"Арча ягы - данлы Тукай ягы" дип исемләнгән балалар иҗаты Х Республика конкурсында 4 нче класс укучысы Харисов Айбулат “Курай” номинациясендә I дәрәҗәдәге лауреат дипломына ия булды. Курайчылар триосы да (Харисов Айбулат, Гыйлаҗиев Рамил, Ситтиков Булат) I дәрәҗәдәге лауреат дипломы белән бүләкләнделәр. Җитәкчеләре Харисов  Рәдис Рафис улын һәм курайчыларны котлыйбыз, уңышлар телибез.

 Республика күләмендә укучыларның фән өлкәсендәге эзләнүләренә карата игътибар елдан-ел арта гына бара. Укучыларыбыз да эзләнүләрне төбәк тарихына  бәйләп алып баралар, андагы кешеләрнең төрле өлкәдә күрсәткән хезмәтләрен барларга тырышалар. Ил язмышында үз ягыңның гади кешеләре алып  торган урынны билгеләү өчен айлар, кайвакытта еллар да кирәк. Шулай булганда , уңыш та ерак йөрми.Республикада "Россия династияләре" регионара эзләнү эшләре конкурсы үткәрелде. Бу конкурста безнең мәктәптән 2 укучы катнашты. "Укытучылар династиясе" номинацияcендә катнашып , 8 нче класс укучысы Шәяхмәтова Сафия I урын, "Спортсменнар династиясе" номинациясендә "Минем көрәшче туганнарым" исемле чыгышы белән 4 нче класс укучысы Сабирова Азалия II урынны яуладылар. Укучылар Казан шәһәренең 139 нчы гимназиясендә бүләкләү тантанасында булдылар. Фән өлкәсендә беренче адымнар ясарга өйрәткән тәҗрибәле укытучы Якупова Хәнифә Зиннәтовнаның да зур хезмәте бу, билгеле. 

    Түбән Мәтәскә урта мәктәбе укытучылары һәм укучылары һәрчак эзләнүдә. Саба муниципаль районында Татарстан Республикасы мәгариф һәм фән  министрлыгы белән берлектә күренекле галим, тел белгече Әбрар Кәримуллинның иҗади мирасын өйрәнүгә багышланган республикакүләм фәнни-гамәли конференциясе узды. Безнең мәктәптән конкурсның икенче этабында катнашу бәхете 3 укучыга эләкте: 10 нчы класс укучысы Шәрәфиев Инсаф, 11 нче класс укучылары Шиһапова Гөлназ һәм Вәлиева Чулпан((җитәкчеләре тарих фәннәре укытучысы Якупова Хәнифә Зиннәтовна, татар теле һәм әдәбияты укытучысы Муллагалиева Гүзәл Нургалиевна). Конкурста 100 дән артык укучы катнашты, алар 9 секцияuдә чыгыш ясадылар. Укучылар һәм аларның җитәкчеләренең чыгышы КФУ галимнәре тарафыннан бәяләнде. Укучыларның тема буенча дөрес фикер йөртә белүе генә түгел, иптәшләренең чыгышларына карата дөрес итеп сорау куя белүләре дә исәпкә алынды. Ниһаять, көтелгән нәтиҗә: 11 нче класс укучысы Вәлиева Чулпан, “Татар филологиясе” секциясендә “Туган як-матур төбәк” эзләнү эше белән чыгыш ясап, III дәрәҗәле дипломга ия булды. Фән өлкәсендә беренче адымнарын ясаган укучыларга зур уңышлар телибез.

Мәктәптә «Яшь кулибинчы-2015» республика конференциясе үткәрелде. Конференцияне оештыручылар - Татарстан республикасы уйлап табучылар, рационализаторлар җәмгыяте һәм “Мәгариф” журналы. Конференция 3 бүлектән торды: яшь эзләнүчеләрнең техника өлкәсендәге ачышларыннан төзелгән күргәзмә; тәҗрибә уртаклашу, фикер алышу өлеше; галимнәр катнашында оештырылган осталык дәресләре. Әлеге чарада район администрациясе башлыгы Илшат Габдельфәртович Нуриев та катнашты.Ул осталык дәресләрендә булды, күргәзмә белән танышты, яшь уйлап табучыларга үз тәкъдимнәрен җиткерде. Район мәгариф бүлеге начальнигы Дәүләтбаев Зөлфәт Миннефәрович конференциянең төп өлешендә район укытучыларының чыгышын тыңлады. Яшь кулибинчыларның эшеннән канәгать булуын хәбәр итте. Мөхтәрәм кунаклардан түбәндәгеләрнең чыгышын тыңлау укучылар һәм аларның җитәкчеләрендә яңа эзләнүләргә теләк тудырды. Конференция кунаклары: Татарстан уйлап табучылар һәм рационализаторлар җәмгыяте президенты ӘЮПОВ Мөхәммәт Йосыф улы, Казан дәүләт энергетика университеты доценты, Татарстанның атказанган уйлап табучысы, техник фәннәр кандидаты, шагыйрь, «Яшь кулибинчы-2015» конкурсының жюри рәисе НУРУЛЛИН Ринат Гали улы, Казан федераль университеты профессоры, тарих фәннәре докторы, археолог, Татарстанның атказанган фән эшлеклесе ХУҖИН Фаяз Шәриф улы, «Сүз» нәшриятенең баш мөхәррире, эзтабар-язучы, Татарстанның атказанган мәдәният хезмәткәре, Россия хәрби-тарихи фәннәр академиясенең һәм Петр I исемендәге Фән һәм сәнгать академиясенең мөхбир-әгъзасы МОСТАФИН Шаһинур Сафа улы, «Мәгариф» журналының бүлек мөхәррире САБИРҖАНОВ Таһир Әюп улы.

19 марта классный руководитель 7 класса Исмагилова Гузель Альбертовна провела видеоурок, посвящённый XVI Чемпионату мира по водным видам спорта, который будет проводиться в столице Республики Татарстан г.Казани с 24 июля по 9 августа. Учащиеся посмотрели презентацию, из которой узнали много нового об Олимпийских играх, о летних и зимних видах спорта. Также учащиеся подробно изучили водные виды спорта. Ребята познакомились с программой, с символикой, спортивными объектами чемпионата.