Ибраһим Хальфин XIV республика фәнни-тикшерү конференциясендә физика укытучысы Гайфуллин Рашат дәрес конспекты һәм дәрестән тыш мероприятияләр номинациясендә I нче дәрәҗә диплом белән бүләкләнде.

     Шул уңайдан мәктәбебездә “Туган телем -  иркә гөлем” дип исемләнгән  бик матур чара үтте. Бәйрәмгә районыбыздан чыгып, төрле урыннарда хезмәт куючы күренекле шәхесләребез кайтты. Алар арасында шагыйрь, журналист, педагог, Муса Җәлил премиясе лауреаты Хәнәфи Бәдигый, җырчы Нурзадә, ТНВ каналыннан кунаклар бар иде. Кунакларны мәктәбебезнең  курайчылар ансамбле каршы алды. Мәктәп һәм музей белән танышканнан соң, укучылар һәм укытучылар көче белән әзерләнгән кичә карадылар.  Кичәнең икенче өлешендә кунакларыбыз үзләре  белән  якыннан  таныштырдылар.  Очрашу бик җанлы һәм кызыклы үтте.

    Бүген Арча 5 нче гимназиясендә, 21 нче февраль – Халыкара туган тел көне уңаеннан “Туган телеңне өйрән һәм ярат” районкүләм шигырь укучылар бәйгесе узды. Бәйгедә мәктәбебезнең башлангыч класс укытучысы Яппарова Раилә Илһам кызы да катнашты һәм Дипломга   лаек булды.  Котлыйбыз!

   Бүген Балтач районы Бакый Зыятдинов исемендәге Карадуган гимназиясендә Муса Җәлил исемендәге V  республикакүләм фәнни-гамәли конференциядә үткәрелде. Анда уңышлы чыгыш ясап, мәктәбебезнең 10 нчы сыйныф укучысы Исмәгыйлев Раил 2 урынга, 8 нче сыйныф укучысы Вахитова Лилия 3 урынга лаек булдылар. (Җитәкчеләре: татар теле һәм әдәбияты укытучылары Габдрахманова Г.В., Шагисламова Г.Р.)

     Хәрби дан айлыгы кысаларында 1-6, 7-11 класс укучылары арасында  Шорт- трек буенча ярышлар узды. Ярышлар бик җанлы үтте. Һәр төркемдә кызлар  һәм малайлар арасында җиңүчеләр билгеләнде, аларга грамоталар тапшырылды. Киләчәктә дә укучыларыбызга спортта зур уңышлар теләп калабыз.

18нче февраль көнне башлангыч класс укучылары туган көне уңаеннан Герой шагыйрь М.Җәлилне искә алу кичәсе үткәрделәр. Аның тормыш юлын, балалар өчен язган шигырьләрен сәнгатьле укыдылар һәм сәхнәләштерделәр, җырларын башкардылар. Батыр, Ватанга тугърылыклы милләттәшебезне беркайчан да онытмыйк!

11.02.2019-16.02.2019 көннәрендә мәктәбебездә тарих һәм җәмгыять белеме атналыгы булып узды. Укучыларыбыз Наласа музеена экскурсия ясадылар, җәмгыять белеме буенча интеллектуаль уенда катнаштылар,Сталинград сугышында җиңүгә 76 еллык уңаеннан документаль фильм карадылар,“Шәҗәрәләр- нәсел агачы” шәҗәрәләр конкурсында катнаштылар, армия сафларында хезмәт итүче егетләребезгә хат яздылар. (Хасанова А.М., Мифтахова Л.Р.)

       М. Җәлил... бу исем һәр татар кешесенә, һәр мәктәп баласына яхшы таныш. Ул халык йөрәгендә Ватанга тугрылык, үлемсезлек, батырлык һәм каһарманлык символына әверелде. Советлар Союзы герое, Ленин премиясе лауреаты М. Җәлилнең исеме бөтен планетабызга билгеле.

       Бүген Бөек шагыйрьнең туган көне уңаеннан мәктәбебездә төрле чаралар үткәрелде: аның шигырьләренә рәсемнәр ясалды, күргәзмә оештырылды, тормыш юлы һәм иҗаты буенча тәрбия сәгатьләре үтте.

Бүген мәктәбебездә "Тирәнәя һаман яралар..." исеме астында Афганстанда хезмәт иткән авылдашларыбыз белән очрашу кичәсе булды. (кичәне әзерләде: тарих укытучысы Хасанова А.М.)

13 нче февраль көнне 9 нчы сыйныф укучыларының рус теле буенча йомгаклау әңгәмәсе булды. Әлеге әңгәмә нәтиҗәләре буенча алар төп дәүләт имтиханнарына кертеләчәкләр.