География атналыгы кысаларында мәктәбебездә Нәрсә? Кайда? Кайчан? интеллектуаль бәйгесе уздырылды. Барлык фәннәр буенча укучыларыбызны белемнәрен сынадык. 3 команда канашты. III нче урын - Бөркетләр, IIнче урын - Татар кызлары, Iнче урын - Тапкырлар командасы яулады. Атналык кысаларында үткәрелгән чаралар: 1. Веб-квест, 2. Оригами. (Оештырды: география укытучысы- Шакирова Д.К.)

14 нче март көнне Арчаның 6 нчы урта гомуми белем мәктәбендә Аҗаган -2019 ярышының финал этабы үткәрелде.Барысы 7 команда катнашты.Безнең мәктәп командасы 5 нче урынны яулап кайтты.Катнашкан укучыларыбызга, команданы әзерләгән укытучыга зур рәхмәт, молодцы! (Җитәкчеләре: Лотфуллин Г.Т.)

      Бүген мәктәбебезнең 5-11 нче сыйныф кызлары арасында "Ягез әле, кызлар" бәйгесе үткәрелде.Бәйгедә кызларыбыз үзләренең уңганлыкларын, тапкырлыкларын, иҗади яктан сәләтләрен күрсәттеләр. Бәйге концерт номерлары белән үрелеп барды. Барлык кызлар да төрле номинацияләрдә җиңүләргә лаек булдылар.

2 нче март көнне 3 хоккей командасы арасында ярыш булды. Барлык командалар да бик тырышып уйнадылар. 1 урынга "Ирбис", 2 урынга "Спартак", 3 урынга "Гром" командалары лаек булды.

«Урок цифры» — по-настоящему важная инициатива для школьников всех возрастов, где они в игровой форме знакомятся с основами программирования и цифровыми технологиями С 25 февраля по 8 марта 2019 г. идет «Урок цифры» по теме «Искусственный интеллект и машинное обучение». Урок адресован учащимся 1-11 классов, направлен на развитие ключевых компетенций цифровой экономики у школьников, а также на их профориентацию для осуществления дальнейшей деятельности в сфере информационных технологий. Сегодня учителем информатики Ильясовым М. З. тоже прошел «Урок цифры». Учащиеся прошли тренажер и получили сертификат.

1 нче март көнне беренче класс укучыларының "Әлифба бәйрәме" үткәрелде. Бу бәйрәмдә барлык башлангыч класс укучылары һәм әти-әниләр катнашты. Бәйрәмдә беренче класс укучылары шигырьләр сөйләделәр, табышмакларның җавапларын таптылар, төрле биремнәр үтәделәр, матур итеп биеделәр, җырладылар. (Класс җитәкчесе:Исмагилова М.М.)

   Бүген авылдаш шагыйрәбез Гөлчирә апа Нәҗметдинованың “Бер күрешү- бер гомер” дип исемләнгән иҗат кичәсе үтте.  Кичә шагыйрәнең китапларына кертелгән шигырьләр, аның сүзләренә язылган җырлар, матур биюләр белән үрелеп барды. Укучылар Гөлчирә ападан үзләрен кызыксындырган сорауларга җаваплар алдылар. Очрашуга, Гөлчирә апаны хөрмәтләп, балалар шагыйрәсе Йолдыз Шәрәпова, Россия-Татарстан телеканалы белән берлектә Фәннүр абый Хәсәнов та кайткан иде.

  Очрашу бик җанлы, эчтәлекле үтте. Чараны әзерләгән татар теле һәм әдәбияты укытучыларына (Г.В. Габдрахманова, Г.Р. Шагисламова) һәм барлык катнашкан укучыларга рәхмәт белдерәбез.