Лагерьга йөрүче укучылар белән авыл җирлегендә урнашкан төрле урыннарга экскурсияләр ясала.Бүген укучылар авыл халкына дини өйрәтмәләр бирүче изге йорт –мәчеттә булдылар. Алар мәчетнең яшәү рәвеше белән таныштылар. Иртәгә укучыларны Кушлавыч авылындагы Г.Тукай музее кабул итәчәк. 

Хезмәт лагерендә эшләүчеләр мәктәп бакчасына 150 төп помидор, 400 төп кәбестә  утырттылар.  10 класс егетләре  Вәлиәхмәтов Фәрит, Шәрәфиев Инсаф, Рамазанов Айнур, Хәйретдинов Рим, Габдрахманов Ильназ, Маннанов Фәнгиз, Салимов Рузил аеруча тырышып эшләделәр. Бакча мөдире Маннанова Лилия Равилевна укучылар эшеннән канәгать.

Мәктәптә  ял лагере белән беррәттән өлкән класс укучыларыннан торган хезмәт лагере эшли башлады. Мәшгульлек үзәге аша эшкә урнашып акча эшләү мөмкинлеге булганга балалар бик шат.

1 нче июнь көнне мәктәптә "Кояшкай" ял лагере ачылды. Лагерьга 20 бала җәлеп ителде. Бүген укучыларыбыз аерым звеноларга бүленеп эшли башладылар. Лагерь вожатыйлары һәм тәрбиячеләре укучыларның ялын файдалы итү өчен кызыклы чаралар үткәрәләр. Бүген балалар хокукын яклау көне искә алынды. Әлеге рәсемдә сез тәрбияләнүчеләр арасыннан кайбер укучыларны өстәл уеннары вакытында күрәсез.

 Бүген без 2014-2015 нче уку елына йомгак ясадык. Укучыларның гомуми җыелышы вакытында җәйге чорда укучыларның үз-үзләрен тотышы турында булган кагыйдәләр җыелмасы  искә төшерелде.  Мәктәп яны һәм район оештыра торган лагерьларның эшләү тәртибе аңлатылды. Укучыларның мәктәп яны тәҗрибә участогында эшләү графигы хәбәр ителде. Төрле конкурсларның нәтиҗәләре чыгарылып, грамоталар тапшырылды. Шат күңел, күтәренке рух белән балалар ялга таралышты. 

Кадерле укучылар, мәктәп дирекциясе сезгә күңелле ял, саулык-сәламәтлек тели. 

Арча Укучылар сараенда "Яшь каләм"түгәрәгенә йөрүче укучыларның утырышы булды. Утырышта еллык эшкә анализ ясалды. Бөек Җиңүнең 70 еллыгы уңаеннан үткәрелгән конкурсның нәтиҗәләре чыгарылды. Түгәрәккә йөрүче укучыларның сугыш ачысын үз җилкәсендә татыган олы яшьтәге кешеләр турында төшергән видеороликлары тыңланды. Безнең мәктәп укучылары Сибгатуллина Илүзә  2 нче, Гаффарова Әнисә 3 нче урынны яулады. Котлыйбыз!