, премия 30 яшькә кадәр яшьләргә әдәбиятта, сәнгатьтә ирешкән уңышлары өчен бирелә. Бәйге якташыбызның күркәм эшен дәвам итеп, районда яшь каләм ияләрен, талантларны барлау, иҗатларына ярдәм итү максатыннан уздырыла.

     Бәйгедә мәктәбебезнең 11 нче сыйныф укучысы Нәҗметдинова Камилә “Драматургия” номинациясендә 2 дәрәҗә дипломга лаек булды.

     Бәйрәмдә әлеге бәйгедә катнашып, иҗат дөньясында ныклы адымнар белән атлап баручы мәктәбебез укучысы, авылдашыбыз,  “Казан утлары” журналы мөхәррире Рөстәм Галиуллинны күрү аеруча күнелле булды. Ул Камиләгә алга таба да иҗади унышлар теләде.

   Укучыларыбыз Йошкар-Ола шәһәрендә үткәрелгән  ”Гасырлар авазы” Бөтенроссия фестиваль-конкурста II дәрәҗә лауреат исеменә лаек булдылар. Җитәкчеләре - Ахунова Л.Г.