Район күләмендә 25-26 мвйда туристик слет булып узды. Слетта район мәктәпләреннән 19 команда катнашты. Безнең команда 2 урынга лаек булды. Төрле каршылыкларны үтү, теоретик белемнәрне тикшерү, стенгазета чыгару, сәнгать конкурсларында катнашу бик күңелле булды. Туритларыбыз Гайнетдинова Илзия. Рәхимҗанова Айзирә, Сабиров Азат, Фазылҗанов Ришат һәм Фазылҗанов Адельгә рәхмәт белдерәбез! Җитәкчеләре Җәләлиев Илфат Илсуровичка һәм Исмәгыйлова Гүзәл Альберт кызына уңышлар телибез!

Бердәм Россия  оешмасының Арча районы бүлекчәсе Җиңүнең 70 еллыгы уңаеннан "Үз шәмеңне кабыз" исемле акция үткәрде. Акция кысаларында укучылар Бөек Ватан сугышы елларында үз гаиләләре белән булган вакыйгалар турында төрле эчтәлектәге иҗади эшләр башкарып тапшырдылар. Безнең укучылар арасында Нәбиуллина Камилә 1 нче , Гаффарова Әнисә 2 нче, Мөндеш башлангыч мәктәбеннән Гыйбадуллин Инсаф 2 нче урынга лаек булдылар. Бу укучыларга грамота һәм бүләкләр тапшырылды. Катнашкан укучылар рәхмәт хаты белән бүләкләнде.

4нче класс укучыларын «Татарстан варислары» берлегенә кабул иттек. Өлкән варислар үз алмашчыларын варисларның законнары, кагыйдәләре белән таныштырдылар, бию - җырга осталыкларын тикшерделәр. Варис галстугы муеннарга тагылганнан соң , укучылар Арча районы музейлары буенча сәяхәткә чыгып киттеләр. Бу көннән алар бик канәгать калдылар.

Бүген туризм түгәрәгенә йөрүче укучыларыбыз Җәләлиев И.И., Исмәгыйлева Г.А. җитәкчелегендә район күләмендә оештырылган 2 көнлек туристик слетка киттеләр. Укучыларрга күңелле ял һәм зур җиңүләр теләп калабыз. Арча район башкарма комитеты җитәкчесе карары нигезендә район мәктәпләренең 10 нчы класс укучылары хәрби хезмәт нигезләрен өйрәнү буенча 5 көнлек полевой сборга баралар. Безнең мәктәптән бу чарада Фазылҗанов Г.Г.җитәкчелегендә 8 егет катнашачак. Укучылар алган белемнәрне практик рәвеште уңышлы гамәлгә ашырыр дип уйлыйбыз

  Республика мәктәпләрендә истә калырлык вакыйга-"Соңгы кыңгырау" бәйрәме. Бү уку елында мәктәпне тәмамлаучылар бездә бишәү. Класс җитәкчеләре-Фазылҗанова Наимә Мәхмүтовна. Укучылар унбер ел буена,  бар тырышлыкларын эшкә җигеп, белем һәм тәрбия биргән укытучыларына, тәрбияләп үстергән ата-аналарына , чисталыкка һәм пөхтәлеккә өйрәткән техник хезмәткәрләргә , тәмле ашлар белән сыйлаган пешекчеләргә, бар җаваплылыкны тоеп,мәктәпкә йөрткән автобус шоферларына тирән рәхмәт  сүзләрен  җиткерделәр. Бездә кунакта район мәгариф бүлегеннән килгән Гисматуллина Альфира Шайхулловна да булды. Ул бар укучыларны уку уелын уңышлы гына тәмамлау белән котлады, чыгарылыш класс укучыларына матур теләкләрен җиткерде.

Көмеш тавыш тынмый,

Йөрәкләрдә чыңлый.

Соң мәртәбә чыңлый кыңгырау.

Якты юллар теләр, Матурлыкка өндәп,

Саубаллаша көмеш кыңгырау.

Парк һәм скверлар елы уңаеннан Урман хуҗалыгы министрлыгы үткәргән "Парклар маршы" конкурсына нәтиҗә ясалды. Нәбиуллина Камилә һәм Гаффарова Әнисә бу конкурста җиңүче булдылар. Катнашкан укучыларга һәм оештыручыларга рәхмәт җиткерелде. Укучыларыбыз ел саен бу конкурста актив катнашалар. Иҗат итүгә сәләт кирәк. Сәләтле укучылар күп булу безне куандыра гына.

"Мөстәкыйль балалар" төркеменә йөрүче укучылар"Тәмәкедән башка бер көн" акциясе үткәрде. Башта проектта катнашучылар югары класс укучылары белән "Правда о табаке" исемле документаль  фильм  карадылар. Аннары укучылар белән тәмәке тартуның зыяны турында әңгәмә корылды. Укучыларга буклетлар таратылды. Аннары проектта катнашучылар урамда өмә оештырдылар. Җирлектә яшәүчеләрдән"Тәмәкесез бер көн" исемле  бер көнлек килешү төзү турында куллар җыелды.